JAKARI 7:14 - Bibəl ta Sar̄

¹⁴ m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

Bible sar

¹⁴ m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

JAKARI 7:14 Referans Kwoze

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

NDŪ NAJƏ̄ 28:33

Gír de gə̄ kə́ ī-ger̄də́ aĺ gə̄ a əsan̄ kōō yāí, kə yá̰a̰ malang ń ī-rāā á teē ní. Ngáńdáńg de gə̄ a əsanī i mbée ō, a rāānī majaĺ ō.

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

NDŪ NAJƏ̄ 4:27

Kɔ́ɔ̄ɓē a tə̄ndā yā tḭ̄ḭ̄sí kə̄ dan nápar de kə́ rang gə̄ tə́ kɔ̄ɔ́. Ā ī-na̰yiī i sḛ́ý beē ngóy dan nápar de gə̄ ń a aw̄ sesí kə̄ dandə́ tə́ ní.

JAKARI 2:6

m̄-dəjen najə̄ m-ə́da na ké a aw̄ i kə̄ rá wa. Anī ni-tél ədam̄ na: M-āw̄ i kə̄ mbɔ̄jə́ ɓē kə́ Jerusalem tə́, yā gerə̄ń laan ō ngālə̄n ō.

SOPONI 3:6

Kɔ́ɔ̄ɓē əda na: m̄-rāā adə̄ nápar de kə́ ngá̰ý gə̄ gətóon̄ kɔ̄ɔ́. Ndogə̄ mbal̄ yādə́ gə̄ ń a rɔ̄ɔ̄n̄neé dɔ rɔ̄də́ tə́ ní, m̄-nujəń kɔ̄ɔ́. m̄-rāā adə̄ deē gətóo kum róbə kɔsə yādə́ gə̄ tə́. Deē mān̄ tū tə́ to̰ alé! Ɓē bo yādə́ gə̄ i kə́ nujəń kɔ̄ɔ́: deē kógə̄ḿ kə́ kemeé to̰ gətóo.

JAKARI 9:14

Loo ń noō tə́ Kɔ́ɔ̄ɓē a teē hɔy dɔdə́ tə́ dɔɔ́ ō, kum gərā yān a teē tītə̄ tel̄ man̄ beé ō. Kɔ́ɔ̄ɓē Nə́ɓā a kɔ̄ŕ bərúnjə. Man̄ kə́ a edə kə néĺ kə́ əla kə ngangá ngá̰ý ń a ḭḭ dām̄ mbɔ́r ɓē kə́ geleé tə́ yā reē ní, ni a reēń.

HABAKUK 3:14

Ḭ̄ ī-mbutə dɔ ngār gə̄ yā madə̄ ba̰ā̰ gə̄ i kə kum gərā yādə́ nin̄ kɔ́ gɔ̄ɔ́. Kété ní, nin̄ reēn̄ i kə ngɔ̄dɔ̄ɔ́ tītə̄ nél man̄ kə́ əla kə ngangá ngá̰ý beē, yā reē tə̄ɓājí kadə̄ j-awī kə̄ loo gə̄ tə́ kɔ̄ɔ́. Nin̄ túrə̄n̄ kɔĺ rɔ̄nel̄ tītə̄ kə́ a rāān̄ i yā kəsa nge ndoō loo ɓɔ̄ɔ̄ rɔ̄ tə́, gír dabə yādə́ tə́ beē.

NAHUM 1:3

Kɔ́ɔ̄ɓē i de kə́ nge tə́gā tan ō, tɔ́gən i ngá̰ý ō. Banī deē ń najə̄ i dɔn tə́ ní, ni a əya̰n karī kanjə̄ kəndan alé. Dan ń ni a mān̄ anī, nél man̄ kə́ ngan̄g ngá̰ý əla. Kil̄ man̄ i bumbə́rú kə́ gír njan tə́.

AMOS 1:14

M-ā m-ə́la hor dɔ ɓē yādə́ kə́ Raba tə́ tə́. Adə̄ a o̰o̰ kújə yān kə́ majə ngá̰ý gə̄ ndɔ̄ rɔ̄ɔ̄ tə́, dan ń de gə̄ a urnə̄ń kɔĺ rɔ̄ɔ̄ tə́ ní, dan ń nél man̄ a əlań ndɔ̄ kedə man̄ kə́ ngá̰ý tə́ ní.

DANIEL 8:9

Ngōn̄ gajə kógə̄ḿ kə́ dūú teē tū nge kə́ kógə̄ḿ tə́ ba bo ngá̰ý kum kə̄ mbɔ́r ɓē kə́ geleé tə́ ō, kə̄ gír ɓē tə́ ō, kə̄ ɓē ko̰o̰ kə́ majə ngá̰ý tə́ ō.

JEREMI 52:30

Kem ɓāl̄ ko̰o̰ ɓē yān kə́ nge ko̰ kutə jōó gidə i mətá tə́ ní, Nebujaradan, ngol ngé ngɔ̄m̄ dɔ mban̄g əhɔ Juda gə̄ i deē 745 aw̄ sedə́. Adə̄ de gə̄ malang ń əhɔn̄də́ aw̄n̄ sedə́ Babilon ní, i de gə̄ 4 600.

JEREMI 44:6

Adə̄ m-bə̄gā wōn̄g yāḿ, wōn̄g kə́ ngá̰ý yāḿ, kadə̄ nujə ɓē gə̄ kə́ Juda ō, kə̄lá róbə gə̄ kə́ Jerusalem ō, tītə̄ hor kə́ o̰o̰ loo beé. Nin̄ télən̄ loo kə́ nujə sák sák kɔ̄ɔ́ gə̄ ō, loo kə́ yá̰a̰ gətóo tū tə́ gə̄ ō, yá̰á̰ ń rāā yá̰a̰ ngɔlaā ní n toó.

JEREMI 36:19

De kə́ bo gə̄ ədan̄ Baruk na: Ḭ̄ ō, Jeremi ō, āw̄ ī-ɓɔ̄ɔ̄ī rɔ̄sí ādə̄ deē kógə̄ḿ gə̄gē a ger̄ loo ń sḭḭ̄ i tū tə́ ní alé.

JEREMI 30:23

Á̰a̰ī néĺ ń əla kə tɔ́gɔ́ noō. I wōn̄g yā Kɔ́ɔ̄ɓē n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

JEREMI 5:15

Sḭḭ̄ de kə́ Israel tə́ gə̄ m-ā m-ɔ́ý gíŕ nápar deē kógə̄ḿ kə́ sa̰y ngá̰ý gə̄ yā reē ɓōkə́ dɔsí tə́ i gír de kə́ ngangə̄n̄ ngá̰ý gə̄ kə́ ndin̄ i jóó ngá̰ý ō, i gír de kə́ ḭ̄ ī-ger̄ ta kɔr̄də́ aĺ ō. Najə̄ ń Kɔ́ɔ̄ɓē əda ní n noó.

IJAI 21:1

Najə̄ yā dəla loo kə́ kadə bā bo tə́ ngɔr. Madə̄ ba̰ā̰ ḭḭ dəla loo tə́ reē, ḭḭ i kem ɓē kógə̄ḿ kə́ adə̄ de gə̄ ɓōĺ tə́ n reē, tītə̄ néĺ kə́ əla kə tɔ́gɔ́, kə́ ənda gō nang kə́ Negeb mān̄ beé.

IJAI 17:13

Kōō do̰ rɔ̄ɔ̄ yā nápar de gə̄ ɓār̄ tītə̄ kōō bā bo gə̄ beé. Kɔ́ɔ̄ɓē əla ɓōĺ kemdə́ tə́, anī nin̄ a̰ȳ aw̄n̄ sa̰y. Tə̄ɓān̄də́ tītə̄ mu kə́ néĺ kə́ dɔ mbal̄ bo gə̄ tə́ tə̄ɓān aw̄ seneé beē, tītə̄ bumbə́rú kə́ əga nding kə́ nél mān̄ tə̄ɓān kɔ̄ɔ́ beē.

PĀ GƏ̄ 58:9

Ādə̄ ton̄ tītə̄ kotəró ń ɔr ndɔl gōn tə́ a njə̄rāń ní! Ādə̄ a̰a̰n̄ kum mbang aĺ tītə̄ ngōn̄ kə́ kɔr̄ beé!

2 YÁ̰A̰ GƏ̄ 36:21

Najə̄ ń Kɔ́ɔ̄ɓē əndā ta Jeremi nge koō ta tə́ adə̄ əda ní rāā yá̰a̰ i tītə̄ ń noō. Jeremi əda kété na: A əya̰n̄ ɓē kɔ̄ɔ́ ɓāl̄ kutə sīrí kadə̄ dɔ nang ɔrə̄ń koō kum gotə ndɔ̄ sabat gə̄ ń ngán Israel gə̄ əndān̄ kumdə́ gírí aĺ ní tə́.

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

LEBI GƏ̄ 26:22

M-ā m-ə́la kə dā̰ do̰ gēé kadə̄ əhɔn̄ ngáńsí gə̄ ō, yá̰a̰ kul̄ yāsí gə̄ ō. A əhɔn̄sí kadə̄ ā ī-nayiī i sḛ́ý beē, kadə̄ deē a a̰a̰ deē loo njə̄rā tə́ dɔ ngáń róbə yāsí gə̄ tə́ to̰ alé.

IJAI 66:15

Tām̄ á̰a̰ī Kɔ́ɔ̄ɓē n toó: Ni a reē i kum hor tə́, púsə rɔ̄ɔ̄ yān gə̄ ton̄ tītə̄ nél man̄ kə́ əla kə ngangá ngá̰ý beē. Ni-reē i kɔjə wōn̄g yān kə́ to ɓōĺ ngá̰ý tə́ ō, i kəla ɓōló kem de gə̄ tə́ tə́ kə ta ndo̰ hor gēé ō.

IJAI 60:15

Kété ní əya̰īn̄ kɔ̄ɔ́, de gə̄ kídīn̄ ō, deē mān̄ looí aĺ ō. Ngɔlaā ní m-ā m̄-rāāī kadə̄ ā ī-majə ngá̰ý, kadə̄ ā ī-téĺ yá̰a̰ kənda kadə kə́ ngándáńg ō, yá̰a̰ rɔ̄nel̄ kə́ kə dɔ ɓāl̄ gə̄ ɓāl̄ gə̄ ō.

JEREMI 12:10

Kósə ngé kul̄ yá̰a̰ gə̄ nujən̄ kə ndɔr̄ kāgə̄ nduú yāḿ sák sák kɔ̄ɔ́ ō, tə́ɓān̄ ndɔr̄ yāḿ njadə́ tə́ ō, rāān̄ ndɔr̄ ngeé ń toō ń majə ngá̰ý ní adə̄ tél dəla loo kə́ to kum ko̰ ō.

EJEKIEL 5:10

Kó̰ó̰ ngán gə̄ kə bɔbə̄ ngán gə̄ a əsan̄ ngáńdə́ gə̄ kem ɓēé ō, ngán gə̄ a əsan̄ ngé kojədə́ ō. M-ā m-ún sarya gāngə̄ḿ yā rāań yá̰a̰ sesí ō, gotə de gə̄ ń teēn̄ ta yo tə́ ní m-ā m̄-tə̄ndā yā tḭ̄ḭ̄də́ kə̄ loo gə̄ tə́ ō.

EJEKIEL 12:19

Gō tə́ anī, ā ə́da de kə́ kem ɓēé gə̄ na: Najə̄ ń Kɔ́ɔ̄ɓē Nə́ɓā əda ní n toó: Gotə de kə́ Jerusalem tə́ gə̄ ń na̰yn̄ dɔ nang kə́ Israel tə́ ní a əsan̄ mápa yādə́ i kə sōlōó ō, a a̰ȳn̄ man̄ yādə́ i kə ɓōĺ kə́ a ndewdə́ ō. Tɔdɔ̄ a nujən̄ ɓē yādə́ sák sák kɔ̄ɔ́, tām̄ de kə́ kemeé gə̄ rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé.

EJEKIEL 22:15

M-ā m̄-tə̄ndā yā tḭ̄ḭ̄sí kə̄ loo gə̄ tə́ dan nápar de gə̄ tə́, kə̄ kem ɓē kə́ rang gə̄ tə́ ō, yá̰a̰ rāāsí kə́ yḛr gə̄ malang ní m-ā m̄-rāā kadə̄ gíŕdə́ a gān̄g kɔ̄ɔ́ ō.

JOEL 2:3

Hor o̰o̰ loo kété nodə́ tə́ ō, ɓáa, ta ndo̰ hor kə́ o̰o̰ bəlim bəlim i gōgə̄ gōdə́ tə́ ō. Ɓē to kété nodə́ tə́ i tītə̄ ndɔr̄ kə́ Eden beē. Ba ré mānə̄n̄ i dəla loo kə́ nujə sák sák kɔ̄ɔ́ beē. Yá̰á̰ kógə̄ḿ kə́ teē ta jīdə́ tə́ gətóo.

JAKARI 8:1

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ seḿ. Yá̰á̰ ń ədam̄ ní n toó:

OJEE 9:17

Nə́ɓā yāḿ a mbātə́ Epəraim gə̄, tɔdɔ̄ nin̄ oōn̄ najə̄ yān alé. Nin̄ a aw̄n̄ kə̄ loo gə̄ tə́ malang dan nápar de gə̄ tə́.