JAKARI 7:10 - Bibəl ta Sar̄

¹⁰ Ī-lōōī rējə̄ dəyá̰ kə́ ngaa koy gə̄ ō, ngán hal gə̄ ō, tə̄rā gə̄ ō, ngé ndoō gə̄ ō, kə ta kūl̄ yá̰a̰ rāā kə́ gōtə́ aĺ ō, ī-lōōī gír̄ rāā yá̰á̰ kə́ majaĺ kə naá ō.

Bible sar

¹⁰ Ī-lōōī rējə̄ dəyá̰ kə́ ngaa koy gə̄ ō, ngán hal gə̄ ō, tə̄rā gə̄ ō, ngé ndoō gə̄ ō, kə ta kūl̄ yá̰a̰ rāā kə́ gōtə́ aĺ ō, ī-lōōī gír̄ rāā yá̰á̰ kə́ majaĺ kə naá ō.

JAKARI 7:10 Referans Kwoze

JEREMI 5:28

Nin̄ boon̄ majə ō, ndə́lēn̄ ō, rāān̄ majaĺ al̄ naā ō. Nin̄ ɓōlə́n̄ ndíl najə̄, aláa yá̰a̰ yā deē aĺ ō, yā ngōn̄ hal aĺ ō. Yá̰a̰ rāādə́ malang teēdə́ yá̰á̰ tə́ usədə́ dɔ najə̄ yā ngé rɔ̄ tō ndoō gə̄ tə́ alé.

1 JA̰A̰ 3:15

Tá náā nəkɔ́ ń im̄ ngōkó̰o̰n ní, ni i nge tɔ̄l̄ deē. Ba ī-gerī kadə̄ nge tɔ̄l̄ deē i deē ń ndi kə kumuú kə́ ngándáńg gətóo kemən tə́ ní.

JAKƏ 5:4

Á̰a̰ī, ngé kəla gə̄ əjan̄ kōō kə́ kem ndɔr̄ yāsí gə̄ tə́, banī sḭḭ̄ ɔ̄gīdə́ nar tətōdə́, adə̄ nar ní əga kɔŕ! Ba nōō rɔ̄ yā ngé kəja kōō gə̄ ní əsō mbī Kɔ́ɔ̄ɓē kə́ bo kə́ tɔ́gən i ngá̰ý tə́.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

PĀ GƏ̄ 72:4

Ngé ndoō gə̄ kə́ dan gír de gə̄ tə́ ní, ādə̄ mban̄g gān̄g sarya yādə́ kə gōó. Ādə̄ ni i nge kajə ngé ndoō gə̄ ō, nge rējə̄ ngé bám̄də́ gə̄ ō!

PĀ GƏ̄ 21:11

Ā ī-rāā kadə̄ ngán kaadə́ gə̄ gətóon̄ kɔ̄ɔ́ dɔ nang tə́. Ā ī-tɔ̄ɔ̄ kōōdə́ kɔ̄ɔ́ dan de gə̄ tə́.

1 KORḚNTƏ 6:10

ngé ɓogə gə̄ ō, ngé rāā kum ndaa yá̰a̰ gə̄ ō, ngé rāā ɓəlo kasə gə̄ ō, ngé tétə̄ najə̄ gə̄ ō, ngé kə́rá yá̰a̰ gə̄ ō, a əngen̄ loo kem Ɓē ko̰o̰ yā Nə́ɓā tə́ alé.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JAKARI 8:17

Kɔ́ɔ̄ɓē ɔr̄ najə̄, əda na: Ī-lōōī gír̄ rāā yá̰á̰ kə́ majaĺ kə naá. Ī-mbātíī túbə̄ dɔ lám̄ tə́. Yá̰a̰ rāā kə́ majaĺ gə̄ malang ń noō ní, nelə̄m̄ aĺ ngá̰ý. I mā Kɔ́ɔ̄ɓē n m-ə́da najə̄ ń noō ní.

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

EJEKIEL 22:29

De gə̄ a rāān̄ yá̰a̰ i kə tɔ́gə́də́ ō, i kə dɔ́nɔ́ ō, kə̄ loo gə̄ tə́ malang kem ɓēé. Nin̄ ɓogən̄ ō, əsan̄ tətō ngé ndoō gə̄ ō, ngé rɔ̄ tō ndoō gə̄ ō, rāān̄ kum ngé nam̄ ɓē gə̄ ndoō tə́ kanjə̄ ɓōĺ gidə yá̰a̰ rāā kə́ gōtə́ ō.

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

EJEKIEL 22:7

De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

Gōsə̄ najə̄ gə̄ 3:29

Ī-lōō núm̄ rāā madí yá̰á̰ kə́ majaĺ dan ń ni-ənī kemən mámák ndiń rɔ̄í tə́ ní.

PĀ GƏ̄ 140:2

Kɔ́ɔ̄ɓē, ī-gān̄g dɔḿ jī ngé kem majaĺ gə̄ tə́, ī-ngɔ̄mə̄m̄, ādə̄ m-ə̄sō kem jī ngé dɔ́nɔ gə̄ tə́ alé.

NDŪ NAJƏ̄ 27:19

Deē ń a ɔgə̄ tə̄rā kə́ nge nam̄ ō, ngōn̄ hal ō dəyá̰ kə́ ngaa koy ō yá̰á̰ kə́ sɔɔ̄ dɔdə́ ní, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.

Teē Ngán Israel gə̄ 23:9

Ā ī-rāā kum tə̄rā kə́ nge nam̄ ndoō tə́ alé. Yá̰á̰ kə́ tōr̄ ń a rāā de kə́ nge nam̄ ní sḭḭ̄ kɔ́ gə̄ ī-gerī mbak, tɔdɔ̄ kété sḭḭ̄ i ngé nam̄ gə̄ dɔ nang kə́ Ejiptə tə́ ō.

PĀ GƏ̄ 36:4

Najə̄ kə́ tan tə́ i sor̄ ō gól̄ loo ō ngóy. Tām̄ yān tə́ ɓáa rāā yá̰á̰ kə́ majə i yá̰á̰ kə́ kumən gətóo.

JEREMI 7:6

ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

JEREMI 49:11

Ī-sōlī najə̄ ngán hal yāsí gə̄ tə́ alé, na m-ā m-ə̄tōdə́ ō, dəyá̰ kə́ ngaa koy yāsí gə̄ a asən̄ kəndā kemdə́ dɔḿ tə́ ō ní, a gətóo.

EJEKIEL 18:12

əsa tətō ngé ndoō gə̄ ō, ngé rɔ̄ tō ndoō gə̄ ō, ɓogə de gə̄ ō, yá̰a̰ gə̄ ń de gə̄ adə̄nən̄ tə̄nānən̄neé yá̰á̰ ní, ni téləń adə̄ kɔ́ɔ̄n gə̄ gogə́ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ ō, rāā yá̰á̰ kə́ majaĺ ngá̰ý gə̄ loo ń noō tə́ ō.