JAKARI 9:12 - Bibəl ta Sar̄

¹² Siī dəngáy gə̄ ń kəndā kem dɔ tə́ yāsí i ngá̰ý ní, ī-tél ī-reēī gogə́ kem ɓē yāsí kə́ ngɔ̄m̄nən̄ majə tə́! Ɓōólaā nəkɔ́ ń toō m-ə́dásí najən̄, yá̰á̰ ń sḭḭ̄ āwīiń kɔ̄ɔ́ ɓá ní, m-ā m-ādə̄sí yá̰á̰ ní loo nja kə́ jōó tə́.

Bible sar

¹² Siī dəngáy gə̄ ń kəndā kem dɔ tə́ yāsí i ngá̰ý ní, ī-tél ī-reēī gogə́ kem ɓē yāsí kə́ ngɔ̄m̄nən̄ majə tə́! Ɓōólaā nəkɔ́ ń toō m-ə́dásí najən̄, yá̰á̰ ń sḭḭ̄ āwīiń kɔ̄ɔ́ ɓá ní, m-ā m-ādə̄sí yá̰á̰ ní loo nja kə́ jōó tə́.

JAKARI 9:12 Referans Kwoze

Makətūbə̄ yā Job 42:10

Dan ń Job ndɔ̄ȳ Nə́ɓā tām̄ yā madə̄n gə̄ tə́ oy anī, Kɔ́ɔ̄ɓē rāā adə̄ ni-tél ndi majə gogə́. Yá̰á̰ ń Job ənge kété ní, Kɔ́ɔ̄ɓē rāā adə̄ ni-tél ənge gogə́ loo nja tə́ jōó.

IJAI 61:7

Kɔ́ɔ̄ɓē əda na: Kété ní rɔ̄sí sɔl̄sí sṵy. Yá̰á̰ ń sḭḭ̄ ə́ngeī ní, i ndū kə́ majaĺ ngá̰ý gə̄ ń de gə̄ tájə̄n̄sí ní. I tām̄ najə̄ ń toō tə́ n sḭḭ̄ ā ə́ngeī yá̰a̰ nja jōó dɔ nang yādə́ tə́ ō, ā ī-ndiī dan rɔ̄nel̄ kə́ ta ngóyn gətóó tə́ ō ní.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

JEREMI 51:10

Kɔ́ɔ̄ɓē rāā adə̄ kajə yājí to kə̄ ndágá wáńg. Ī-reēī, j-ənī gotə kəla ń Kɔ́ɔ̄ɓē Nə́ɓā yājí rāā ní Siyo̰ tə́.

JEREMI 31:17

Ə̄ndā kemií dɔ yá̰á̰ kə́ ndɔ̄ń tə́ gə̄ tə́. Ngání gə̄ a télən̄ yā reē kem ɓē yādə́ tə́. Najə̄ ń Kɔ́ɔ̄ɓē əda ní n noó.

NAHUM 1:7

Kɔ́ɔ̄ɓē i de kə́ majə. Ni i dabə kə́ yā ndi gírí dan wur kɔl tə́. Ngé gə̄ ń əndān̄ kemdə́ dɔn tə́ ní, ni-a̰a̰ gōdə́

OJEE 2:15

M-ā m̄-rɔ̄ɔ̄n najə̄ kum mbang ń ni un rɔȳń ɓesə̄ Baal gə̄ ní. Ni róō ndujə̄ yá̰á̰ kə́ kotə majə adə̄də́. Ni o̰ō̰ nə̄ngá gə̄ ō, yá̰á̰ súū rɔ̄ gə̄ ō tām̄ yādə́ tə́. Ni un gō ngé sāān gə̄, mā ɓáa dɔn ndígə̄naləḿ kɔ̄ɔ́ ō. Najə̄ ń Kɔ́ɔ̄ɓē əda ní n noó.

IJAI 40:2

Ī-téliī kə kəhɔ rɔ̄ tɔgɔɔ́ ādī Jerusalem gogə́. Úniī ndūsí kə̄ dɔɔ́ ə́dain̄neé na: Gír kəla kə́ kəndā gúu dɔí tə́ kadə̄ ī-rāań gān̄g kɔ̄ɔ́. Kɔ́ɔ̄ɓē rāā adə̄ ə̄gā kə̄rā majaĺ yāí gə̄ malang kɔ̄ɔ́.

EJEKIEL 37:11

Gō tə́ anī Kɔ́ɔ̄ɓē ədam̄ na: Ḭ̄ ngōn̄ deē, ōō! Kə̄ngā gə̄ ń noō ní ɔsən̄ i kum gotə ngáń Israel gə̄ malang. Israel gə̄ ədan̄ na: Jə-to tītə̄ kə̄ngā kə́ tutə gə̄ beé, kəndā kem dɔ tə́ yājí oy kɔ̄ɔ́, tají tḭ̄ḭ̄ kɔ̄ɔ́!

MISE 4:8

Ba ḭ̄ ngōn̄ mbal̄ kə́ Jerusalem, ə̄ndā kumií gō gír de gə̄ tə́ tītə̄ nge ngɔ̄m̄ yá̰a̰ kul̄ gə̄ beé. Ī-ra i loo kógə̄ḿ kə́ ḭḭ kə̄ dɔɔ́ tə́. Sḛ́ý laā anī, ā ī-tél yā kənge tɔ́gə yāí kə́ kété ní gogə́. Ā ī-tél ɓē bo kə́ kem ɓē ko̰o̰ tə́ gogə́.

IJAI 52:2

Ī-gógə̄ bumbə́rú ń utə̄ gidə rɔ̄í ní kɔ̄ɔ́. Jerusalem, ḭ̄ ń i dəngáý ní, ḭ́ḭ dɔɔ́ ba ī-ndi gotií tə́! Siyo̰, ḭ̄ ń i dəngáý ní, ɔ̄r̄ súĺ kə́ kɔ́ɔ́í tə́ kɔ̄ɔ́!

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

IJAI 38:18

Deē ɔsə gɔnií ɓádá dan de kə́ koy gə̄ tə́ aĺ ō, de kə́ koy gə̄ ənīn̄ pā ɓōkíīn̄neé tɔ̄ȳ aĺ ō. Ra ń ī-ra dɔ ndūí tə́ ní, ngé kaw̄ ɓádá gə̄ əndān̄ kemdə́ dɔ tə́ to̰ alé.

IJAI 49:9

M-ə́da dəngáy gə̄, m-ə́dá ngé gə̄ ń ndin̄ kum til tə́ ní na: Ī-teēī, ī-reēī kum loo kə́ unjə̄ kow tə́! Nin̄ a əngen̄ yá̰a̰ kəsa kə gō kadə róbó, a asən̄ kəsa yá̰a̰ dɔ ngán mbal̄ gə̄ tə́ malang.

JEREMI 50:28

Kōō yá̰á̰ kógə̄ḿ ɓār̄, i ngé ka̰ȳ naā gə̄ ō, ngé teē ta yo tə́ Babilon gə̄ ō n reē ədan̄ najə̄ dal ba̰ā̰ yā Kɔ́ɔ̄ɓē Nə́ɓā yājí kem ɓē kə́ Siyo̰ tə́ ní, i dal ba̰ā̰ kə́ dɔ rā̰ tə́.

HEBƏRO 6:19

Kəndā ń j-əndāī kemjí dɔ Nə́ɓā tə́ ní, əhɔ ndíĺjí gotə kógə̄ḿ tītə̄ gində̄ kə́ ta ngɔr ngo̰ ń əhɔn̄neé to bo gotə kógə̄ḿ ní. Kəndā kem dɔ tə́ ngeé ń toō ní ra ngan̄g ngá̰ý ō, əndā kūbə̄ ń gāngə̄n̄neé kem kújə yā Kɔ́ɔ̄ɓē kə́ dɔ rā̰ tə́ ní gān̄g, ba aw̄ bátə́ ugə̄ kem loo kə́ táĺ ngá̰ý tə́ ō,

IJAI 24:22

A kánə̄n̄də́ tītə̄ dəngáy gə̄ beé kem bəlo kógə̄ḿ kə́ bo tə́. A utə̄n̄ tadə́ kem kújə dəngáý kógə̄ḿ tə́. Ndɔ̄ ngá̰ý gō tə́ anī, i gáŕ kadə̄ nin̄ a ɔjən̄ yá̰a̰ rāādə́ gə̄.

JEREMI 14:8

Ḭ̄ ń Israel əndā kemən dɔí tə́ ní, ḭ̄ ń ájən kum mbang ń wurən ɔlənneé tə́ ní, i tām̄ rí tə́ á ī-rāā rɔ̄í tītə̄ de kə́ mbā tə́ kem ɓēé ō, ī-rāā rɔ̄í tītə̄ nge njə̄rā mbā kə́ a əja dɔɔ́ adə̄ a ɓīī i ndɔ̄ kógə̄ḿ beé ō ní.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.