JAKARI 8:21 - Bibəl ta Sar̄

²¹ De gə̄ kə́ kem ɓē kógə̄ḿ tə́ a ədan̄ de gə̄ kə́ kem ɓē kə́ rang tə́ na: Ī-reēī ādə̄ j-aw̄ jə-ndɔ̄yī Kɔ́ɔ̄ɓē kə́ bo kə́ tɔ́gən i ngá̰ý, ādə̄ jə-sāāī kadə̄ ni i danjí tə́ ō. Nin̄ a télən̄ yā kəda na: J-a j-aw̄ i mbée ō.

Bible sar

²¹ De gə̄ kə́ kem ɓē kógə̄ḿ tə́ a ədan̄ de gə̄ kə́ kem ɓē kə́ rang tə́ na: Ī-reēī ādə̄ j-aw̄ jə-ndɔ̄yī Kɔ́ɔ̄ɓē kə́ bo kə́ tɔ́gən i ngá̰ý, ādə̄ jə-sāāī kadə̄ ni i danjí tə́ ō. Nin̄ a télən̄ yā kəda na: J-a j-aw̄ i mbée ō.

JAKARI 8:21 Referans Kwoze

JAKARI 7:2

De kə́ Betel gə̄ əlan̄ Sareser ō, Regem Melek ō, ngé kɔsə kum gotə kósə de gə̄ ō, kadə̄ aw̄n̄ kújə yā Kɔ́ɔ̄ɓē kə́ bo kə́ tɔ́gən i ngá̰ý tə́, kadə̄ dəjen̄ Nə́ɓā kadə̄ kə ɔjə kem majə yān kə̄ ndágá ō, kadə̄ dəjen̄ ngé tun̄ yá̰a̰ gə̄ ō, ngé koō ta gə̄ ō, najə̄ ń toō: Majə kadə̄ jə-nōō ngándáńg ō, jə-*ndi ɓō kem nāā kə́ nge ko̰ mí tə́ ō, tītə̄ ń j-a jə-rāań jóo gə̄ ní a?

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

PĀ GƏ̄ 103:22

Sḭḭ̄ malang ń Kɔ́ɔ̄ɓē rāāsí ní, ká ī-ndiī kem ɓē ko̰o̰ yān tə́ i loo kə́ rá tə́ gə̄gē anī, ī-ɓōkə́niī tɔ̄ȳ. Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ.

JAKARI 8:22

A̰á̰ā̰, gír de gə̄ kə́ nin̄ i ngá̰ý ō, nápar de gə̄ kə́ tɔ́gə́də́ i ngá̰ý ō, a reēn̄ Jerusalem sāāḿ tə́ kadə̄ mā i dandə́ tə́ ō, ndɔ̄ȳm̄ tə́ ō.

2 YÁ̰A̰ GƏ̄ 11:16

De gə̄ malang kə́ gír ɓē gə̄ yā ngán Israel gə̄ tə́ ní, ngé gə̄ ń kemdə́ gḛy rɔȳ Kɔ́ɔ̄ɓē Nə́ɓā yā Israel ní, aw̄n̄ Jerusalem gō ngán Lebi gə̄ tə́ yā ndējə̄ Kɔ́ɔ̄ɓē Nə́ɓā yā kaadə́ gə̄ yá̰á̰ kə́ tun̄ gə̄.

IJAI 2:3

Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

JA̰A̰ 1:37

Dan ń ngé ndóō yá̰a̰ yān kə́ jōó gə̄ nge ń toō oōn̄ najə̄ ń ni-əda ní anī, ɔtə unən̄ gō Jeju.