JAKARI 9:8 - Bibəl ta Sar̄

⁸ M-ā m̄-njə̄rā kə gō gidə ɓē yāḿ yā kəndāń kumḿ gírən tə́, ba rɔ̄ɔń dɔn tə́, najə̄ yā madə̄ ba̰ā̰ gə̄ ń a aw̄n̄ ō, a télən̄ ō ní tə́. Ngār kógə̄ḿ kə́ tə̄rā a reē yā rējə̄ gír deē yāḿ gə̄ to̰ alé. Tām̄ ngɔlaā ní, m-ə̄ndā kumḿ gír deē yāḿ gə̄ tə́.

Bible sar

⁸ M-ā m̄-njə̄rā kə gō gidə ɓē yāḿ yā kəndāń kumḿ gírən tə́, ba rɔ̄ɔń dɔn tə́, najə̄ yā madə̄ ba̰ā̰ gə̄ ń a aw̄n̄ ō, a télən̄ ō ní tə́. Ngār kógə̄ḿ kə́ tə̄rā a reē yā rējə̄ gír deē yāḿ gə̄ to̰ alé. Tām̄ ngɔlaā ní, m-ə̄ndā kumḿ gír deē yāḿ gə̄ tə́.

JAKARI 9:8 Referans Kwoze

IJAI 54:14

Ā ə̄ndā tɔ́gí dɔ yá̰a̰ rāā kə́ gōtə́ tə́. Deē a rējī to̰ aĺ ō, ɓōĺ a rāāī to̰ aĺ ō. De kə́ yā rāāī kadə̄ ndílí a̰ȳ to̰ a gətóo ō, de kə́ yā kəla ɓōĺ kemií tə́ to̰ a gətóo ō.

IJAI 60:18

Deē a oō najə̄ yā yá̰a̰ rāā kə́ kə dɔ́nɔ́ kem ɓē yāí tə́ to̰ aĺ ō, najə̄ yā loo kə́ nujə aláa najə̄ yā gájə bɔr kə́ tétə̄ gə̄ gō nang yāí tə́ to̰ aĺ ō. A əndān̄ rī ndogə̄ mbal̄ yāí gə̄ na i kajə. A əndān̄ rī ta róbə yāí gə̄ na i tɔ̄ȳ.

IJAI 52:1

Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

AMOS 9:15

M-ā m̄-tél yā kəndā gír deē yāḿ gə̄ dɔ nang yādə́ tə́ gogə́. Dɔ nang ń m-ādə̄də́ ní, deē a tə̄ɓādə́ tū tə́ kɔ̄ɔ́ to̰ alé. Yá̰a̰ ń mā Kɔ́ɔ̄ɓē Nə́ɓā yāsí m-ə́dá ní n noó.

EJEKIEL 39:29

Israel gə̄ ń i gír deē yāḿ gə̄ ní, m-ā m-ādə̄də́ ndílə́ḿ ō, m-ā m̄-tūr̄ gidəḿ kɔ̄ɔ́ tadə́ tə́ to̰ aĺ ō. Najə̄ ń Kɔ́ɔ̄ɓē Nə́ɓā əda ní n noó.

IJAI 52:12

Ń toō ɓáa ā āwī i kə ngɔ̄dɔ̄ɔ́ to̰ alé. Ā ī-teēī kɔ̄ɔ́ kem ɓēé i tītə̄ ngé ka̰ȳ naā gə̄ to̰ alé. Tām̄ i Kɔ́ɔ̄ɓē n i nge njə̄rā kété nosí tə́ ní, i Nə́ɓā yā Israel n i nge njə̄rā gōsí tə́ ní.

IJAI 31:5

Tītə̄ ń yel̄ a ḭḭń bɔ̄gə̄ dɔ ngánən gə̄ tə́ ní, Kɔ́ɔ̄ɓē kə́ bo kə́ tɔ́gən i ngá̰ý ní, a ngɔ̄m̄ ɓē kə́ Jerusalem. Ni a rɔ̄ɔ̄ dɔn tə́ ō, a gān̄g dɔn ō. Ni a ngɔ̄mən ō, a ajən ō.

PĀ GƏ̄ 72:4

Ngé ndoō gə̄ kə́ dan gír de gə̄ tə́ ní, ādə̄ mban̄g gān̄g sarya yādə́ kə gōó. Ādə̄ ni i nge kajə ngé ndoō gə̄ ō, nge rējə̄ ngé bám̄də́ gə̄ ō!

PĀ GƏ̄ 34:7

Nge rɔ̄ tō ndoō kógə̄ḿ ɓār̄ yá̰a̰ anī Kɔ́ɔ̄ɓē oō ō, ɔrə̄n kɔ̄ɔ́ dan wur kɔl yān gə̄ tə́ malang ō.

2 SAMUEL 16:12

Na majanī Kɔ́ɔ̄ɓē a a̰a̰ kum tō ndoō yāḿ adə̄ a rāā kadə̄ ndɔ̄ĺ yān a tél i tɔ́r̄ ta.

Teē Ngán Israel gə̄ 3:9

Ń toō ní nōō yā ngán Israel gə̄ əsō mbīḿ tə́ ō, m-á̰a̰ loo rāā ń de kə́ Ejiptə gə̄ a rāān̄ kumdə́ ndoō tə́ ní ō,

JEJU TEĒ KUM JA̰A̰ 20:9

Nin̄-taān̄ loo dɔ nang tə́ malang ō, gīrə̄n̄ gidə ɓē yā deē yā Nə́ɓā gə̄ ń i ɓē kə́ Nə́ɓā tárən ní əlan̄ ta naā tə́ ō. Banī hor kógə̄ḿ ḭḭ dɔ rā̰ tə́ əsō dɔdə́ tə́ o̰o̰də́.

KƏLA RĀĀ 7:34

M-á̰á̰ yá̰á̰ kə́ tōr̄ ń rāā gír deē yāḿ gə̄ dɔ nang kə́ Ejiptə tə́ ní ō, m-ōō tṵ́ṵ̄ yādə́ gə̄ ō, adə̄ m̄-reē i kɔr̄də́ tə́ kɔ̄ɔ́ kum tə́. Ní, ngɔlaā āw̄ na m̄-ndigə kəlaī dɔ nang kə́ Ejiptə tə́.

JAKARI 14:11

De gə̄ a ndin̄ kem ɓēé ō, deē a nujə ɓē to̰ aĺ ō, de gə̄ a ndin̄ kemeé kanjə̄ sōl̄ yá̰á̰ kógə̄ḿ ō.

JAKARI 12:8

Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ de kə́ dɔ rā̰ tə́ yā Kɔ́ɔ̄ɓē beé.

JEREMI 46:13

Kɔ́ɔ̄ɓē ɔr̄ najə̄ kə Jeremi nge koō ta əda na: Nabukodonosor, mban̄g kə́ Babilon a reē yā kənda ɓē kə́ Ejiptə.

JEREMI 46:2

Najə̄ kə́ dɔ ɓē kə́ Ejiptə tə́ ō, dɔ ngé rɔ̄ɔ̄ gə̄ yā Parao̰ Neko mban̄g kə́ Ejiptə tə́ ō. Neko ndi i Karkemis, kadə bā Opəratə tə́ n Nabukodonosor, mban̄g kə́ Babilon tetənneé rɔ̄ɔ̄ ní tə́. I kem ɓāl̄ kə́ nge ko̰ sɔ́ ń Joakim kə́ ngōn̄ Josias ndiń mban̄g Juda tə́ ní.

IJAI 26:1

Ndɔ̄ ngeé ń noō tə́ ní, de kə́ Juda a ənīn̄ pā: J-awī kə ɓē kə́ de gə̄ rɔ̄ɔ̄n̄ dɔ tə́ majə. Kɔ́ɔ̄ɓē ənī ndogə̄ mbal̄ gə̄ jōó dɔ tə́ adə̄ gīr̄ gidə əla ta naā tə́, yā ngɔ̄məńjí.

IJAI 4:5

anī, ni a rāā kadə̄ kil̄ man̄ kógə̄ḿ teē kadaá dɔ mbal̄ Siyo̰ tə́ kə taá malang ō, dɔ de gə̄ malang ń a kánə̄n̄ naā dɔ tə́ ní tə́ ō, ba ndɔ̄ɔ́ anī ni a rāā kadə̄ sa ō, ta ndo̰ hor kə́ ndə́lē gə̄ ō, teēn̄ dɔ mbal̄ Siyo̰ tə́ kə taá malang ō, dɔ de gə̄ malang ń kánə̄n̄ naā dɔ tə́ ní tə́ ō. Kɔsə gɔn yā Kɔ́ɔ̄ɓē a utə̄ dɔ yá̰a̰ malang tītə̄ kújə tandā kə́ bo ngá̰ý beē,

2 MBAN̄G 24:1

I ɓāl̄ ko̰o̰ ɓē yān tə́ n Nabukodonosor, mban̄g kə́ Babilon ḭḭń dɔɔ́ yā rɔ̄ɔ̄ de gə̄ ní. Joakim əla dɔn gír tɔ́gə yān tə́ ɓāl̄ mətá, banī gō tə́ anī mbātə́ kɔ̄ɔ́.

2 MBAN̄G 23:29

I kem ɓāl̄ ko̰o̰ ɓē yān tə́ n Parao̰ Neko, mban̄g kə́ Ejiptə, aw̄ń kə ngé rɔ̄ɔ̄ yān gēé kum kə̄ bā Opəratə tə́ yā kaw̄ dḭḭ̄ń mban̄g kə́ Asiri ní. Mban̄g Josias gḛy kɔgə̄ de kə́ Ejiptə tə́ gə̄ mān̄, adə̄ dan ń Parao̰ a̰a̰n Megido ní tɔ̄lən.

Teē Ngán Israel gə̄ 3:7

Kɔ́ɔ̄ɓē tél əda na: M-á̰a̰ loo rāā ń rāān̄ kum gír deē yāḿ gə̄ ndoō tə́ dɔ nang kə́ Ejiptə tə́ ní. M-ōō nōō yādə́ dan ń ngé rāā kumdə́ ndoō tə́ gə̄ a tə̄ndān̄də́ ní. m̄-ger̄ tápə̄ yādə́.

JAKARI 9:7

M-ā m-ɔ̄r̄ dā̰ kə́ mósə i tū tə́ tadə́ tə́ kɔ̄ɔ́ ō, dā̰ ń ndējə̄n̄ nə́ɓā kə́ rɔ̄kum aĺ gə̄ ní, m-ā m-ɔ̄r̄ kɔ̄ɔ́ tadə́ tə́ kɔ̄ɔ́ ō. De kə́ dandə́ tə́ gə̄ ń a teēn̄ ta yo tə́ ní, a télən̄ deē yāḿ gə̄, tītə̄ kə́ kété nin̄ i de gə̄ kə́ dan gír kaa yā Juda tə́ beē. De gə̄ kə́ kem ɓē kə́ Ekəron tə́ a udən̄ dan gír deē yāḿ gə̄ tə́, tītə̄ ń Yebus gə̄ rāān̄neé kété ní.

2 MBAN̄G 19:34

M-ā m̄-ngɔ̄m̄ ɓē kə́ Jerusalem ō, m-ā m-ájən ō, i najə̄ yāḿ mā tə́ ō, i najə̄ yā nge kəla yāḿ Dabid tə́ ō.

Gōsə̄ najə̄ gə̄ 3:25

Ī-lōō sōl̄ yá̰á̰ kə́ to ɓōĺ ngá̰ý kə́ əhɔī dɔ jīí tə́, aláa ngé kem ndul gə̄ kə́ əɓan̄ dɔí tə́ bus.

JAKARI 12:4

Kum mbang ngeé ń noō tə́ ní, mā Kɔ́ɔ̄ɓē m-ə́dá wáńg na: M-ā m-ə́la ɓōĺ kem sə́nda gə̄ tə́ malang ō, ngé kal̄də́ gə̄ a a̰ȳn̄ kɔ̄r̄ ō. M-ā m-ə̄ndā kumḿ gō ɓē kə́ Juda tə́, banī sə́nda gə̄ malang yā nápar de gə̄ ní, m-ā m̄-rāādə́ kadə̄ kumdə́ a̰a̰ loo alé.