JAKARI 8:10 - Bibəl ta Sar̄

¹⁰ Kété ní, kəla ń de gə̄ rāān̄ ní, deē əgādə́ aĺ ō, kəla ń dā̰ gə̄ rāān̄ ní, deē ənge yá̰á̰ gírí aĺ ō. Deē asə kənī kemən njə̄rań aĺ ō, najə̄ yā madə̄ ba̰ā̰ gə̄ tə́. Tɔdɔ̄ kété ní, m̄-sə̄lā de gə̄ malang dɔ naā tə́.

Bible sar

¹⁰ Kété ní, kəla ń de gə̄ rāān̄ ní, deē əgādə́ aĺ ō, kəla ń dā̰ gə̄ rāān̄ ní, deē ənge yá̰á̰ gírí aĺ ō. Deē asə kənī kemən njə̄rań aĺ ō, najə̄ yā madə̄ ba̰ā̰ gə̄ tə́. Tɔdɔ̄ kété ní, m̄-sə̄lā de gə̄ malang dɔ naā tə́.

JAKARI 8:10 Referans Kwoze

AMOS 9:4

Ré nin̄ aw̄n̄ ɓəloó ɓē madə̄ ba̰ā̰də́ gēé anī, m-ā m-ə́da kadə̄ a tɔ̄lə̄n̄də́. M-ā m-ə̄ndā kumḿ gōdə́ tə́ i tām̄ yā ndi majə yādə́ tə́ alé banī i yā kadə̄ yá̰á̰ kə́ to kum kaȳ aĺ teē dɔdə́ tə́.

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

IJAI 19:2

Kɔ́ɔ̄ɓē əda na: M-ā m̄-tɔ́sə̄ ta kó̰n de kə́ Ejiptə gə̄ naā tə́, adə̄ nin̄ a rɔ̄ɔ̄n̄ naā ō, madə̄ naā gə̄ a rɔ̄ɔ̄n̄ naā ō, ɓē gə̄ a rɔ̄ɔ̄n̄ naā ō, ɓē ko̰o̰ gə̄ a rɔ̄ɔ̄n̄ naā ō.

JEREMI 16:16

M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

NGÉ SARYA 5:11

Ngé nə̄ɓō yá̰á̰ kə́ kəhɔ ta rɔ̄ɔ̄ tə́ gə̄ ń ran̄ kadə loo ka̰ȳ man̄ yā yá̰a̰ kul̄ gə̄ tə́ ní, ənīn̄ gotə rɔ̄ɔ̄ gə̄ ń Kɔ́ɔ̄ɓē tetə ní, ənīn̄ gotə rɔ̄ɔ̄ gə̄ ń Kɔ́ɔ̄ɓē ɔjəń tɔ́gən ta kum ngán Israel gə̄ tə́ ní. Anī deē yā Kɔ́ɔ̄ɓē gə̄ kánə̄n̄ naā ta róbə gə̄ kə́ yā kudəń kə̄ kem ɓēé tə́.

Makətūbə̄ yā Aje 2:15

Kɔ́ɔ̄ɓē əda ɓáý to̰ na: Ngɔlaā ní, yá̰á̰ ń a əla gír rāā yá̰a̰ ɓōólaā ō ndɔ̄ kə́ rang tə́ ō ní, ī-gírī yá̰a̰ dɔ tə́! Kété pá tá kadə̄ ə́laī gír rāā kújə́ kə́ bo yāḿ gogə́ rang kə ta kūl̄ tə́ndā mbal̄ gə̄ kógə̄ḿ kógə̄ḿ dɔ naā tə́ ní,