JAKARI 9:5 - Bibəl ta Sar̄

⁵ Dan ń ɓē kə́ Askalon a a̰ā̰ tītə̄ ń noō anī, ɓōĺ a rāān ō, ɓōĺ a rāā ɓē kə́ Gaja adə̄ ni a ndew ō, ɓē kə́ Ekəron a ndew ō, tām̄ ɓē kə́ Tir a ɔsə kílən to̰ alé. Ɓē kə́ Gaja a aw̄ kə mban̄g to̰ aĺ ō, de gə̄ a ndin̄ kem ɓē kə́ Askalon tə́ to̰ aĺ ō.

Bible sar

⁵ Dan ń ɓē kə́ Askalon a a̰ā̰ tītə̄ ń noō anī, ɓōĺ a rāān ō, ɓōĺ a rāā ɓē kə́ Gaja adə̄ ni a ndew ō, ɓē kə́ Ekəron a ndew ō, tām̄ ɓē kə́ Tir a ɔsə kílən to̰ alé. Ɓē kə́ Gaja a aw̄ kə mban̄g to̰ aĺ ō, de gə̄ a ndin̄ kem ɓē kə́ Askalon tə́ to̰ aĺ ō.

JAKARI 9:5 Referans Kwoze

KƏLA RĀĀ 8:26

De kə́ dɔ rā̰ tə́ yā Kɔ́ɔ̄ɓē əda Pilipə na: Āw̄ kumií kə̄ dām̄ mbɔ́r ɓē kə́ geleé tə́, róbə́ ń ḭḭ Jerusalem aw̄ kə̄ Gaja tə́ ní, i róbə́ kə́ kem dəla loo tə́.

JEREMI 47:1

Najə̄ kə́ dɔ Pilistin gə̄ tə́ ń Kɔ́ɔ̄ɓē ɔr̄ kə Jeremi nge koō ta pá tá kadə̄ Parao̰ rɔ̄ɔ̄ ɓē kə́ Gaja ní n toó:

PILIPƏ 1:20

Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.

Makətūbə̄ ń Pol ndang adə̄ Rom gə̄ ní 5:5

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ Ndíĺ kə́ Táĺ ń adə̄jí ní.

JOEL 3:4

Mbang a tél loo kə́ risə til nding ō, nāā a tél mósə ō, pá tá kadə̄ ndɔ̄ yā Kɔ́ɔ̄ɓē ń i ndɔ̄ kə́ bo ngá̰ý ō, to ɓōĺ ngá̰ý ō ní ugə̄ ɓáý.

AMOS 1:8

M-ā m̄-rāā kadə̄ mban̄g kə́ Asdod ō, mban̄g ń a o̰o̰ ɓē kə́ Askalon ní ō, gətóon̄ kɔ̄ɔ́. M-ā m̄-ə̄nā ɓē kə́ Ekəron rɔ̄ɔ̄, yā kadə̄ gotə Pilistin gə̄ ń náyn̄ ní oyn̄. I Kɔ́ɔ̄ɓē n əda najə̄ ń noó ní.

JAKARI 9:4

Banī Kɔ́ɔ̄ɓē a taā ɓē kə́ Tir kɔ̄ɔ́. Ndogə̄ mbal̄ gə̄ yā ɓē kə́ Tir ń a rɔ̄ɔń dɔ rɔ̄n tə́ ní, Kɔ́ɔ̄ɓē a rāādə́ kadə̄ a tə́sōn̄ kum bā bo tə́ ō, hor kógə̄ḿ a o̰o̰ ɓē ngeé ń toō ō.

JAKARI 9:6

De gə̄ kə́ dɔdə́ guŕ naā a ndin̄ kem ɓē kə́ Asdod tə́. Kɔ́ɔ̄ɓē əda na: M-ā m̄-nujə kɔjə rɔ̄ yā Pilistin gə̄ i tītə̄ ń noō.

IJAI 14:28

Ɔjən̄ najə̄ ń toō i ɓāl̄ ń mban̄g Akaj oyń tə́ ní.

AMOS 1:6

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Pilistin gə̄ kə́ Gaja dɔ tə́ i ngá̰ý. ni kə́ majaĺ ngá̰ý tɔȳ madə̄ gə̄ i nge ń toō: Nin̄ ɔyn̄ de kə́ kem ɓēé gə̄ kə taá malang aw̄ əlan̄də́ jī Edom gə̄ tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.