JAKARI 6:6 - Bibəl ta Sar̄

⁶ Púsə rɔ̄ɔ̄ ń sə́ndá kə́ ndul gə̄ unən̄ ní, aw̄ kum kə̄ dām̄ mbɔ́r ɓē kə́ ko̰ó̰ tə́ ō, sə́ndá kə́ ndaa gə̄ aw̄n̄ kum kə̄ no ɓē tə́ ō, sə́ndá kə́ ɓál gə̄ aw̄n̄ kum kə̄ dām̄ mbɔ́r ɓē kə́ geleé tə́ ō.

Bible sar

⁶ Púsə rɔ̄ɔ̄ ń sə́ndá kə́ ndul gə̄ unən̄ ní, aw̄ kum kə̄ dām̄ mbɔ́r ɓē kə́ ko̰ó̰ tə́ ō, sə́ndá kə́ ndaa gə̄ aw̄n̄ kum kə̄ no ɓē tə́ ō, sə́ndá kə́ ɓál gə̄ aw̄n̄ kum kə̄ dām̄ mbɔ́r ɓē kə́ geleé tə́ ō.

JAKARI 6:6 Referans Kwoze

EJEKIEL 1:4

Yá̰á̰ ń m-á̰a̰ā̰ ní n toó: Néĺ kógə̄ḿ kə́ bo ḭḭ dām̄ mbɔ́r ɓē kə́ ko̰ó̰ tə́ a reē kə kil̄ man̄ kə́ il̄ ngá̰ý ō, tel̄ man̄ gə̄ teēn̄ tū kil̄ man̄ ní tə́ ō. Loo kə́ unjə̄ kow gīr̄ gidə kil̄ man̄ ní. Banī ngaadan kil̄ man̄ ní i hor kə́ a o̰o̰ ō, ndə́lē tītə̄ lɔ́ŕ kə́ kəla horoó adə̄ kərē beé ō.

JEREMI 51:48

Tā anī dɔ rā̰ ō, dɔ nang ō, yá̰a̰ malang kə́ tū tə́ ō, ənīn̄ pā tetə rɔ̄ɔ̄ dɔ Babilon tə́. Tām̄ ngé nujə loo sák sák gə̄ ḭḭn̄ i mbɔ́r ɓē kə́ ko̰ó̰ tə́ n reēn̄ ní. Najə̄ ń Kɔ́ɔ̄ɓē əda ní n noó.

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

JEREMI 4:6

Ə́laī dərapóo dɔɔ́ kum kə̄ Siyo̰. Āw̄ ī-ɓɔ̄ɔ̄ī rɔ̄sí, ī-lōōī dəba róbó. I yá̰á̰ kə́ to kum kaȳ aĺ n m̄-rāā kadə̄ ḭḭ dām̄ mbɔ́r ɓē kə́ ko̰ó̰ tə́ yā reē ní. Loo a nujə sák sák.

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

DANIEL 11:9

Mban̄g kə́ dām̄ mbɔ́r ɓē kə́ ko̰ tə́ a aw̄ kem ɓē ko̰o̰ yā mban̄g kə́ dām̄ mbɔ́r ɓē kə́ geleé tə́. Gō tə́ anī a tél yā kaw̄ gogə́ dɔ nang yān tə́.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

JEJU TEĒ KUM JA̰A̰ 6:5

Dan ń ɔsə mbō̰ kə́ nge ko̰ mətá ɔr̄ anī, m-ōō ndū yá̰á̰ kə́ kə kumuú kə́ nge ko̰ mətá əda kə tɔ́gɔ́ na: Ī-reē. Anī m-á̰á̰ sə́ndá kə́ ndul, ba deē ń ndi gidən tə́ ní, yá̰a̰ mbɔ̄jə́ kɔȳ yá̰a̰ i jīn tə́.

IJAI 43:6

M-ə́dá mbɔ́r ɓē kə́ ko̰ó̰ na ī-tél ādə̄m̄ sedə́ ō, m-ə́dá mbɔ́r ɓē kə́ geleé na ī-lōō kəhɔdə́ gotoó ō. Ngánə́ḿ kə́ dəngam gə̄ ń ndin̄ ɓē kə́ sa̰y gə̄ ń toō tə́ ní, ī-tél ī-reēī sedə́ ādə̄mī ō, ngánə́ḿ kə́ dəyá̰ gə̄ ń ndin̄ ta ngóy dɔ nang tə́ ní, ī-tél ī-reēī sedə́ ādə̄mī ō.

IJAI 30:6

Dā̰ gə̄ kə́ ətōn̄ yá̰a̰ ədan̄ dan dəla loo kə́ Negeb a mānə̄n̄. I gō nang yā wur kɔl kə́ nge rāā kadə̄ deē ndew ndew sōl̄ ō. Ɓɔl kə́ dəngam gə̄ ō, ɓɔl kə́ dəyá̰ gə̄ ō, lī kakə́m gə̄ ō, dā̰ kə́ majaĺ gə̄ kə́ a ḭḭn̄ bɔ̄gə̄ ō, ndin̄ tū tə́. Ngámbang kəla yāsí gə̄ ətōn̄ yá̰a̰ kənge yādə́ gə̄ ō, yá̰a̰ ɓɔ̄ɔ̄ yādə́ kə́ gātə̄də́ i ngá̰ý gə̄ ō, gidə kərō gə̄ tə́ ō, dɔ gɔ́sə́ jámbal gə̄ tə́ ō. I kadə̄ karī gə̄ kə́ tām̄ yā gír de gə̄ kə́ asən̄ rāā yá̰á̰ kógə̄ḿ tām̄ yādə́ tə́.