JAKARI 8:7 - Bibəl ta Sar̄

⁷ A̰á̰ā̰, m-ə́da na m-ā m-ájə́ gír deē yāḿ gə̄, kə ta kūl̄ kɔydə́ kem ɓē gə̄ kə́ dām̄ kə́ gír ɓē tə́ tə́ ō, no ɓē tə́ tə́ ō, yā tél reē sedə́ gogə́.

Bible sar

⁷ A̰á̰ā̰, m-ə́da na m-ā m-ájə́ gír deē yāḿ gə̄, kə ta kūl̄ kɔydə́ kem ɓē gə̄ kə́ dām̄ kə́ gír ɓē tə́ tə́ ō, no ɓē tə́ tə́ ō, yā tél reē sedə́ gogə́.

JAKARI 8:7 Referans Kwoze

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

JEREMI 31:8

M-ā m-ḭ́ḭ sedə́ dɔ nang kə́ mbɔ́r ɓē kə́ ko̰ó̰ tə́ ō, ta ngóy dɔ nang tə́ ō, yā reē kɔsə dɔdə́ naā tə́. A télən̄ yā reē naā tə́ malang kə ngé kum tɔ̄ɔ̄ gə̄ ō, ngé tə́sō motə gə̄ ō, dəyá̰ kə́ ndān̄ ngán gə̄ ō, kó ndōō gə̄ ō adə̄ i kósə de kə́ ngá̰ý gə̄ n a ɔsən̄ dɔdə́ naā tə́ ní.

IJAI 49:12

Nin̄ n toó! Ḭḭn̄ i sa̰y n tél reēn̄ gogə́ ní: Ngé kə́rēý gə̄ ḭḭn̄ i dām̄ mbɔ́r ɓē kə́ ko̰ó̰ tə́, ngé kə́ rang gə̄ ḭḭn̄ i no ɓē tə́, ngé kə́ rang gə̄ ɓáý to̰ ḭḭn̄ i dām̄ mbɔ́r ɓē kə́ geleé tə́, ḭḭn̄ i Ejiptə.

IJAI 59:19

Loo ń noō tə́, ḭḭ gír ɓē tə́ bátə́ no ɓē tə́ ní, de gə̄ malang a ɓōlə́n̄ gidə rī Kɔ́ɔ̄ɓē, nin̄ malang a ɓōlə́n̄ gidə kɔsə gɔn yān. A̰á̰ā̰, Kɔ́ɔ̄ɓē a rēē tītə̄ man̄ dɔ mbal̄ kə́ kum wól loo tə́ kə́ man̄ kə́ edə kə néĺ kə́ əla kə ngangá ngá̰ý mbəre gōn beé.

PĀ GƏ̄ 50:1

I pā yā Asap. Nə́ɓā, Nə́ɓā ń i Kɔ́ɔ̄ɓē ní, ɔr̄ najə̄. Ni ɓāŕ dɔ nang, əla gír loo ń mbang a əɓa tū tə́ ní, bátə́ loo ń mbang a udə tū tə́ ní.

PĀ GƏ̄ 113:3

Ādə̄ de gə̄ tɔ̄ȳn̄ rī Kɔ́ɔ̄ɓē loo ń mbang a əɓa tū tə́ ní tə́, bátə́ ugə̄ń loo ń mbang a udə tū tə́ ní tə́!

EJEKIEL 36:33

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Dan ń m-ā m̄-tə́gó yá̰a̰ rāāsí kə́ gōtə́ aĺ gə̄ kɔ̄ɔ́ malang rɔ̄sí tə́ adə̄ ūnjī njáý njáý anī, de gə̄ a télən̄ yā ndi kem ɓē bo gə̄ tə́ gogə́ kə ta kūlə̄ḿ, adə̄ yá̰á̰ ń i kə́ nujə kɔ̄ɔ́ ní, a télən̄ yā rāā yá̰á̰ ní gogə́.

JAKARI 10:6

M-ā m-ə́la go̰ kem de gə̄ kə́ Juda tə́. M-ā m-ájə́ ngán Israel gə̄. M-ā m̄-tél sedə́ yā reē sedə́ gogə́ ɓēé, tām̄ kumḿ o̰o̰m̄ sedə́. Nin̄ a ton̄ tītə̄ kə́ m̄-mbātə́də́ kété aĺ beē. A̰á̰ā̰, mā i Kɔ́ɔ̄ɓē, Nə́ɓā yādə́ ō, m-ā m̄-dal ndɔ̄ȳ yādə́ gə̄ ō.

NDŪ NAJƏ̄ 30:3

Kɔ́ɔ̄ɓē Nə́ɓā yāí a tūr̄ gíŕ yá̰a̰ gə̄ ń a reēn̄ kə̄ dɔí tə́ ní kɔ̄ɔ́. Ni a rāā kem majə seí ō, a ɔysí kɔ̄ɔ́ dan gír de gə̄ malang ń ni tə̄ndā tḭ̄ḭ̄sí kə̄ dandə́ tə́ ní ō, yā reē sesí gogə́ ɓēé.

NEHEMI 1:9

Banī ré gō tə́ jə-tél jə-reē gogə́ rɔ̄í tə́ ba jə-ngɔ̄m̄ gō míndə gə̄ ń ə́dájí kadə̄ jə-rāā ní ō, jə-rāādə́ ō anī, ká ré ɔyn̄jí aw̄n̄ sejí i ta ngóy dɔ rā̰ tə́ gə̄gē anī, ḭ̄ na ā āw̄ gōjí tə́ yā reē sejí loo ń ī-gə̄rā yā kadə̄ rīí i dɔ tə́ ní tə́.

PĀ GƏ̄ 147:2

Kɔ́ɔ̄ɓē rāā ɓē kə́ Jerusalem gogə́ rang. Israel gə̄ ń ɔrə̄n̄də́ kɔ̄ɔ́ ní, a télən̄ yā kán̄ njadə́.

EJEKIEL 11:17

Adə̄ ə́dádə́ najə̄ ń toō ādə̄m̄, ə́dádə́ na: Mā Kɔ́ɔ̄ɓē Nə́ɓā, m-ā m-ɔ́ýsí dan gír de kə́ tayā tayā gə̄ ń m̄-tə̄ndā m̄-tḭ̄ḭ̄sí dandə́ tə́ ní ō, m-ā m-ɔ́ýsí kem ɓē gə̄ ń āwī tū tə́ dɔ gúú tə́ ní ō, yā kɔsə njasí naā tə́, ba yā tél kadə̄sí dɔ nang kə́ Israel tə́ gogə́.