JAKARI 9:7 - Bibəl ta Sar̄

⁷ M-ā m-ɔ̄r̄ dā̰ kə́ mósə i tū tə́ tadə́ tə́ kɔ̄ɔ́ ō, dā̰ ń ndējə̄n̄ nə́ɓā kə́ rɔ̄kum aĺ gə̄ ní, m-ā m-ɔ̄r̄ kɔ̄ɔ́ tadə́ tə́ kɔ̄ɔ́ ō. De kə́ dandə́ tə́ gə̄ ń a teēn̄ ta yo tə́ ní, a télən̄ deē yāḿ gə̄, tītə̄ kə́ kété nin̄ i de gə̄ kə́ dan gír kaa yā Juda tə́ beē. De gə̄ kə́ kem ɓē kə́ Ekəron tə́ a udən̄ dan gír deē yāḿ gə̄ tə́, tītə̄ ń Yebus gə̄ rāān̄neé kété ní.

Bible sar

⁷ M-ā m-ɔ̄r̄ dā̰ kə́ mósə i tū tə́ tadə́ tə́ kɔ̄ɔ́ ō, dā̰ ń ndējə̄n̄ nə́ɓā kə́ rɔ̄kum aĺ gə̄ ní, m-ā m-ɔ̄r̄ kɔ̄ɔ́ tadə́ tə́ kɔ̄ɔ́ ō. De kə́ dandə́ tə́ gə̄ ń a teēn̄ ta yo tə́ ní, a télən̄ deē yāḿ gə̄, tītə̄ kə́ kété nin̄ i de gə̄ kə́ dan gír kaa yā *Juda tə́ beē. De gə̄ kə́ kem ɓē kə́ Ekəron tə́ a udən̄ dan gír deē yāḿ gə̄ tə́, tītə̄ ń Yebus gə̄ rāān̄neé kété ní.

JAKARI 9:7 Referans Kwoze

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

AMOS 3:12

Najə̄ ń Kɔ́ɔ̄ɓē əda ní n toó: Dan ń ɓɔl əhɔ batə̄ kógə̄ḿ anī, njan kə́ jōó gə̄ ō, núsə mbīn ō ní, nge ngɔ̄m̄ yá̰a̰ kul̄ gə̄ taā tan tə́. Israel gə̄ ń ndin̄ Samari á nin̄ ton̄ nang tə́ kə ngāl̄də́ dɔ yá̰a̰ ndi kə́ sɔl̄ lɔ́ḿ lɔ́ḿ gə̄ tə́, aláa dɔ yá̰a̰ taā gír dɔ gə̄ kə́ kem tə̄rá tə́ ní, yá̰á̰ kə́ kógə̄ḿ beē ń toō a rāādə́ ō: I tītə̄ ń noō ō n a ajən̄ i núsə́də́ kə́ dūú gə̄ ngóý ní.

JEREMI 49:39

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā kəndā Elam gə̄ kijə.

JEREMI 49:6

Gō yá̰á̰ ń noō tə́ anī, m-ā m̄-t-él yā kəndā Amon gə̄ kadə̄ majə tītə̄ kə́ kété. Najə̄ ń Kɔ́ɔ̄ɓē əda ní n noó.

JEREMI 48:47

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

PĀ GƏ̄ 58:6

kə́ mbātə́ koō ndū ngé bógə̄rō de gə̄ ō, ndū mbōlí kə́ ger̄ yá̰a̰ tɔȳ madə̄n gə̄ malang ō beé.

PĀ GƏ̄ 3:7

Loo ń noō tə́ m̄-ɓōĺ dūbə̄ de kə́ ngá̰ý gə̄ ń tə́nīn̄ rɔ̄də́ kə̄ loo gə̄ tə́ gīrə̄n̄ gidəḿ ní to̰ alé.

1 YÁ̰A̰ GƏ̄ 21:15

Nə́ɓā əla de kə́ dɔ rā̰ tə́ kadə̄ aw̄ nujə ɓē kə́ Jerusalem. Ba dan ń Kɔ́ɔ̄ɓē a̰a̰ deē ní loo nujə loo tə́ anī tél ndə̄ngā rɔ̄n adə̄ ədan na: Kə tél kə ənī jīn nang tə́, kadə̄ asə bərá! Ba dan ń noō tə́ ní de kə́ dɔ rā̰ tə́ yā Kɔ́ɔ̄ɓē ní ra i kadə loo kənda kōō yā Ornan kə́ Yebus tə́.

JAKARI 9:6

De gə̄ kə́ dɔdə́ guŕ naā a ndin̄ kem ɓē kə́ Asdod tə́. Kɔ́ɔ̄ɓē əda na: M-ā m̄-nujə kɔjə rɔ̄ yā Pilistin gə̄ i tītə̄ ń noō.

JAKARI 9:8

M-ā m̄-njə̄rā kə gō gidə ɓē yāḿ yā kəndāń kumḿ gírən tə́, ba rɔ̄ɔń dɔn tə́, najə̄ yā madə̄ ba̰ā̰ gə̄ ń a aw̄n̄ ō, a télən̄ ō ní tə́. Ngār kógə̄ḿ kə́ tə̄rā a reē yā rējə̄ gír deē yāḿ gə̄ to̰ alé. Tām̄ ngɔlaā ní, m-ə̄ndā kumḿ gír deē yāḿ gə̄ tə́.

1 YÁ̰A̰ GƏ̄ 1:14

Yebus gə̄ ō, Amor gə̄ ō, Girgas gə̄ ō,

IJAI 65:4

Nin̄ ndin̄ nang tə́ kem bəlo ɓádə gə̄ tə́, ndin̄ ɓē i kem bəlo mbal̄ gə̄ tə́. A əsan̄ i dā̰ bor̄ kə́ ɓēé gə̄ ō, kār̄ yādə́ gə̄ i kə́ rosə kə yá̰a̰ kəsa kə́ yḛr gə̄ ō.