JAKARI 7:6 - Bibəl ta Sar̄

⁶ Ba dan ń əsaī yá̰a̰ ō, ā̰yī ō ní, i tām̄ yāsí sḭḭ̄ kɔ́ gə̄ tə́ wa ḿ?

Bible sar

⁶ Ba dan ń əsaī yá̰a̰ ō, ā̰yī ō ní, i tām̄ yāsí sḭḭ̄ kɔ́ gə̄ tə́ wa ḿ?

JAKARI 7:6 Referans Kwoze

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

KOLOSƏ 3:17

Ba yá̰a̰ malang ń ā ə́daī ō, kəla malang ń ā ī-rāāī ō ní, ə́daī ō, ī-rāāī ō, kə rī Kɔ́ɔ̄ɓē Jeju. Ī-ndadī Bɔbə̄jí Nə́ɓā kə ta kūl̄neé.

OJEE 9:4

Loo ń noō tə́ nin̄ a ɓōkə́n̄ kasə nduú nang tə́ yā ndējə̄ Kɔ́ɔ̄ɓē to̰ alé. Yá̰á̰ gə̄ ń nin̄ tun̄ adə̄nən̄ ní, a nelə̄n alé. Kə́ tām̄ yādə́ nin̄ tə́ ɓáa, yá̰a̰ kəsa a tél a to i tītə̄ yá̰a̰ kəsa kə́ loo yo tə́ beē. De gə̄ malang ń a əsan̄ ní a télən̄ de kə́ yḛr gə̄. Mápa yādə́ a ul̄də́, banī nin̄ a asən̄ kudə kə mápá ní kem kújə yā Kɔ́ɔ̄ɓē tə́ alé. ba a ɔtə̄ kem kújə yā Kɔ́ɔ̄ɓē tə́ alé.

1 YÁ̰A̰ GƏ̄ 29:22

Ndɔ̄ ń noō tə́ əsan̄ yá̰a̰ ō, a̰ȳn̄ ō, kə rɔ̄nel̄ kə́ ngá̰ý ta kum Kɔ́ɔ̄ɓē tə́, ba əndān̄ Salomo̰ ngōn̄ Dabid mban̄g nja kə́ nge ko̰ jōó ō, urən̄ yibə̄ mban̄g dɔn tə́ tām̄ yā Kɔ́ɔ̄ɓē tə́ ō, urən̄ yibə̄ dɔ Sadok tə́ kadə̄ ni i nge tun̄ yá̰a̰ ō.

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

NDŪ NAJƏ̄ 14:26

Ā ī-mangiī yá̰a̰ malang ń kemsí ndigə ní i loo ní tə́. Ré ī-ndigiī i mang man̄g, aláa batə̄, aláa bə̄yā̰, aláa kasə nduú, aláa kasə kə́ ngan̄g gə̄ anī, ī-mangiī. Yá̰a̰ malang ń kemsí ndigə ní, ī-mangiī ba ə́saī kə gír kojə yāsí gēé kə rɔ̄nelēé ta kum Kɔ́ɔ̄ɓē Nə́ɓā yāsí tə́.

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

IJAI 43:23

Tá ī-reē kə ngán batə̄ gə̄ ī-tɔ̄l̄ ādə̄m̄ alé, dan ń ā ī-ndējə̄də́ ní ḭ̄ ɔ́sə gɔnəḿ alé. m̄-rāāī ɓəlo tə́ kə ta kūl̄ ra seí ta ndējə̄m̄ yá̰a̰ alé. m̄-rāāī adə̄ kɔr rāāī kə ta kūl̄ dəjeī kajaja alé.

IJAI 58:3

Tá nin̄ ədamə̄n̄ na: Ré á̰a̰n aĺ anī ī-*ndi ɓō tām̄ yā Nə́ɓā tə́ i najə̄ rí tə́? Ré j-ə̄ndā ma̰ȳn á̰a̰n ī-gerə̄n aĺ anī, jə-téliī kə rɔ̄jí kə̄ nang tə́ adə̄ jə-dúūī i tām̄ rí tə́? Anī m̄-tūr̄ m-ə́da na: Ndɔ̄ ń sḭḭ̄ ī-*ndiīń ɓō tə́ ní, sḭḭ̄ á̰a̰ī gō kəla yāsí gə̄ ō, ī-rāāī ngé kəla yāsí gə̄ majaĺ ō.

JAKARI 7:5

yá̰á̰ ń ni tūr̄ əda ní, kə m-ə́dá ngé tun̄ yá̰a̰ gə̄ ō, de kə́ kem ɓēé gə̄ malang ō, kadə̄ gerə̄n̄. Najə̄ ń ni tūr̄ əda ní n toó: Sḭḭ̄ ī-*ndiī ɓō tām̄ yā Nə́ɓā tə́ ō, ə̄nī pā yo ō, kem nāā kə́ nge ko̰ mí tə́ ō, sīrí tə́ ō, asə ɓāl̄ kutə sīrí kɔ̄ɔ́ ɓá. Ba ī-*ndiī ɓō tām̄ yā Nə́ɓā tə́ ní, i tām̄ yāḿ mā tə́ rɔ̄kum a?

JAKARI 7:7

Kɔ́ɔ̄ɓē əndā najə̄ gə̄ ń noō ta ngé koō gə̄ tə́ adə̄ nin̄ gɔŕyɔ̄nəń de gə̄ kété kɔ̄ɔ́ ɓá. Dan ngeé ń noō tə́ ní, de kə́ Jerusalem gə̄ ō, kə́ kem ɓē gə̄ ń gīrə̄n̄ gidə ɓē kə́ Jerusalem ō tə́ ní, ndin̄ lɔm. Gō nang kə́ Negeb ō, gō nang kə́ mbal̄ bo gə̄ gətóon̄ tū tə́ ō ní, de gə̄ ndin̄ tū tə́.