JEREMI 1:1 - Bibəl ta Sar̄

¹ Najə̄ yā Jeremi kə́ ngōn̄ Hilkia, kə́ kógə̄ḿ yā ngé tun̄ yá̰a̰ gə̄ kə́ ndin̄ Anatot, gō nang yā Benjamḛ tə́.

Bible sar

¹ Najə̄ yā Jeremi kə́ ngōn̄ Hilkia, kə́ kógə̄ḿ yā *ngé tun̄ yá̰a̰ gə̄ kə́ ndin̄ Anatot, gō nang yā Benjamḛ tə́.

JEREMI 1:1 Referans Kwoze

JEREMI 11:21

I tām̄ ń toō tə́ n Kɔ́ɔ̄ɓē ɔr̄ najə̄ kə́ majə aĺ kə de kə́ Anatot tə́ gə̄ ń ndigən̄ tɔ̄lī ní. Nin̄ ədan na: Ī-lōō koō najə̄ ta Kɔ́ɔ̄ɓē tə́ kəda, ré i beé aĺ ɓáa j-a jə-tɔ̄lī kə jījí.

2 YÁ̰A̰ GƏ̄ 36:21

Najə̄ ń Kɔ́ɔ̄ɓē əndā ta Jeremi nge koō ta tə́ adə̄ əda ní rāā yá̰a̰ i tītə̄ ń noō. Jeremi əda kété na: A əya̰n̄ ɓē kɔ̄ɔ́ ɓāl̄ kutə sīrí kadə̄ dɔ nang ɔrə̄ń koō kum gotə ndɔ̄ sabat gə̄ ń ngán Israel gə̄ əndān̄ kumdə́ gírí aĺ ní tə́.

AMOS 7:10

Amasia ń i nge tun̄ yá̰á̰ kə́ kem ɓē kə́ Betel tə́ ní, əla kəla rɔ̄ Jeroboam mban̄g kə́ Israel tə́ tə́, ni ədan na: Amos sāā mbəreī kɔ̄ɔ́ dɔ kōr̄ kāgə̄ mbang kə́ Israel tə́ tə́. De kə́ kem ɓēé gə̄ asən̄ tə́gā tadə́ dɔ najə̄ kɔrə̄n gə̄ tə́ to̰ alé.

AMOS 1:1

Makətūbə̄ yā Amos ɔjə i gotə najə̄ kɔr̄ Amos. Ni i nge ngɔ̄m̄ yá̰a̰ kul̄ gə̄. I de kə́ kem ɓē kə́ Tekoa tə́. Ɓāl̄ jōó kə̄ kété no tə́ pá tá kadə̄ dɔ nang ndebə ní, Kɔ́ɔ̄ɓē ɔjən yá̰á̰ kə́ kadə̄ əda dɔ ɓē ko̰o̰ kə́ Israel tə́. I dan ń Ojias ndiń mban̄g Juda tə́ ō, Jeroboam kə́ ngōn̄ Joas ndiń mban̄g Israel tə́ ō ní.

IJAI 1:1

Yá̰á̰ kə́ dɔ ɓē ko̰o̰ yā Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

IJAI 2:1

Najə̄ kə́ dɔ ɓē ko̰o̰ yā Juda tə́ ō, ɓē kə́ Jerusalem tə́ ō, ń Ijai kə́ ngōn̄ Amots ənge tū yá̰á̰ kə́ ni-a̰a̰ tə́ ní n toó.

MATIYE 2:17

Adə̄ najə̄ ń Jeremi nge koō ta əda ní reē udə gírí.

MATIYE 16:14

Nin̄-tél ədanən̄ na: De kə́rēý gə̄ ədan̄ na ḭ̄ na i Ja̰a̰ Batistə, de kə́ rang gə̄ ədan̄ na ḭ̄ na i Eli, de kə́ rang gə̄ ɓáý to̰ ədan̄ na ḭ̄ na i Jeremi, aláa na i nge koō ta kógə̄ḿ kə́ dan madə̄ gə̄ tə́.

MATIYE 27:9

Loo ń noō tə́ najə̄ ń Jeremi nge koō ta əda ní reē udə gírí, ni-əda kété na: Ɔyn̄ sə́lē kə́ kum madə̄ kə́ bo gə̄ kutə mətá, adə̄ i nar gír deē ń ngán Israel gə̄ gāngə̄n̄ gātə̄n ní,

1 MBAN̄G GƏ̄ 2:26

Gō tə́ anī mban̄g əda Abiatar nge tun̄ yá̰a̰ na: Āw̄ ī-ndi dɔ nang yāí tə́ Anatot, tām̄ ḭ̄ i de kə́ majə kadə̄ óy tā ba m-ā m̄-tɔ̄lī ɓōólaā alé, tɔdɔ̄ ə̄tō sandúkə yā Kɔ́ɔ̄ɓē Nə́ɓā ɓāl̄ yā bɔbə́ḿ Dabid tə́ ō, ī-tápī naā tə́ ō.

2 YÁ̰A̰ GƏ̄ 35:25

Jeremi nge koō ta rāā pā kógə̄ḿ nōoń Josias. Əla gír ndɔ̄ ń noō tə́ bátə́ ɓōólaā ní, gōsə̄ pā kə́ dəngam gə̄ ō, kə́ dəyá̰ gə̄ ō, malang a ɔrə̄n̄ i najə̄ yā Josias kem pā nōō rɔ̄ yādə́ gə̄ tə́, tɔdɔ̄ tél i jī bēl̄ loo rāā yá̰á̰ kə́ dɔ nang kə́ Israel tə́ kɔ̄ɔ́. Ndangən̄ pā gə̄ ní i kem makətūbə̄ pā nōō rɔ̄ gə̄ tə́.

2 YÁ̰A̰ GƏ̄ 36:12

Ni rāā yá̰á̰ kə́ majaĺ ta kum Kɔ́ɔ̄ɓē Nə́ɓā yān tə́ ō, gḛy tél kə rɔ̄neé kə̄ nang tə́ ta kum Jeremi nge koō ta ń Kɔ́ɔ̄ɓē əndā najə̄ tan tə́ kadə̄ ɔr̄ ní aĺ ō.

ESDRAS 1:1

Kem ɓāl̄ kə́ ta kəga dɔ ń Sirus ndiń mban̄g dɔ ɓē ko̰o̰ kə́ Persə tə́ ní, Kɔ́ɔ̄ɓē gḛy rāā yá̰á̰ ń ni-əndā ta Jeremi nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ ō, ndang makətūbə̄ ō, yā kədań de kə́ kem ɓē ko̰o̰ yān tə́ gə̄ malang na:

IJAI 10:30

Sḭḭ̄ de kə́ Galim gə̄, ə́gaī kɔŕ! Ḭ̄ Layisa, á̰á̰ já̰já̰ dɔ rɔ̄í tə́! Ḭ̄ Anatot, ī-dal najə̄!

JEREMI 29:27

I tām̄ rí tə́ á ī-rāā yá̰a̰ kə Jeremi kə́ Anatot tə́ ń ɔr̄ najə̄ kə́ nge koō ta tə́ dɔ dáńsí tə́ ní aĺ ní.

DANIEL 9:2

Anī kem ɓāl̄ ko̰o̰ ɓē yān kə́ ta kəga dɔ tə́ ní, mā Daniel m̄-tə́da kutə ɓāl̄ gə̄ ń ɓē kə́ Jerusalem i kə́ nujə sák sák kɔ̄ɔ́ ní kə ta kūl̄ makətūbə̄ kə́ táĺ gə̄, anī m-á̰a̰ kadə̄ ɓāl̄ i kutə sīrí tītə̄ ń Kɔ́ɔ̄ɓē ədań Jeremi nge koō ta ní.

ESDRAS 2:23

De kə́ Anatot gə̄ i deē 128

JEREMI 30:1

Kɔ́ɔ̄ɓē ɔr̄ najə̄ kə Jeremií ədan na:

JEREMI 37:12

anī, Jeremi sāā teē kem ɓē kə́ Jerusalem tə́ ba kaw̄ gō nang yā Benjamḛ tə́ kadə̄ kə kēgə̄n̄ naā kə de kə́ gír kojə yān tə́ gə̄.