JAKARI 8:16 - Bibəl ta Sar̄

¹⁶ Jī bēl̄ loo rāā yá̰a̰ gə̄ ń ā úniī gō ní n toó: Ə́daī naā najə̄ kə́ rɔ̄kum. Loo sarya yāsí gə̄ tə́ ɓáa, ī-gāngī sarya kə́ gōtə́, kə́ a reē kə lɔmɔɔ́.

Bible sar

¹⁶ Jī bēl̄ loo rāā yá̰a̰ gə̄ ń ā úniī gō ní n toó: Ə́daī naā najə̄ kə́ rɔ̄kum. Loo sarya yāsí gə̄ tə́ ɓáa, ī-gāngī sarya kə́ gōtə́, kə́ a reē kə lɔmɔɔ́.

JAKARI 8:16 Referans Kwoze

EPEJƏ 4:25

Tām̄ ń toō tə́ ní, ə́ya̰ī sor̄ kɔ̄ɔ́, ādə̄ deē kógə̄ḿ kógə̄ḿ ɔr̄ najə̄ kə́ rɔ̄kum kə madə̄neé, tɔdɔ̄ jḭḭ̄ malang ní, jḭḭ̄ i ngán rɔ̄ naā gə̄.

PĀ GƏ̄ 15:2

I deē ń najə̄ gətóo dɔn tə́ ní, i nge ń rāā yá̰á̰ kə́ gōtə́ ní ō, najə̄ kə́ tan tə́ i najə̄ ń ni gír̄ kemən tə́ rɔ̄kum ō ní.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

Gōsə̄ najə̄ gə̄ 12:19

Nge kəda najə̄ kə́ rɔ̄kum a ndi ngándáńg, banī nge sor̄ a ndi dan i ngá̰ý alé tītə̄ kum kə́ kənda sapə beé.

Gōsə̄ najə̄ gə̄ 12:17

Nge kəda najə̄ kə́ rɔ̄kum i nge rāā kadə̄ dɔ yá̰a̰ kə́ gōtə́ teē dɔɔ́, banī de kə́ kum yá̰á̰ tə́ kə́ əda najə̄ kə́ rɔ̄kum aĺ i nge bə̄gā soō loo tə́.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

EPEJƏ 4:17

Adə̄ najə̄ ń m-ə́dásí, ba m-ə́dásí ɓáý to̰ kə rī Kɔ́ɔ̄ɓēé ní n toó: Ī-lōōī kun háĺ de gə̄ kə́ nin̄ i Jipə aĺ gə̄ ō, gír̄ kə́ kemdə́ tə́ i gír̄ kə́ kanjə̄ kumən gə̄ ō ní.

MATIYE 5:9

Rɔ̄nel̄ i kə ngé gə̄ ń əndān̄ madə̄də́ gə̄ naā tə́ ní, tɔdɔ̄ Nə́ɓā a ɓāŕdə́ na i ngánən gə̄.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

AMOS 5:24

Banī ī-rāāī ādə̄ yá̰á̰ kə́ súmūú əɓa bup tītə̄ man̄ kə́ əɓa nang tə́ beē ō, ə́ya̰ī yá̰á̰ kə́ gōtə́ ādī nūgə́ tītə̄ man̄ kə́ teē kə̄ ndágá kem kārə̄n tə́ beē ō!

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.

LEBI GƏ̄ 19:11

Ī-lōōī ɓogə ngáń nge ɓē madə̄sí gə̄ ō, sor̄də́ ō, góĺ ta kumdə́ ō.

JEREMI 22:3

Najə̄ ń Kɔ́ɔ̄ɓē əda ní n toó: Ī-rɔ̄ɔ̄ī dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́. Ī-lōōī rāā kum de gə̄ ndoō tə́, ī-lōōī rāā nge nam̄ ɓē ō, ngōn̄ hal ō, dəyá̰ kə́ ngaa koy ō, yá̰á̰ kə́ tōr̄. Ī-lōōī ɓōkə́ mósə de kə́ najə̄ gətóo dɔn tə́ loo ń toō tə́.

EJEKIEL 18:8

Ni-adə̄ nar yān loo tə̄nā tə́ yā kəngeń manə̄n dɔ tə́ aĺ ō, yā kəngeń yá̰á̰ kógə̄ḿ gírí aĺ ō. Ni tūr̄ gidən kɔ̄ɔ́ ta yá̰a̰ rāā kə́ gōtə́ aĺ tə́ ō, gān̄g sarya i kə gō róbə najə̄ kə́ rɔ̄kum ō.

EJEKIEL 45:9

Najə̄ ń Kɔ́ɔ̄ɓē Nə́ɓā əda ní n toó: Sḭḭ̄ ngār kə́ Israel tə́, nge ń noō asə beé! Ī-dəbaī ta rāā yá̰a̰ kə dɔ́nɔ́ ō, ī-dəbaī ta kɔy yá̰a̰ yā de gə̄ dɔ gúú tə́ ō! Ī-ɓōlíī gidə ndū najə̄ gə̄ ō, yá̰a̰ rāā kə́ gōtə́ ō, adə̄ asəsí ɓogə yá̰a̰ kənge gə̄ yā gír deē yāḿ gə̄! I mā Kɔ́ɔ̄ɓē Nə́ɓā n m-ə́dásí yá̰á̰ ń noō kadə̄ ī-rāāī ní.

SOPONI 3:13

Israel gə̄ ń a teēn̄ ta yo tə́ ní, a rāān̄ yá̰á̰ kə́ majaĺ to̰ aĺ ō, a sorə̄n̄ to̰ aĺ ō, a gólə̄n̄ madə̄də́ gə̄ kə najə̄ kə́ tadə́ tə́ to̰ aĺ ō. Nin̄ a asən̄ kəsa yá̰a̰ ō, ɓīī ō, de kə́ yā rāādə́ kadə̄ ɓōlə́n̄ gətóo ō.

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

PĀ GƏ̄ 34:15

Ādə̄ kɔ́ɔ̄ ɔr̄ rɔ̄n kɔ̄ɔ́ kadə yá̰á̰ kə́ majaĺ tə́ ō, rāā yá̰á̰ kə́ majə ō, sāā róbə kem sɔl̄ lɔm ō, a̰ȳ ngɔ̄də̄ gō tə́ ō.