JAKARI 9:11 - Bibəl ta Sar̄

¹¹ Kɔ́ɔ̄ɓē əda na: Sɔɔ̄ń madə̄ naā ń m-ə́hɔ sesí ní ō, mósə́ kə́ ɓōkə́ nang tə́ kə́ ɔjə kadə̄ m-ə́hɔ madə̄ naā sesí rɔ̄kum ō ní, de gə̄ ń əhɔn̄də́ dəngáyá á ton̄ gə́le bəlo taā man̄ ndi kə́ man̄ gətóo kemeé tə́ ní, m-ā m-ɔ̄r̄də́ dəngáyá.

Bible sar

¹¹ Kɔ́ɔ̄ɓē əda na: Sɔɔ̄ń *madə̄ naā ń m-ə́hɔ sesí ní ō, mósə́ kə́ ɓōkə́ nang tə́ kə́ ɔjə kadə̄ m-ə́hɔ *madə̄ naā sesí rɔ̄kum ō ní, de gə̄ ń əhɔn̄də́ dəngáyá á ton̄ gə́le bəlo taā man̄ ndi kə́ man̄ gətóo kemeé tə́ ní, m-ā m-ɔ̄r̄də́ dəngáyá.

JAKARI 9:11 Referans Kwoze

IJAI 51:14

Dəngáý ń əndā kemən dɔ yá̰á̰ kógə̄ḿ tə́ to̰ aĺ ní, a əya̰nən̄ dɔɔ́ ngɔr. Ni a oy kem kújə dəngáy yān tə́ aĺ ō, a nal̄ yá̰a̰ kəsa to̰ aĺ ō.

Teē Ngán Israel gə̄ 24:8

Tā anī Moijə un mósə, sə̄kā dɔ ngán Israel gə̄ tə́ ba ədadə́ na kə a̰a̰n̄ mósə madə̄ naā ń Kɔ́ɔ̄ɓē əhɔ sedə́ dɔ najə̄ gə̄ ń ɔr̄ sedə́ malang tə́ ní.

IJAI 42:7

De gə̄ ń kumdə́ a̰a̰ loo aĺ ní ā ī-teē kumdə́, ā ī-teē kə dəngáy gēé kɔ̄ɔ́ kem kújə dəngáy yādə́ tə́, ngé gə̄ ń ndin̄ kum til tə́ a ngóōn̄ ní, ā ī-teē sedə́ kɔ̄ɔ́ kem kújə yādə́ tə́.

1 KORḚNTƏ 11:25

Dan ń əsan̄ yá̰á̰ gír gān̄g ní a, ni-rāā tītə̄ ń noō kə kópó ō, ba gō tə́ anī əda na: Kópə́ ń toō i madə̄ naā kə́ kijə kə́ Nə́ɓā əhɔ kə de gēé kə ta kūl̄ mósə́ḿ māá. Ī-rāāī yá̰á̰ ń toō yā gírəń dɔḿ tə́ kə dɔ ka̰ȳsí yá̰á̰ kə́ kem kópə ń toō tə́ gə̄ malang.

MATIYE 26:28

tɔdɔ̄ yá̰á̰ ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō, tām̄ kadə̄ Nə́ɓā māyń rɔ̄n dɔ majaĺ yādə́ gə̄ tə́ ō.

HEBƏRO 10:29

Deē ń a tə́ɓā Ngōn̄ Nə́ɓā njan tə́ ō, rāā mósə́ ń Nə́ɓā əhɔń madə̄ naā kə de gēé ní yá̰á̰ kə́ karī tə́ ō, mósə́ ń unnəń majaĺ yān gə̄ kɔ̄ɔ́ dɔn tə́ adə̄ ni tél de kə́ kɔr̄ kam̄ tayā ō, tájə̄ Ndíĺ ń kem majə yā Nə́ɓā adə̄jí ní ō anī, ī-gírī kadə̄ yá̰á̰ kə́ tōr̄ ń majə kadə̄ rāān̄ seneé tām̄ majaĺ yān tə́ ní, i yá̰á̰ kə́ tōr̄ kə́ tɔȳ nge ń noō aĺ a?

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

IJAI 49:9

M-ə́da dəngáy gə̄, m-ə́dá ngé gə̄ ń ndin̄ kum til tə́ ní na: Ī-teēī, ī-reēī kum loo kə́ unjə̄ kow tə́! Nin̄ a əngen̄ yá̰a̰ kəsa kə gō kadə róbó, a asən̄ kəsa yá̰a̰ dɔ ngán mbal̄ gə̄ tə́ malang.

PĀ GƏ̄ 69:33

Ngé dɔ sōl̄ gə̄ a̰a̰n̄ anī a rāān̄ rɔ̄nel̄ najə̄n tə́. Sḭḭ̄ gə̄ ń ā ī-sāāī Nə́ɓā ní, ā ī-ndiī kə kumsí ɓāl̄ ngá̰ý!

PĀ GƏ̄ 40:2

M-ə̄ndā kemḿ dɔ Kɔ́ɔ̄ɓē tə́ adə̄ ngan̄g ngá̰ý, anī ni nēl̄ mbīn oōń nōō yāḿ.

MARK 14:24

Ni ədadə́ na: Nge ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō.

Najə̄ kə́ Majə yā Jeju ń Luk ndang ní 22:20

Gō yá̰a̰ kəsa tə́ anī, ni-rāā tītə̄ ń noō ɓáý to̰ kə kopoó, ba ədadə́ na: Kopə ń toō i kópə yā madə̄ naā kə́ kijə kə ta kūl̄ mósə́ḿ kə́ ɓōkə́ nang tə́ tām̄ yāsí tə́.

IJAI 58:12

Ndogə̄ mbal̄ kə́ jóo gə̄ ń nujən̄neé kɔ̄ɔ́ ní, ā ī-tél yā kundə́ dɔɔ́ gogə́, nja kújə́ kə́ kəya̰ kɔ̄ɔ́ jóo gə̄ ní, ā ī-tél yā rāā kújə dɔ tə́. A ɓāríīn̄ na i gír de gə̄ kə́ ngé kutə̄ kum loo kə́ njar gə̄ ō, kə́ tél rāā róbə kɔsə kə́ kem ɓēé gə̄ ō.

PĀ GƏ̄ 30:3

Kɔ́ɔ̄ɓē Nə́ɓā yāḿ, m̄-nōō kə̄ dɔí tə́, anī ḭ̄ ī-rāā adə̄ rɔ̄ḿ ngan̄g.

NDŪ NAJƏ̄ 5:31

Banī ḭ̄ ī-ndi gogə́ rɔ̄ḿ tə́ laā. M-ā m-ɔ́jiī gō míndə gə̄ ō, ndū najə̄ gə̄ ō, jī-bēl̄ loo rāā yá̰a̰ gə̄ ō malang. Ā ī-ndóōdə́ kadə̄ unən̄ gō dɔ nang ń m-ā m-ādə̄də́ kadə̄ taān̄ jī madə̄ ba̰ā̰də́ gə̄ tə́ ní.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

IJAI 42:22

Ba ń toō ɓáa sḭḭ̄ i gír de gə̄ kə́ ɔyn̄ yá̰á̰ kənge yāsí kɔ̄ɔ́ dɔ gúú tə́. Ɓōkə́n̄sí malang kem bəlo kə́ bo gə̄ tə́ ba utə̄n̄ tasí, ī-ndiī i kem kújə dəngáy gə̄ tə́. Madə̄ ba̰ā̰ gə̄ əhɔn̄sí tītə̄ yá̰a̰ kənge kə́ kəhɔ ta rɔ̄ɔ̄ tə́ beē ō, de kə́ reē dḭḭ̄sí gətóo ō. Nin̄ aw̄n̄ sesí ō, de kə́ yā kəda na ādə̄mī sedə́ gətóo ō.

JEREMI 38:6

Nin̄ əhɔn̄ Jeremi, ba ənīnən̄ kem bəlo taā man̄ yā Malkiya kə́ ngōn̄ ngār tə́. Bəlo ní i ndágə loo ngɔ̄m̄ ta kújə yā mban̄g tə́. Əlan̄ Jeremi bəloó i kə kəlaá. Man̄ gətóo kemeé, ba i bɔr ngóy, adə̄ Jeremi dubə̄ tū tə́.

JEJU TEĒ KUM JA̰A̰ 20:3

Ni-ənīn bəlo kə́ bo kə́ ngɔ́nən gətóó tə́ ba utə̄ tan ō, rákə̄ yá̰a̰ tan tə́ adə̄ ngan̄g ō, yā kadə̄ dā̰ ní rāā nápar de gə̄ adə̄ ndúmə̄n̄ to̰ alé, bátə́ kadə̄ gír ɓāl̄ kə́ dūbú gə̄ gāngəń. Gō tə́ anī, a tútənən̄ yā kəya̰n dɔɔ́ sḛ́ý.

DANIEL 2:29

Kɔ́ɔ̄ ɓē gə̄, dan ń ī-to nang tə́ ní, ī-to ā ī-gír̄ najə̄ i dɔ yá̰á̰ kə́ ndɔ̄ń tə́ ń a rāā yā reē tə́ ní. I tām̄ najə̄ ń noō tə́ n nge teē kə gíŕ yá̰á̰ kə́ to loo mundə̄ tə́ gēé ɔjiīneé yá̰á̰ kə́ a rāā yā reē ndōń tə́ ní.

2 YÁ̰A̰ GƏ̄ 7:17

Ḭ̄ tā anī ré ī-rāā háĺ ń bɔbí Dabid rāā ní seḿ, adə̄ ī-rāā yá̰a̰ malang ń m-ə́daī kadə̄ ī-rāā ní ō, ī-ngɔ̄m̄ ndū najə̄ yāḿ gə̄ ō, yá̰a̰ kāgə̄ ɓē yāḿ gə̄ ō anī,

2 SAMUEL 13:13

Loo ń kadə̄ m-āw̄ tū tə́ kə rɔ̄sɔl̄ yāḿ ní i rá? Ba ḭ̄, de gə̄ a rāāīn̄ i de kə́ nge kem ndul tə́ dɔ nang kə́ Israel tə́. I beé ɓáa āw̄ ɔ̄r̄ najə̄n kə mbangāá na ni a ɔgī taām̄ alé.

Najə̄ kə́ Majə yā Jeju ń Luk ndang ní 16:24

Loo ń noō tə́ ní un ndūn kə̄ dɔɔ́ ngá̰ý, ədań na: Bɔbə́ḿ Abəraham, á̰a̰ kum tō ndoō yāḿ, ba ə́la Lajar kadə̄ əla ta ngōn̄ jīn kum man̄ tə́, reē sɔlə̄ń ta ndo̰ḿ, tɔdɔ̄ rɔ̄ḿ tōrə̄m̄ ngá̰ý kum hor ń toō tə́.

HEBƏRO 10:2

Ré i beé aĺ anī, ngé rāā kəla kadə̄ Nə́ɓā tītə̄ ń noō gə̄ ní, a tə́gon̄ majaĺ yādə́ nja kógə̄ḿ kadə̄ gír gāngəń. Nin̄ a gerə̄n̄ gō majaĺ kə́ nin̄-rāān̄ to̰ aĺ ō, deē a ndējə̄ yá̰á̰ kə́ tun̄ to̰ aĺ ō.

Makətūbə̄ yā Job 33:30

yā teēń seneé kɔ̄ɔ́ bāá yo tə́, yā rāań kadə̄ loo kə́ unjə̄ kow yā ngé ndi kə kumdə́ gə̄ unjə̄ń dɔ deē tə́.

IJAI 24:22

A kánə̄n̄də́ tītə̄ dəngáy gə̄ beé kem bəlo kógə̄ḿ kə́ bo tə́. A utə̄n̄ tadə́ kem kújə dəngáý kógə̄ḿ tə́. Ndɔ̄ ngá̰ý gō tə́ anī, i gáŕ kadə̄ nin̄ a ɔjən̄ yá̰a̰ rāādə́ gə̄.