JAKARI 9:13 - Bibəl ta Sar̄

¹³ M-ā m-ún dɔ nang kə́ Juda tītə̄ loo kun ga̰ gərā kə́ yā rɔ̄ɔń beē. Epəraim a rāā rɔ̄n i kum gərā tə́. Ḭ̄ ɓē kə́ Jerusalem, m-ā m-ə́lá ngání gə̄ kadə̄ aw̄ ənīn̄ Gərek gə̄ rɔ̄ɔ̄. M-ā m-úńdə́ yā rāań kəla tītə̄ kaskar yā nge rɔ̄ɔ̄ beē.

Bible sar

¹³ M-ā m-ún dɔ nang kə́ *Juda tītə̄ loo kun ga̰ gərā kə́ yā rɔ̄ɔń beē. *Epəraim a rāā rɔ̄n i kum gərā tə́. Ḭ̄ ɓē kə́ Jerusalem, m-ā m-ə́lá ngání gə̄ kadə̄ aw̄ ənīn̄ Gərek gə̄ rɔ̄ɔ̄. M-ā m-úńdə́ yā rāań kəla tītə̄ kaskar yā nge rɔ̄ɔ̄ beē.

JAKARI 9:13 Referans Kwoze

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

IJAI 49:2

Ni-rāā adə̄ najə̄ yāḿ i kaskar kə́ a əja yá̰a̰ gān̄g. Ni ɓɔ̄ɔ̄m̄ ndíl jīn tə́. Ni-rāā adə̄ mā i kum gərā kə́ usən̄ kum majə, ni əlam̄ kem ngong gərā yān gə̄ tə́.

PĀ GƏ̄ 45:3

Ī-balsáa ī-tɔȳ dəngam gə̄ malang ō. Najə̄ gə̄ ń teēn̄ taí tə́ ní i najə̄ kə́ nel̄ ngá̰ý gə̄ ō. Adə̄ de gə̄ a̰a̰ gerə̄n̄ kadə̄ Nə́ɓā rāā majə seí i kə́ kə́ njɔ́ḿ gə̄ tə́ gə̄ tə́.

JEJU TEĒ KUM JA̰A̰ 19:21

Kaskar ń teē ta deē ń ndi dɔ sə́ndá tə́ ní tɔ̄l̄ gotə de kə́ rang gə̄, adə̄ yel̄ gə̄ malang əsan̄ dā̰də́ ndānə̄n̄.

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

JEJU TEĒ KUM JA̰A̰ 2:12

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Pergam: Deē ń aw̄ kə kəyā kə́ ta lēmbə̄ ba kumən atə dām̄ jōó ní, najə̄ ń əda ní n toó:

JEJU TEĒ KUM JA̰A̰ 1:16

Tə́yō̰ gə̄ sīrí i jī ko̰n tə́ ō, kəyā kə́ tan lēmbə́ ba atə dām̄ jōó teē tan tə́ ō, ta kumən ndə́lē tītə̄ mbang kə́ dan kadə ndaá beē ō.

HEBƏRO 4:12

Tɔdɔ̄ najə̄ yā Nə́ɓā i najə̄ kə́ ndi kə kumneé ō, tɔ́gən to ō, tan atə tɔȳ kəyā kaskar kə́ atə dām̄ jōó ō. Ni-udə kem deē tə́, aw̄ bátə́ ugə̄ loo ń wur deē ō, ndíl deē ō, əngen̄ naā tə́ tū tə́ ní tə́ ba kēgə̄də́ naā tə́ ō, aw̄ bátə́ ugə̄ loo ń kúkə̄lú kə̄ngā gə̄ ō, yibə̄ kə́ kem kə̄ngāá ō, əngen̄ naā tū tə́ ní ba kēgə̄də́ naā tə́ ō. Najə̄ yā Nə́ɓā gān̄g sarya dɔ ngur gə̄ kə́ kem deē tə́ ō, dɔ gír̄ kə́ kem deē tə́ ō.

2 TIMOTE 4:7

m̄-rɔ̄ɔ̄ rɔ̄ɔ̄ kə́ majə, m̄-tɔ̄l̄ ta ngɔ̄də̄ yāḿ, m̄-ngɔ̄m̄ taā kem yāḿ.

EPEJƏ 6:17

Yā tɔ̄ləń ta anī, ə́laī jākā ń i kajə ń ajiī kɔ̄ɔ́ ní dɔsí tə́ ō, úniī kəyā kaskar ń i najə̄ yā Nə́ɓā ń Ndíĺ adə̄sí ní jīsí tə́ ō.

ABƏDIAS 1:21

Nin̄ a tetən̄ rɔ̄ɔ̄ ō, a alə̄n̄ dɔ mbal̄ Siyo̰ tə́ ō. Nin̄ a ndin̄ i loo ń noō tə́ n a o̰ō̰n̄neé ɓē dɔ ɓē kə́ Edom tə́ ní. Kɔ́ɔ̄ɓē a ndi mban̄g!

AMOS 2:11

Ɓāl̄ ngá̰ý gō tə́ anī, m̄-ɓāŕ ngáńsí kə́rēý gə̄ kə́ dan ngáńsí gə̄ tə́, kadə̄ télən̄ ngé koō ta gə̄. Ba dan balsáa yāsí gə̄ tə́ ɓáa, m̄-ɓāŕ ngé kə́rēý gə̄ kadə̄ ənīn̄ ndūdə́ yā kɔrə̄ń kam̄ rɔ̄də́ tām̄ yāḿ tə́, kə ta kūl̄ ndūdə́ kə́ nin̄ ənīn̄. Israel gə̄, i najə̄ kə́ rɔ̄kum n noó aĺ a? I mā Kɔ́ɔ̄ɓē n m-ə́da najə̄ ń noō ní.

NŌŌ RƆ̄ 4:2

Ngán kə́ Siyo̰ gə̄ majən̄ ngá̰ý ō, gātə̄də́ asə kə yā lɔ́ŕ kə́ unjə̄ njáý njáý ō, ba i ba̰ý tā á rāān̄də́ i jóó nánjə́ ń i yá̰á̰ kə́ kɔdə̄ jóo rāā kə jīneé tə́ ní?

JEREMI 51:20

Kété ní ī-rāā rɔ̄í i rə̄ngō yāḿ tə́, i yá̰a̰ rɔ̄ɔ̄ yāḿ tə́. M-úniī m̄-tə̄ndāń nápar de gə̄ ō, m̄-nujəń ɓē ko̰o̰ gə̄ ō.

PĀ GƏ̄ 149:6

Ādə̄ teēn̄ tadə́ tɔ̄ȳn̄neé Nə́ɓā ō, ādə̄ əhɔn̄ kaskar kə́ kumən atə dām̄ jōó jīdə́ tə́ ō!

PĀ GƏ̄ 144:1

Pā yā Dabid. Kɔ́ɔ̄ɓē ń i mbal̄ yāḿ ní m̄-tɔ̄ȳn. I ni n əhɔ jīḿ ɔjəm̄neé loo rɔ̄ɔ̄ ní, i ni n əhɔ jīḿ kə́ ɓir̄ ɔjəm̄neé loo rɔ̄ɔ̄ ní.