JAKARI 8:23 - Bibəl ta Sar̄

²³ M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

Bible sar

²³ M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā *Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

JAKARI 8:23 Referans Kwoze

IJAI 60:3

Nápar de gə̄ njə̄rān̄ kum kə̄ rɔ̄ loo yāí kə́ unjə̄ kow tə́ ō, mban̄g gə̄ aw̄n̄ kum kə̄ rɔ̄ loo kə́ unjə̄ kow ń ḭḭ nang tə́ kum kə̄ dɔɔ́ dɔí tə́ ní ō.

IJAI 55:5

Israel, ā ī-ɓāŕ nápar de gə̄ kə́ ī-ger̄də́ aĺ gə̄ ō, nápar de gə̄ ń toō ń nin̄ gerīn̄ aĺ ní, a reēn̄ láẃ kə̄ rɔ̄í tə́. Nin̄ a reēn̄ i najə̄ yāḿ mā Kɔ́ɔ̄ɓē Nə́ɓā yāí tə́, Nə́ɓā kə́ táĺ yā Israel, ni ń ndigə rɔyī ní.

1 KORḚNTƏ 14:25

yá̰a̰ gə̄ ń ton̄ kemən tə́ loo mundə̄ tə́ ní, gíŕdə́ teē dɔɔ́ malang ō. Loo ń noō tə́ ni-ɔsə non nang tə́ no Nə́ɓā tə́ rɔȳn ba əda wáńg kə̄ ndágá na Nə́ɓā i dansí tə́ rɔ̄kum.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

TA KƏLA 31:7

Ba bɔbə̄sí lurəm̄, tūr̄ gír kəgā yāḿ nja kutə, tā ba Nə́ɓā adə̄n ta róbə rāā yá̰á̰ kə́ gōtə́ aĺ seḿ alé.

KƏLA RĀĀ 19:12

Adə̄ de gə̄ unən̄ ta kūbə̄ kɔl̄ rɔ̄ yān, aláa kūbə̄ yān kə́ rang aw̄ ɔdən̄neé rɔ̄ ngé mo̰y gə̄ anī mo̰y əya̰də́ ō, ndíĺ kə́ majaĺ gə̄ teēn̄ kemdə́ tə́ kɔ̄ɔ́ ō.

IJAI 4:1

Ndɔ̄ ngeé ń noō tə́ ní, dəyá̰ gə̄ sīrí a ngaān̄ dɔ dəngam kə́ kógə̄ḿ beē tə́ ba a ədan̄ na: Jḭḭ kɔ́ gə̄ j-a jə-sāā yá̰a̰ kəsají ō, kūbə̄ ko̰ō̰jí ō. Yāí i yā kadə̄ ún rɔ̄sɔl̄ dɔjí tə́ kɔ̄ɔ́ ngóy kə ta kūl̄ ndigə kə́ ī-ndigə kadə̄ jḭḭ i nə̄yá̰í gə̄!

IJAI 3:6

Deē a əhɔ ngōkó̰o̰n kə́ gír kojə yā bɔbə̄n tə́, ba a ədan na: Ḭ̄, kūbə̄ yāí i kə́ majə ɓáý ní, ī-ndi ngār dɔjí tə́, ba úń yá̰á̰ kə́ a̰a̰ gō naā aĺ kə́ bo ń toō kə̄ jīí tə́!

KOHELET 11:2

Ī-kēgə̄ ādə̄ de gə̄ sīrí aláa de gə̄ sɔ́sɔ́, tɔdɔ̄ yá̰á̰ kə́ to kum kaȳ aĺ ń a reē kə̄ dɔ dɔ nang tə́ ní ḭ̄ ī-ger̄ alé.

Makətūbə̄ yā Job 19:3

Ī-tájə̄mī nja kutə kɔ̄ɔ́ ɓá. Rɔ̄sí sɔl̄sí loo rāām̄ yá̰á̰ kə́ tōr̄ tə́ aĺ a?

1 YÁ̰A̰ GƏ̄ 12:18

Ni teē tə́nī tadə́ ba ədadə́ na: Ré ī-reēī kəngeḿ tə́ i najə̄ lápə́ya tə́ ō, i najə̄ kɔsə kílə́ḿ tə́ kə̄ dɔɔ́ ō anī, m̄-ndigə̄ ngá̰ý kadə̄ m̄-ɓo rɔ̄ḿ yāsí tə́ kə ngarā̰ kemḿ mámák. Ba ré ī-reēī i gólə̄m̄ tə́ yā kəlam̄ jī madə̄ ba̰ā̰ḿ gə̄ tə́, tá m̄-rāā yá̰á̰ kógə̄ḿ kə́ majaĺ alé anī, ādə̄ Nə́ɓā yā kaají gə̄ i kə́ kum tə́ ō, rāāsí yá̰á̰ kə́ tōr̄ tām̄ majaĺ yāsí tə́ ō.

2 MBAN̄G 2:6

Eli ədan na: Ɓɔ́, ī-ndi laā tɔdɔ̄ Kɔ́ɔ̄ɓē əlam̄ bā Jurdḛ tə́. Banī Elije tél ədan na: Tītə̄ ń Kɔ́ɔ̄ɓē ndiń kə kumneé noō ō, ḭ̄ ī-ndiń kə kumií ō noó, m-ā m-ə́ya̰ gōí alé! Tā anī aw̄n̄ Jurdḛ tə́ mbak.

MISE 5:5

Nin̄ a taān̄ dɔ nang kə́ Asiri ń i dɔ nang yā Nemrod ní, kə ta kūl̄ yá̰a̰ rɔ̄ɔ̄ yādə́ gēé ō, a ndin̄ dɔ tə́ ō. Ngār ń ənīn̄ ndūdə́ najə̄ yān tə́ ní, a taājí jī Asiri gə̄ tə́ yā kəya̰jí dɔɔ́, loo ń nin̄ a mānə̄n̄ dɔ nin̄ dɔ nang yājí gə̄ ō, a udən̄ dɔ nang yājí tə́ ō ní.

TA KƏLA 31:41

m̄-rāā ɓāl̄ kutə jōó ɓēé looí ō, m̄-rāā kəla m-ādī gíŕ ngání kə́ dəyá̰ kə́ jōó gə̄ tə́ ɓāl̄ kutə gidə i sɔ́ ō, m̄-rāā kəla ɓāl̄ mehḛ́ gír yá̰a̰ kul̄ gə̄ tə́ ō, ba ī-tūr̄ gír kəgā yāḿ nja kutə.

Najə̄ kə́ Majə yā Jeju ń Luk ndang ní 8:44

Dəyá̰ ní reē gidə Jeju tə́ ngɔr ba ɔdə ta kūbə̄ yān, anī mósə́ ń a teē rɔ̄n tə́ ní dəba kə̄ ta jī tə́ noō.

TƏ́DA 14:22

de gə̄ malang ń a̰a̰n̄ kɔsə gɔn ń noō ō, a̰a̰n̄ yá̰a̰ kɔjə̄ gə̄ ń m̄-rāā dɔ nang kə́ Ejiptə tə́ ō, kem dəla loo tə́ ō, banī oōn̄ taḿ alé nāāmə̄nəń nja kutə kɔ̄ɔ́ ɓá ní,

JOJUE 8:35

Jojue tə́dá yá̰a̰ gə̄ ń Moijə əda kadə̄ rāān̄ ní ta kum ngán Israel gə̄ tə́ malang kanjə̄ kəya̰ yá̰á̰ kógə̄ḿ kɔ̄ɔ́. Dəyá̰ gə̄ ō, ngán gə̄ ō, tə̄rā gə̄ ń ndin̄ dan ngán Israel gə̄ tə́ ní ō, nin̄ i kum tə́.

IJAI 45:24

Deē a ənge yá̰a̰ rāā kə́ gōtə́ ō, tɔ́gə ō, i rɔ̄ Kɔ́ɔ̄ɓē tə́ ngóy. De gə̄ malang ń rɔ̄ɔ̄mə̄n̄ ní, a reēn̄ rɔ̄ḿ tə́ kə rɔ̄sɔl̄ kə́ ngá̰ý.

IJAI 60:14

Ngé gə̄ ń rāāīn̄ adə̄ á̰á̰ tápə̄ ngá̰ý ní, a əlan̄ dɔdə́ nang tə́ yā reēń kə̄ rɔ̄í tə́, de gə̄ malang ń kídīn̄ ní, a ɔsən̄ kejədə́ nang tə́ njaí tə́. Nin̄ a ɓāríīn̄ na i ɓē yā Kɔ́ɔ̄ɓē ō, na i Siyo̰ yā Nə́ɓā kə́ táĺ yā Israel ō.

SOPONI 3:19

Kum mbang ngeé ń noō tə́ ní, de gə̄ malang ń rējə̄n̄sí kə yá̰a̰ rāā kə́ gōtə́ aĺ ní, m-ā m̄-rāādə́ kadə̄ oyn̄. Kum mbang ngeé ń noō tə́ ní, de gə̄ yāsí gə̄ ń əngen̄ do ní, m-ā m̄-ndem̄ ta dodə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-tél yā reē sedə́ gogə́. M-ā m̄-rāā kadə̄ a rɔyn̄sí ō, a gerə̄n̄ rīsí kə̄ kem ɓē gə̄ malang ń əlan̄ rɔ̄sɔl̄ dɔsí tə́ tū tə́ ní tə́ ō.

2 YÁ̰A̰ GƏ̄ 15:9

Israel gə̄ ngá̰ý kə́ gír ɓē yā Epəraim tə́ ō, Manase tə́ ō, Simeo̰ tə́ ō, tél reēn̄ gō mban̄g Asa tə́. Nin̄ ndin̄ kem ɓē ko̰o̰ yān tə́ tɔdɔ̄ a̰a̰n̄ kadə̄ Kɔ́ɔ̄ɓē i naā tə́ seneé. Mban̄g ɓāŕdə́ ō, ɓāŕ Juda gə̄ malang ō, Benjamḛ gə̄ ō.

ESTER 8:17

Gō nang gə̄ kógə̄ḿ kógə̄ḿ ō, ɓē gə̄ kógə̄ḿ kógə̄ḿ ō ń yá̰a̰ ń mban̄g ndang kadə̄ yā rāā ugə̄ tū tə́ ní, rɔ̄ Jipə kə́ tū tə́ gə̄ nel̄də́ ō, nin̄ ɔjən̄ rɔ̄nel̄ yādə́ kə̄ ndágá ō, rāān̄ yá̰a̰ kəsa kə́ ngá̰ý ō, rāān̄ nāā ō. De gə̄ ngá̰ý dan gír de kə́ rang gə̄ tə́ télən̄ Jipə, tɔdɔ̄ nin̄ ɓōlə́n̄ Jipə gə̄ ngá̰ý.