JAKARI 8:12 - Bibəl ta Sar̄

¹² M-ā m̄-rāā kadə̄ lɔm a reē dɔ nang tə́ ō, kāgə̄ nduú gə̄ a anə̄n̄ ō, dɔ nang a teē yá̰a̰ ō, man̄ kə́ dɔ rā̰ tə́ a edə ō. Gír deē yāḿ gə̄ ń teēn̄ ta yo tə́ ní, m-ā m̄-rāā majə sedə́ kə yá̰a̰ gə̄ ń noō malang.

Bible sar

¹² M-ā m̄-rāā kadə̄ lɔm a reē dɔ nang tə́ ō, *kāgə̄ nduú gə̄ a anə̄n̄ ō, dɔ nang a teē yá̰a̰ ō, man̄ kə́ dɔ rā̰ tə́ a edə ō. Gír deē yāḿ gə̄ ń teēn̄ ta yo tə́ ní, m-ā m̄-rāā majə sedə́ kə yá̰a̰ gə̄ ń noō malang.

JAKARI 8:12 Referans Kwoze

NDŪ NAJƏ̄ 33:13

Yá̰á̰ ń Moijə əda dɔ Jəjep tə́ ni n toó: Kɔ́ɔ̄ɓē rāā majə kə dɔ nang yā Jəjep tām̄ dɔ nang yān ənge tal kə́ dɔ rā̰ tə́ ō, man̄ kə́ teē gíŕ nángāá ō.

TA KƏLA 27:28

Ādə̄ Nə́ɓā adī tal kə́ dɔ rā̰ tə́ ō, dɔ nang kə́ teē kōō ngá̰ý ō, adī gémē ngá̰ý ō, kasə nduú ngá̰ý ō!

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

JAKARI 8:6

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: Tām̄ yā ngán Israel gə̄ ń teēn̄ ta yo tə́ ní, a to i tītə̄ yá̰á̰ kə́ deē asə rāā aĺ beē. Banī mā ń i Kɔ́ɔ̄ɓē kə́ bo kə́ tɔ́gən i ngá̰ý ní, kə m-á̰ā̰ tītə̄ kə́ i yá̰á̰ kə́ deē asə rāā aĺ beē a?

Makətūbə̄ yā Aje 2:19

Njár̄ kōō na̰y kem mō̰yō̰ó̰ to̰ alé. Kāgə̄ nduú gə̄ ō, kāgə̄ kótə̄ gə̄ ō, kāgə̄ gərenadə gə̄ ō, kāgə̄ olibə gə̄ ō, anə̄n̄ alé. I beé ní, əla gír ɓōólaā ní, m-ā m̄-rāā majə sesí ngá̰ý al̄ naā.

Makətūbə̄ yā Aje 1:10

I tām̄ najə̄ ń noō tə́ n man̄ edə aĺ ō, dɔ nang teē yá̰a̰ aĺ ō ní.

JOEL 2:22

Dā̰ kə́ bembeé gə̄, ī-lōōī ɓōĺ. Tɔdɔ̄ mu gə̄ kə́ kem kə̄sā gə̄ tél a sitən̄ gogə́ ō, kāgə̄ gə̄ anə̄n̄ ō, Kāgə̄ kótə̄ ō, kāgə̄ nduú ō, anə̄n̄ ngá̰ý ō.

JAKƏ 3:18

Ngé gə̄ ń kem sɔl̄ lɔm nel̄də́ ní, a dubə̄n̄ i kōō kem sɔl̄ lɔm kə gō gidədə́. Ba kan̄ yá̰a̰ gə̄ ń nin̄ a əjan̄ ní, i yá̰a̰ rāā kə́ gōtə́ gə̄.

1 KORḚNTƏ 3:21

I beé ní, ādə̄ deē kógə̄ḿ ɔr ta rɔ̄n tām̄ yā de gə̄ tə́ alé. Tɔdɔ̄ yá̰a̰ malang i yāsí:

OJEE 14:5

Kɔ́ɔ̄ɓē əda na: Mo̰y kəra dɔ ndū tə́ aĺ ń rāā Israel ní, m-ā m̄-tɔ̄l̄ kɔ̄ɔ́ dɔn tə́. M-ā m̄-tárən kə kem kə́ majaá, tɔdɔ̄ wōn̄g rāām̄ seneé to̰ alé.

EJEKIEL 36:30

Kāgə̄ yāsí gə̄ a anə̄n̄ ngá̰ý ō, ndɔr̄ yāsí gə̄ a teēn̄ kōō ngá̰ý ō, kə ta kūlə̄ḿ. Loo ń noō tə́ rɔ̄sí a sɔl̄sí najə̄ yā ɓō kə́ rāāsí tə́ ta kum nápar de gə̄ tə́ to̰ alé.

IJAI 61:7

Kɔ́ɔ̄ɓē əda na: Kété ní rɔ̄sí sɔl̄sí sṵy. Yá̰á̰ ń sḭḭ̄ ə́ngeī ní, i ndū kə́ majaĺ ngá̰ý gə̄ ń de gə̄ tájə̄n̄sí ní. I tām̄ najə̄ ń toō tə́ n sḭḭ̄ ā ə́ngeī yá̰a̰ nja jōó dɔ nang yādə́ tə́ ō, ā ī-ndiī dan rɔ̄nel̄ kə́ ta ngóyn gətóó tə́ ō ní.

IJAI 30:23

Loo ń noō tə́ Kɔ́ɔ̄ɓē a rāā kadə̄ man̄ edə dɔ kum yá̰a̰ gə̄ ń ī-dubə̄ tə́ ní ō, yá̰a̰ kəsa ń dɔ nang a adī ní a i ngá̰ý ō, a nel̄ ngá̰ý ō. Ndɔ̄ ngeé ń noō tə́ ní, ɓūtə̄ yá̰a̰ kul̄ yāí gə̄ a aw̄n̄ ko̰ó̰ loo kə́ bo tə́.

TA KƏLA 26:12

Kem ɓāl̄ ngeé ń noō tə́, Isaak dubə̄ kōō anī ənge ngá̰ý, kum kōō kógə̄ḿ ojə madə̄ i ɓú, tɔdɔ̄ Kɔ́ɔ̄ɓē rāā majə seneé.

EJEKIEL 36:12

Sḭḭ̄ Israel gə̄ ń i gír deē yāḿ gə̄ ní, m-ā m̄-rāāsí kadə̄ ā ī-njə̄rāī kə̄ loo gə̄ tə́ kem ɓēé. Ā ə́ngeī ɓē ō, ɓē ní ndɔ̄ń tə́ i yāsí ō, ni a tɔ̄l̄ ngáńsí gə̄ to̰ aĺ ō i kə́ bátə́ gə̄ tə́ ō.

Gōsə̄ najə̄ gə̄ 19:12

Wōn̄g yā mban̄g i yá̰á̰ kə́ to ɓōĺ ngá̰ý tītə̄ nōō ɓɔl beé, banī kem majə yān rāā majə kə deé tītə̄ tal kə́ əhɔ dɔ mu tə́ beé.

PĀ GƏ̄ 72:3

Ādə̄ mbal̄ bo gə̄ ō, ngán mbal̄ gə̄ ō, adə̄n̄ de gə̄ yá̰a̰ kənge kə ta kūl̄ yá̰a̰ rāā kə́ gōtə́!

NDŪ NAJƏ̄ 33:28

Ngán Israel gə̄ ənīn̄ kemdə́ báŕ báŕ ndin̄neé tām̄ yá̰á̰ kə́ yā rāādə́ gətóo. Ngán kaa Jakob gə̄ aw̄ ndin̄ loo kə́ yá̰á̰ kə́ majaĺ a rāādə́ tū tə́ aĺ tə́. Nin̄ ndin̄ i dɔ nang kə́ kōō gémē ō, kāgə̄ nduú ō, a əɓan̄ tū tə́ i kə ta kūl̄ tal kə́ ngá̰ý kə́ ḭḭ dɔ rā̰ tə́.

NDŪ NAJƏ̄ 32:2

Ādə̄ yá̰á̰ ndóō yāḿ gə̄ edən̄ tītə̄ man̄ ō, ādə̄ najə̄ kə́ taḿ tə́ teē tītə̄ tal kə́ a tə́sō ō, i tītə̄ man̄ kə́ edə dɔ mbī kámbə́ tə́ ō, dɔ mu tə́ ō.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

LEBI GƏ̄ 26:3

Ré úniī gō najə̄ yāḿ gə̄ ō, ī-rāāī yá̰a̰ gə̄ ń m-ə́dásí kadə̄ ī-rāāī ní ō anī,

PĀ GƏ̄ 85:12

Najə̄ kə́ rɔ̄kum teē dɔ nang tə́ ō, yá̰á̰ kə́ gōtə́ teē dɔ rā̰ tə́ ō.

OJEE 13:3

I tām̄ najə̄ noō tə́ n nin̄ a ton̄ tītə̄ kil̄ man̄ kə́ dəloí ní. A ton̄ tītə̄ man̄ kə́ tə́sō kok kok kə́ iī láẃ kɔ̄ɔ́ beē. A ton̄ tītə̄ mu kə́ nél un loo kənda kōō gémē tə́ aw̄ń sa̰y kɔ̄ɔ́ beē. A ton̄ tītə̄ sa hor kə́ teē ta bəlo kógə̄ḿ tə́ beē.

Makətūbə̄ yā Aje 2:18

I beé ní, yá̰á̰ ń a rāā yá̰á̰ ní, əla gír ɓōólaā ō, ndɔ̄ kə́ rang tə́ ō ní, ī-gírī yá̰a̰ dɔ tə́! I ndɔ̄ kə́ nge ko̰ kutə jōó gidə i sɔ́ yā nāā kə́ nge ko̰ ndōhó n toó ō, əndān̄ ngəra kújə́ yā Kɔ́ɔ̄ɓē i ɓōólaā ō ní, ī-lōōī kadə̄ dɔsí ndígə̄nal.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

EJEKIEL 34:28

Nápar de gə̄ a ɓogən̄də́ to̰ aĺ ō, dā̰ kə́ do̰ gə̄ a əsan̄də́ to̰ aĺ ō. Nin̄ a ndin̄ kanjə̄ sōl̄ yá̰á̰ kógə̄ḿ ō, de kə́ yā rāādə́ kadə̄ a ndewn̄ to̰ a gətóo ō.

EJEKIEL 36:9

A̰á̰ā̰, m̄-reē kə̄ rɔ̄sí tə́, m̄-tūr̄ kumḿ kə̄ rɔ̄sí tə́. A télən̄ yā ndɔr̄ dɔ nang yāsí tə́ gogə́ ō, a dubə̄n̄ kōō tū tə́ gogə́ ō.

JOEL 2:19

Kɔ́ɔ̄ɓē tél əda gír deē yān gə̄ na: M-ā m-ə́la kə gémē ō, kasə nduú ō, yibə̄ ō, yā kadə̄sí kadə̄ ndān̄sí. M-ā m-ādə̄sí yá̰a̰ gə̄ ń noō ngá̰ý. M-ā m̄-rāā kadə̄ yá̰á̰ kə́ to rɔ̄sɔl̄ əsō dɔsí tə́ dáń nápar de gə̄ tə́ to̰ aĺ bátə́.

SOPONI 3:13

Israel gə̄ ń a teēn̄ ta yo tə́ ní, a rāān̄ yá̰á̰ kə́ majaĺ to̰ aĺ ō, a sorə̄n̄ to̰ aĺ ō, a gólə̄n̄ madə̄də́ gə̄ kə najə̄ kə́ tadə́ tə́ to̰ aĺ ō. Nin̄ a asən̄ kəsa yá̰a̰ ō, ɓīī ō, de kə́ yā rāādə́ kadə̄ ɓōlə́n̄ gətóo ō.

MALASI 3:11

M-ā m̄-tūr̄ ta gaẃ gə̄ kɔ̄ɔ́ dɔsí tə́: Nin̄ a nujən̄ kōō yāsí gə̄ aĺ ō, a ɔgə̄n̄ kāgə̄ nduú yāsí gə̄ ka̰a̰n̄ aĺ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə̄nī ndūḿ ní.