JAKARI 8:8 - Bibəl ta Sar̄

⁸ M-ā m̄-tél yā reē sedə́ gogə́, kadə̄ a ndin̄ kem ɓē kə́ Jerusalem tə́. Nin̄ a télən̄ gír deē yāḿ gə̄ ō, mā i Nə́ɓā yādə́ kə́ nge ra dɔ ndūn tə́ ō, kə́ nge rāā yá̰á̰ kə́ gōtə́ ō.

Bible sar

⁸ M-ā m̄-tél yā reē sedə́ gogə́, kadə̄ a ndin̄ kem ɓē kə́ Jerusalem tə́. Nin̄ a télən̄ gír deē yāḿ gə̄ ō, mā i Nə́ɓā yādə́ kə́ nge ra dɔ ndūn tə́ ō, kə́ nge rāā yá̰á̰ kə́ gōtə́ ō.

JAKARI 8:8 Referans Kwoze

EJEKIEL 36:28

Loo ń noō tə́ ā ī-ndiī kem ɓē ń m-ādə̄ kaasí gə̄ ní tə́ ō, sḭḭ̄ i gír deē yāḿ gə̄ ō, mā i Nə́ɓā yāsí ō.

EJEKIEL 11:20

I beé n ā úniīń gō ndū najə̄ ń m-ādə̄sí ní ō, ā ə̄ndāiń kumsí gír jī bēl̄ loo rāā yá̰a̰ yāḿ gə̄ tə́ ba ā úniīń gō ní ō. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.

JEREMI 31:33

Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

JEREMI 4:2

Ré ī-túbə̄ ə́da na: Tītə̄ ń Kɔ́ɔ̄ɓē ndiń kə kumneé noō, ba ī-túbə̄ i dɔ najə̄ kə́ rɔ̄kum tə́ ō, i kem háĺ kə́ súmūú tə́ ō, kem yá̰a̰ rāā kə́ gōtə́ tə́ ō anī, nápar de gə̄ a tɔ́rə̄n̄ tadə́ dɔ naā tə́ ō, a rɔyn̄ naā ō, kə kūl̄neé.

JEJU TEĒ KUM JA̰A̰ 21:7

Deē ń tetə rɔ̄ɔ̄ anī, a ənge man̄ ní. Mā i Nə́ɓā yān ō, ni i ngōnə̄ḿ ō.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

EJEKIEL 37:27

M-ā m̄-ndi dansí tə́. Adə̄ mā i Nə́ɓā yāsí ō, sḭḭ̄ i gír deē yāḿ gə̄ ō.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

LEBI GƏ̄ 26:12

M-ā m̄-njə̄rā dɔ dáńsí tə́, mā i Nə́ɓā yāsí ō, sḭḭ̄ i gír deē yāḿ gə̄ ō.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

JEREMI 30:22

Sḭḭ̄ ā ī-téliī gír deē yāḿ gə̄ ō, mā m-ā m̄-tél Nə́ɓā yāsí ō.

JAKARI 10:10

M-ā m-ɔ́ýdə́ dɔ nang kə́ Ejiptə tə́ yā reē sedə́ gogə́ ō, m-ā m-ɔ́ýdə́ dɔ nang kə́ Asiri tə́ yā kɔsə dɔdə́ naā tə́ ō. M-ā m-ɔ́r nodə́ gō nang kə́ Galaad tə́ ō, dan mbal̄ bo gə̄ kə́ Liban tə́ ō. Nge ń noō gə̄gē loo a asədə́ alé.

JEREMI 32:41

Rɔ̄ḿ a nelə̄m̄ tām̄ majə kə́ m̄-rāā sedə́ tə́. Rɔ̄kum, m-ā m-ə̄ndādə́ kə́ rɔ̄ rɔ́ gə̄ tə́ kem ɓē ń toō tə́ kadə̄ tə́lan̄ ngəradə́ ngan̄g. M-a m̄-rāā yá̰á̰ ń noō i kə ngarā̰ kemḿ malang ō, i kə rɔ̄ḿ kə taá ō.

JEREMI 31:1

Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

JEREMI 23:8

A ədan̄ na: Kɔ́ɔ̄ɓē ń ɔr̄ ngán Israel gə̄ kɔ̄ɔ́ dɔ nang kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń ni tə̄ndā tḭ̄ḭ̄də́ tū tə́ tə́ ní ō, ba tél reē sedə́ kadə̄ ndin̄ dɔ nang yādə́ tə́ ō ní, ni-ndi kə kumneé noō. Najə̄ ń Kɔ́ɔ̄ɓē əda ní n noó.

JEREMI 11:4

Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

JEREMI 24:7

M-ā m-ādə̄də́ kur̄ dɔ kə́ kadə̄ nin̄ gerə̄n̄neé na mā i Kɔ́ɔ̄ɓē. A télən̄ gír deē yāḿ gə̄ ō, mā i Nə́ɓā yādə́ ō, a télən̄ yā reē rɔ̄ḿ tə́ kə ngarā̰ kemdə́ malang.

EJEKIEL 36:33

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Dan ń m-ā m̄-tə́gó yá̰a̰ rāāsí kə́ gōtə́ aĺ gə̄ kɔ̄ɔ́ malang rɔ̄sí tə́ adə̄ ūnjī njáý njáý anī, de gə̄ a télən̄ yā ndi kem ɓē bo gə̄ tə́ gogə́ kə ta kūlə̄ḿ, adə̄ yá̰á̰ ń i kə́ nujə kɔ̄ɔ́ ní, a télən̄ yā rāā yá̰á̰ ní gogə́.

JAKARI 10:6

M-ā m-ə́la go̰ kem de gə̄ kə́ Juda tə́. M-ā m-ájə́ ngán Israel gə̄. M-ā m̄-tél sedə́ yā reē sedə́ gogə́ ɓēé, tām̄ kumḿ o̰o̰m̄ sedə́. Nin̄ a ton̄ tītə̄ kə́ m̄-mbātə́də́ kété aĺ beē. A̰á̰ā̰, mā i Kɔ́ɔ̄ɓē, Nə́ɓā yādə́ ō, m-ā m̄-dal ndɔ̄ȳ yādə́ gə̄ ō.

TA KƏLA 17:8

Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

OJEE 11:11

Nin̄ ḭḭn̄ Ejiptə reēn̄ kə rɔ̄ ndebeé tītə̄ ngán yel̄ kə́ dūú gə̄ beé ō, ḭḭn̄ Asiri reēn̄ tītə̄ dér dum gə̄ kə́ ḭḭn̄ bɔ̄gə̄ beé ō. M-ā m̄-rāā kadə̄ nin̄ a ndin̄ kə̄ kem ɓē yādə́ gə̄ tə́. Najə̄ ń Kɔ́ɔ̄ɓē əda ní n noó.