JAKARI 9:4 - Bibəl ta Sar̄

⁴ Banī Kɔ́ɔ̄ɓē a taā ɓē kə́ Tir kɔ̄ɔ́. Ndogə̄ mbal̄ gə̄ yā ɓē kə́ Tir ń a rɔ̄ɔń dɔ rɔ̄n tə́ ní, Kɔ́ɔ̄ɓē a rāādə́ kadə̄ a tə́sōn̄ kum bā bo tə́ ō, hor kógə̄ḿ a o̰o̰ ɓē ngeé ń toō ō.

Bible sar

⁴ Banī Kɔ́ɔ̄ɓē a taā ɓē kə́ Tir kɔ̄ɔ́. Ndogə̄ mbal̄ gə̄ yā ɓē kə́ Tir ń a rɔ̄ɔń dɔ rɔ̄n tə́ ní, Kɔ́ɔ̄ɓē a rāādə́ kadə̄ a tə́sōn̄ kum bā bo tə́ ō, hor kógə̄ḿ a o̰o̰ ɓē ngeé ń toō ō.

JAKARI 9:4 Referans Kwoze

EJEKIEL 28:18

Dan ń ā ī-rāań gātə̄ yāí gə̄ tə́ ní, ḭ̄ ā ī-rāā i yá̰á̰ kə́ gōtə́ aĺ tá dejə ō, ḭ̄ i de kə́ rɔ̄kum aĺ ō. I tītə̄ ń noō n ī-kídəń loo kə́ táĺ yāí gə̄ ní. I tām̄ najə̄ ń toō tə́ n m̄-rāā hor kógə̄ḿ kə́ a nujiī kɔ̄ɔ́ kem ɓē yāí tə́ ní. M-ā m̄-rāāī kadə̄ ā ī-tél bū hor ta kum de gə̄ malang ra a a̰a̰īn̄ tə́ ní.

EJEKIEL 26:17

Nin̄ a unən̄ pā yo ń toō dɔí tə́: Ajá, nujiīn̄ kɔ̄ɔ́, ḭ̄ ɓē ń rīí ɓār̄ ngá̰ý ní, ī-gətóo kɔ̄ɔ́ dan bā boó! Kété ní, de gə̄ ń ndin̄ kemií tə́ ní, tɔ́gə́də́ i ngá̰ý dɔ bā bo tə́, adə̄ de gə̄ malang ɓōlə́n̄də́.

AMOS 1:10

M-ā m-ə́la hor dɔ ɓē kə́ Tir tə́ tə́. Adə̄ a o̰o̰ kújə yān kə́ majə ngá̰ý gə̄.

EJEKIEL 28:16

Gātə̄ yāí tél gātə̄ kə́ bo. I nge ń noō n rāāī adə̄ údə kem rāā yá̰a̰ kə dɔ́nɔ́ tə́ ní, adə̄ ī-rāā yá̰á̰ kə́ majaĺ. Loo ń noō tə́ m̄-tə̄ɓāī kɔ̄ɔ́ dɔ mbal̄ yāḿ tə́, ba m-ə̄ndāī dan de kə́ karī gə̄ tə́. Ḭ̄ ń i Serubḛ kə́ nge ngɔ̄m̄ loo ní, m-ā m̄-tə̄ɓāī kɔ̄ɔ́ dan mbal̄ kə́ ndə́lē ngá̰ý gə̄ tə́.

EJEKIEL 28:8

Nin̄ a rāāīn̄ kadə̄ ī-risə āw̄ ɓádá, ā oy yo kə́ majaĺ ngá̰ý dan bā boó.

EJEKIEL 28:2

Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.

Gōsə̄ najə̄ gə̄ 11:4

Ndɔ̄ wōn̄g tə́ anī yá̰a̰ kənge i yá̰á̰ kə́ karī, banī háĺ kə́ gōtə́ a taā deē ta yo tə́,

Gōsə̄ najə̄ gə̄ 10:2

Yá̰á̰ kə́ kənge kə ta róbə́ kə́ gōtə́ aĺ a rāā majə kə deé alé, banī háĺ kə́ gōtə́ a ɔr deē ta yo tə́.

IJAI 23:11

Kɔ́ɔ̄ɓē əla əla ɓōĺ kem bā bo tə́, ni-rāā adə̄ ɓē ko̰o̰ gə̄ ndewn̄. Loo kə́ ngan̄g ngá̰ý yā Kanaan gə̄ ń ngɔ̄mə̄n̄ majə ngá̰ý ní, ni-adə̄ ndūn kadə̄ nujənə̄ń kɔ̄ɔ́.

JAKARI 9:5

Dan ń ɓē kə́ Askalon a a̰ā̰ tītə̄ ń noō anī, ɓōĺ a rāān ō, ɓōĺ a rāā ɓē kə́ Gaja adə̄ ni a ndew ō, ɓē kə́ Ekəron a ndew ō, tām̄ ɓē kə́ Tir a ɔsə kílən to̰ alé. Ɓē kə́ Gaja a aw̄ kə mban̄g to̰ aĺ ō, de gə̄ a ndin̄ kem ɓē kə́ Askalon tə́ to̰ aĺ ō.