JAKARI 8:17 - Bibəl ta Sar̄

¹⁷ Kɔ́ɔ̄ɓē ɔr̄ najə̄, əda na: Ī-lōōī gír̄ rāā yá̰á̰ kə́ majaĺ kə naá. Ī-mbātíī túbə̄ dɔ lám̄ tə́. Yá̰a̰ rāā kə́ majaĺ gə̄ malang ń noō ní, nelə̄m̄ aĺ ngá̰ý. I mā Kɔ́ɔ̄ɓē n m-ə́da najə̄ ń noō ní.

Bible sar

¹⁷ Kɔ́ɔ̄ɓē ɔr̄ najə̄, əda na: Ī-lōōī gír̄ rāā yá̰á̰ kə́ majaĺ kə naá. Ī-mbātíī túbə̄ dɔ lám̄ tə́. Yá̰a̰ rāā kə́ majaĺ gə̄ malang ń noō ní, nelə̄m̄ aĺ ngá̰ý. I mā Kɔ́ɔ̄ɓē n m-ə́da najə̄ ń noō ní.

JAKARI 8:17 Referans Kwoze

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

HABAKUK 1:13

Kumií unjə̄ njáý njáý ngá̰ý, adə̄ ásə ka̰a̰ yá̰á̰ kə́ majaĺ alé. Ḭ̄ ī-ndigə ka̰a̰ yá̰á̰ kə́ to kum̄ kaȳ aĺ alé. Ɓá tā banī ngé gə̄ ń a gólə̄n̄ madə̄də́ gə̄ ní, ḭ̄ á̰á̰də́ kanjə̄ kəda yá̰á̰ kógə̄ḿ. Dan ń de kə́ majaĺ gə̄ a nujən̄ ngé rāā yá̰a̰ gōtə́ tɔȳdə́ gə̄ ní, ḭ̄ ə́dá yá̰á̰ kógə̄ḿ alé.

JEREMI 44:4

M-ə́la ngé kəla yāḿ gə̄ ń i ngé koō ta gə̄ ní rɔ̄sí tə́ kanjə̄ kɔr ta tə́ kadə̄ ədan̄sí na: Ī-lōōī rāā yá̰á̰ kə́ majaĺ ngá̰ý gə̄ ń nelə̄m̄ aĺ ní.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

Gōsə̄ najə̄ gə̄ 3:29

Ī-lōō núm̄ rāā madí yá̰á̰ kə́ majaĺ dan ń ni-ənī kemən mámák ndiń rɔ̄í tə́ ní.

PĀ GƏ̄ 10:3

Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

MATIYE 15:19

Tɔdɔ̄ gír̄ kə́ majaĺ gə̄ ō, gír̄ tɔ̄l̄ deē ō, ɓīī kə dəyá̰ kə́ rang, aláa kə dəngam kə́ rang ō, gír̄ rāā háĺ kə́ majaĺ ō, sāā ɓogə ō, tétə̄ najə̄ dɔ deē tə́ ō, ngonjə̄ ō, ḭḭn̄ i dan wur deē tə́.

MATIYE 12:35

De kə́ majə a teē kə yá̰á̰ kə́ majə gə̄ dan yá̰a̰ kənge yān kə́ majə gə̄ tə́ ō, de kə́ majaĺ a teē kə yá̰á̰ kə́ majaĺ gə̄ dan yá̰a̰ kənge yān kə́ majaĺ gə̄ tə́ ō.

MATIYE 5:28

Ba mā m-ə́dásí na deē ń a̰a̰ dəyá̰ ba ngurən rāān anī, sāān loo kaya tə́ kemən tə́ kɔ̄ɔ́ ɓá.

JAKARI 7:10

Ī-lōōī rējə̄ dəyá̰ kə́ ngaa koy gə̄ ō, ngán hal gə̄ ō, tə̄rā gə̄ ō, ngé ndoō gə̄ ō, kə ta kūl̄ yá̰a̰ rāā kə́ gōtə́ aĺ ō, ī-lōōī gír̄ rāā yá̰á̰ kə́ majaĺ kə naá ō.

JEREMI 4:2

Ré ī-túbə̄ ə́da na: Tītə̄ ń Kɔ́ɔ̄ɓē ndiń kə kumneé noō, ba ī-túbə̄ i dɔ najə̄ kə́ rɔ̄kum tə́ ō, i kem háĺ kə́ súmūú tə́ ō, kem yá̰a̰ rāā kə́ gōtə́ tə́ ō anī, nápar de gə̄ a tɔ́rə̄n̄ tadə́ dɔ naā tə́ ō, a rɔyn̄ naā ō, kə kūl̄neé.

Gōsə̄ najə̄ gə̄ 8:13

Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.

Gōsə̄ najə̄ gə̄ 6:14

Kemən majə alé, adə̄ kə kum mban̄g gə̄ malang ni ni a əndā i dɔ yá̰á̰ kə́ majaĺ gə̄ naā tə́ yā rāā, ni i nge rāā kadə̄ de gə̄ kɔ̄lə̄n̄ naā.

JAKARI 8:18

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ seḿ əda na:

PĀ GƏ̄ 101:3

Yá̰á̰ ń i yá̰á̰ kə́ gōtə́ aĺ ní, m-ā m̄-mbel yā ka̰ā̰ aĺ bátə́. M-ā m̄-kídə̄ túy taā kem, ni a ndetə kadəḿ ngɔr aĺ bátə́.