JEREMI 1:10 - Bibəl ta Sar̄

¹⁰ Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

Bible sar

¹⁰ Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

JEREMI 1:10 Referans Kwoze

JEREMI 31:28

Gō tə́ anī, m-ā m-ə̄ndā kumḿ gíŕdə́ tə́ majə yā rāādə́ tītə̄ loo rāā ɓē ō, yā kəndādə́ tītə̄ loo kəndā kāgə̄ ō. A to i tītə̄ ń m-ə̄ndań kumḿ gíŕdə́ tə́ majə kété á m̄-ró̰yń yá̰a̰ kə ngəraá ō, m̄-ɓéngə̄leń ō, m̄-bótə̄yoń ō, m̄-nujəń ō, m̄-rāań yá̰á̰ kə́ tōr̄ ō ní. Najə̄ ń Kɔ́ɔ̄ɓē əda ní n noó.

EJEKIEL 36:36

Loo ń noō tə́ nápar de gə̄ ń a ndin̄ kə gō gidəsí ɓáý ní, a gerə̄n̄ kadə̄ mā Kɔ́ɔ̄ɓē m̄-tél m̄-rāā ɓē kə́ nujə gə̄ gogə́ ō, yá̰á̰ ń i kə́ kɔr̄ kɔ̄ɔ́ ní, m̄-tél m-ə̄ndā gogə́ ō. I mā Kɔ́ɔ̄ɓē n m-ə́da najə̄ ń noō ní ō, yá̰á̰ ń m-ə́dá ní m̄-rāā ō.

JEREMI 24:6

M-ā m-ə̄ndā kumḿ dɔdə́ tə́ majə ō, m-ā m̄-tél yā reē sedə́ gogə́ kem ɓē ń toō tə́ ō. M-ā m-ə̄ndādə́ tītə̄ kújə́ kə́ ngan̄g ō, m-ā m̄-nujə sedə́; to̰ aĺ bátə́ ō. M-ā m̄-mā̰ā̰də́ tītə̄ loo mā̰ā̰ kāgə̄ ō, m-ā m̄-ró̰ȳdə́ to̰ aĺ bátə́ ō.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

EJEKIEL 32:18

Ḭ̄ ngōn̄ deē, ī-nōō tām̄ yā de gə̄ malang kə́ Ejiptə tə́. Ādə̄ pā yo yāí rāā adə̄ nin̄ gə̄gē, gotə nápar de gə̄ kə́ tɔ́gə́də́ i ngá̰ý gə̄gē, risə aw̄ ndin̄ gíŕ nángāá, loo ń de kə́ koy gə̄ risə aw̄n̄ tū tə́ ní tə́.

EJEKIEL 43:3

Yá̰á̰ ń m-á̰a̰ā̰ ní, to tītə̄ yá̰á̰ ń m-á̰a̰ā̰ kété dan ń Kɔ́ɔ̄ɓē reēń nujə ɓē kə́ Jerusalem tə́ ō, dan ń m̄-rāń kadə bā Kebar tə́ ní ō. Loo ń noō tə́ m̄-tétə̄ kejəḿ nang tə́ ō, m-ɔ́sə noḿ nang tə́ ō.

1 MBAN̄G GƏ̄ 19:17

Deē ń a teē ta kaskar yā Hajael tə́ ní, Yehu a tɔ̄lən ō, deē ń a teē ta kaskar yā Yehu tə́ ní, Elije a tɔ̄lən ō.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

JEREMI 1:5

Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél nge koō ta tām̄ yā nápar de gə̄ tə́.

JEREMI 25:13

M-ā m̄-rāā kadə̄ yá̰a̰ gə̄ malang ń m-ɔ̄r̄ najə̄də́ dɔ ɓē ń toō tə́ ní, a reēn̄ dɔn tə́. Yá̰a̰ malang ń ndangən̄ kem makətūbə̄ ń toō tə́ ní ō, najə̄ ń Jeremi oō taḿ tə́ á ɔr̄ sɔɔ̄ dɔ de gə̄ ní ō.

JEREMI 31:40

Wól loo ɓōkə́ nīń gə̄ ō, kúĺ yá̰á̰ kə́ tun̄ gə̄ ō, loo kə́ kə gō ngāl̄ wól loo kə́ Sedəro̰ tə́, bátə́ ugə̄ń kíl róbə yā Sə́nda gə̄ tə́ gír ɓē tə́ ō ní, a télən̄ i loo kə́ yā ɓōĺ gidə malang tām̄ yā Kɔ́ɔ̄ɓē. Deē a ɔr̄ kə gír ngəraá aĺ ō, a bótə̄yō̰ aĺ ō, i kə́ njɔ́ḿ gə̄ tə́.

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

JEREMI 44:27

M-ə̄ndā kumḿ gíŕdə́ tə́ i yā rāādə́ yá̰á̰ kə́ majaĺ, banī i yá̰á̰ kə́ majə alé. Juda gə̄ ń ndin̄ kem ɓē kə́ Ejiptə tə́ ní a oyn̄ yo kaskar ō, yo ɓō ō, bátə́ kadə̄ təgān̄neé.

JEREMI 45:4

Kɔ́ɔ̄ɓē ɔr̄ najə̄ seí i tītə̄ ń toō beē: Yá̰á̰ ń m̄-rāā ní, mə̄kɔ́ m̄-nujəń ō, yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō, m̄-rāā tītə̄ ń noō kə gō loo gə̄ malang.

EJEKIEL 21:19

Ngɔlaā ní, ḭ̄ ngōn̄ deē, ə́da najə̄ ń m-ə̄ndā taí tə́ ní ō, ī-ɓir̄ jīí ə́ndań yá̰a̰ nja kógə̄ḿ ō, nja jōó ō, nja mətá ō. I kaskar tɔ̄l̄ yo, i kaskar kə́ nge tɔ̄l̄ de gə̄ malang ō, kə́ nge tə́gā de gə̄ kə̄ loo gə̄ tə́ ō.

EJEKIEL 23:36

Kɔ́ɔ̄ɓē ədam̄ na: Ḭ̄ ngōn̄ deē, ā ī-gān̄g sarya dɔ Ohola tə́ ō, dɔ Oholiba tə́ ō. Yá̰á̰ kə́ majaĺ ngá̰ý gə̄ malang ń nin̄ rāān̄ ní, ī-teēń kə̄ ndágá ī-ɓōkə́ ta kumdə́ tə́ ādə̄ a̰ā̰n̄.

OJEE 6:5

I tām̄ najə̄ ń noō tə́ n m̄-rɔ̄ɔ̄sí kə ta kūl̄ kəla kə ngé koō ta gēé ní. M-ə́la ɓōĺ kemsí tə́ kə ta kūl̄ kədasí na m-ā m̄-tɔ̄l̄sí. Sarya gāngə̄ḿ teē tītə̄ loo kə́ unjə̄ kow beé.

KOHELET 3:3

Kum mbang tɔ̄l̄ deē i noó ō, kum mbang kajə deē i noó ō. Kum mbang tɔ̄ɔ̄ kújə i noó ō, kum mbang kəndā kújə i noó ō.