JAKARI 8:14 - Bibəl ta Sar̄

¹⁴ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Dan ń kaasí gə̄ rāāmə̄n̄ adə̄ wōn̄g rāām̄ ní, m̄-gḛy rāāsí yá̰á̰ kə́ majaĺ ō, yá̰á̰ ń m̄-gír̄ rāā ní, m̄-lōō gírí aĺ ō.

Bible sar

¹⁴ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Dan ń kaasí gə̄ rāāmə̄n̄ adə̄ wōn̄g rāām̄ ní, m̄-gḛy rāāsí yá̰á̰ kə́ majaĺ ō, yá̰á̰ ń m̄-gír̄ rāā ní, m̄-lōō gírí aĺ ō.

JAKARI 8:14 Referans Kwoze

EJEKIEL 24:14

I mā Kɔ́ɔ̄ɓē m-ɔ̄r̄ najə̄ ō, yá̰á̰ m-ə́dá ní m-ā m̄-rāā ō. M-ā m̄-tél kə gōḿ aĺ ō, kumḿ a o̰o̰m̄ aĺ ō. M-ā m̄-ndə̄ngā rɔ̄ḿ najə̄ yá̰á̰ kógə̄ḿ tə́ aĺ ō. Jerusalem, m-ā m̄-rāā sarya seí sɔɔ̄ń hálí ō, yá̰a̰ rāāí gə̄ ō. Yá̰á̰ ń Kɔ́ɔ̄ɓē Nə́ɓā əda ní n noó.

JEREMI 31:28

Gō tə́ anī, m-ā m-ə̄ndā kumḿ gíŕdə́ tə́ majə yā rāādə́ tītə̄ loo rāā ɓē ō, yā kəndādə́ tītə̄ loo kəndā kāgə̄ ō. A to i tītə̄ ń m-ə̄ndań kumḿ gíŕdə́ tə́ majə kété á m̄-ró̰yń yá̰a̰ kə ngəraá ō, m̄-ɓéngə̄leń ō, m̄-bótə̄yoń ō, m̄-nujəń ō, m̄-rāań yá̰á̰ kə́ tōr̄ ō ní. Najə̄ ń Kɔ́ɔ̄ɓē əda ní n noó.

JEREMI 4:28

I tām̄ ń toō tə́ n dɔ nang əhɔ ndoō ní. No rā̰ əga ndul dɔɔ́ nú, tɔdɔ̄ i yá̰á̰ kə́ m-ún ndūḿ dɔ tə́ kɔ̄ɔ́ ɓá, i yá̰á̰ kə́ m̄-nóm̄ rāā i jóo ngá̰ý. M-ā m̄-lōō gírí alé, m-ā m̄-tūr̄ ndūḿ alé.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

JEREMI 20:16

Ādə̄ yá̰á̰ ń rāā ɓē gə̄ ń Kɔ́ɔ̄ɓē ɓéngə̄lēdə́ nang tə́ kɔ̄ɔ́ kanjə̄ ndə̄ngā rɔ̄n ní rāā deē ń noō. Ādə̄ əgan̄ kɔŕ dḭḭ̄ naā ta mbīn tə́ kə ndɔ̄ý ō, ādə̄ əgan̄ kɔŕ rɔ̄ɔ̄ ta mbīn tə́ dan kadə ndaá ō.

IJAI 14:24

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-túbə, yá̰á̰ m-ɔ́jə rāā ní, a reē yā kudə gírí.

PĀ GƏ̄ 33:11

Banī yá̰á̰ ń Kɔ́ɔ̄ɓē gír̄ rāā ní a to ngándáńg. Yá̰á̰ ń ni gír̄ kemən tə́ yā rāā ní a to i kə dɔ ɓāl̄ gə̄, kə dɔ ɓāl̄ gə̄.

2 YÁ̰A̰ GƏ̄ 36:16

Banī nin̄ mbóon̄ kə ngámbang kəla yā Nə́ɓā gēé ō, kídə̄n̄ najə̄ gə̄ ń Nə́ɓā ɔr̄ sedə́ ní ō, ɓōlə́n̄ ngé koō ta yān gə̄ aĺ ō, adə̄ wōn̄g ń rāā Kɔ́ɔ̄ɓē kə gír deē yān gēé ní dáwán gətóo.

JEREMI 32:42

Rɔ̄kum, Kɔ́ɔ̄ɓē ɔr̄ najə̄ i tītə̄ ń toō beé: M-ā m̄-rāā kadə̄ yá̰á̰ kə́ majə gə̄ ń m-ə̄nī ndūḿ dɔ tə́ tām̄ yā gír ɓē ń toō tə́ ní, reēn̄ ngá̰ý dɔn tə́ tītə̄ ń m̄-rāań m-ādə̄ yá̰á̰ kə́ to kum kaȳ aĺ reēń ngá̰ý dɔn tə́ ní.

JEREMI 29:11

Mā m̄-ger̄ yá̰a̰ gə̄ ń m̄-nóm̄ yā rāā tām̄ yāsí tə́ ní, i ndi majə ba i yá̰á̰ kə́ to kum kaȳ aĺ alé. Ta ndo̰sí a aw̄ kum kə̄ kété majə ō, ā ə́ngeī yá̰á̰ kə́ yā kəndā kemsí dɔ tə́ ō. Najə̄ ń Kɔ́ɔ̄ɓē əda ní n noó.

JAKARI 1:2

Ni mērə̄n kəda ngán Israel gə̄ najə̄ ń toō, əda na: Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda kadə̄ i rɔ̄kum ní n toó: Wōn̄g rāām̄ ngá̰ý kə kaasí gēé. Banī ī-tél ī-reēī kə̄ rɔ̄ḿ mā Kɔ́ɔ̄ɓē tə́, anī m-ā m̄-tél yā kaw̄ kə̄ rɔ̄sí tə́. I Kɔ́ɔ̄ɓē kə́ bo kə́ tɔ́gən i ngá̰ý ń əda najə̄ ń noō ní.