JAKARI 6:14 - Bibəl ta Sar̄

¹⁴ Jākā mbang ní a to kem kújə yā Kɔ́ɔ̄ɓē tə́, yā kadə̄ əgań kem deē dɔ Helday tə́ ō, Tobia tə́ ō, Yedaya tə́ ō, yā kadə̄ əngeń kem deē dɔ kem majə yā Yosiya kə́ ngōn̄ Sepania tə́ ō.

Bible sar

¹⁴ Jākā mbang ní a to kem *kújə yā Kɔ́ɔ̄ɓē tə́, yā kadə̄ əgań kem deē dɔ Helday tə́ ō, Tobia tə́ ō, Yedaya tə́ ō, yā kadə̄ əngeń kem deē dɔ kem majə yā Yosiya kə́ ngōn̄ Sepania tə́ ō.

JAKARI 6:14 Referans Kwoze

MARK 14:9

Ādə̄ m-ə́dásí najə̄ kə́ bo ngá̰ý, loo malang ń a ənīn̄ mbēr̄ Najə̄ kə́ Majə tū tə́ dɔ nang tə́ laā ní, a ɔrə̄n̄ najə̄ yá̰á̰ ń dəyá̰ ń toō rāā ní ō, kadə̄ əgań kem de gə̄ dɔn tə́.

MATIYE 26:13

Ādə̄ m-ə́dásí najə̄ kə́ bo ngá̰ý: Loo malang ń a ənīn̄ mbēr̄ Najə̄ kə́ Majə ń toō tū tə́ dɔ nang tə́ laā ní, a ənīn̄ gotə yá̰á̰ ń dəyá̰ ń toō rāā ní ō, kadə̄ əgań kem de gə̄ dɔn tə́.

Teē Ngán Israel gə̄ 12:14

Ā ī-rāā i nāā kə́ bo ń toō i kə dɔ ɓāl̄ gə̄ kadə̄ əgań kemsí dɔ yá̰á̰ ń a rāā yā rāā yá̰á̰ tə́ toō, yā rɔȳməń mā Kɔ́ɔ̄ɓē. I ndū najə̄ kə́ a to ngándáńg tām̄ yāsí tə́.

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

JAKARI 6:10

Yá̰a̰ ndējə̄ gə̄ ń de gə̄ kə́ əhɔn̄də́ aw̄n̄ sedə́ dɔ ɓē kə́ rang tə́ dɔ gúú tə́ adə̄n̄ Helday ō, Tobia ō, Yedaya ō, adə̄ reēn̄neé ní, ī-taā jīdə́ tə́. Nin̄-ḭḭn̄ Babilon reē ugə̄n̄ i ngɔr ɓáý. Ɓōólaā nəkɔ́ ń toō ā āw̄ ɓē Yosiya kə́ ngōn̄ Sepania, loo ń nin̄ aw̄n̄ tū tə́ ní tə́.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

JOJUE 4:7

ī-tél ə́daīdə́ na: Dan ń sandúkə madə̄ naā yā Kɔ́ɔ̄ɓē a mān̄ kum bā Jurdḛ tə́ ní, man̄ bā Jurdḛ ń a nūgə́ ní dəba. Bā Jurdḛ gān̄g naā tə́ jōó, adə̄ mbal̄ gə̄ ń toō rɔ̄də́ i yá̰a̰ i yá̰a̰ kəga kem dɔ yá̰á̰ kə́ rāā yá̰á̰ tə́ yā ngán Israel gə̄, kadə̄ əgań kemdə́ dɔ yá̰á̰ kə́ kɔr kum ń rāā yá̰á̰ tə́ ní ngándáńg.

TƏ́DA 31:54

Moijə nin̄ kə Eleajar nge tun̄ yá̰a̰ taān̄ yá̰a̰ gə̄ kə rāān̄də́ kə lɔ́ŕ ń ngol ngé rɔ̄ɔ̄ gə̄ ndējə̄n̄ Kɔ́ɔ̄ɓē ní, ba aw̄ ɓōkə́n̄ kem kújə kəngə naā tə́ ta kum Kɔ́ɔ̄ɓē tə́ kadə̄ əgań kemən dɔ ngán Israel gə̄ tə́.

Teē Ngán Israel gə̄ 28:29

Adə̄ ré Aaro̰ a udə kem loo kə́ táĺ tə́ anī, rī ngán Israel gə̄ a to dɔ nganjən tə́ tū pekətoral gān̄g sarya yā Nə́ɓā tə́. Rī ngán Israel gə̄ ní rāān̄ rɔ̄də́ i yá̰a̰ kəga kem dɔ ngán Israel gə̄ tə́ kə́ a to ngándáńg ta kumḿ mā tə́.

Teē Ngán Israel gə̄ 28:12

A tə́ndān̄ mbal̄ gə̄ ní dɔ kəlā gə̄ ń urə̄n̄ dām̄ jōó dɔ bɔ̄gə̄ epod tə́ ní. Mbal̄ gə̄ ní rāān̄ rɔ̄də́ i yá̰a̰ gə̄ kə́ kadə̄ əgań kem Kɔ́ɔ̄ɓē dɔ ngán Israel gə̄ tə́. Adə̄ rī ngán Israel gə̄ a to dɔ bɔ̄gə̄ Aaro̰ tə́ ta kum Kɔ́ɔ̄ɓē tə́, dɔ ta kūbə̄ kə́ jōó gə̄ ń urə̄n̄ dɔ bɔ̄gə̄ epod tə́ ní.

2 MBAN̄G 25:18

Ngol ngé ngɔ̄m̄ mban̄g gə̄ əhɔ Seraya ngol ngé tun̄ yá̰a̰ gə̄ ō, Sepania nge tun̄ yá̰a̰ kə́ nge ko̰ jōó ō, ngé ngɔ̄m̄ ta róbə́ kújə gə̄ ń nin̄ i deē mətá ní ō.

JAKARI 6:11

Ā ī-taā gində̄ arjā̰a̰ ō, lɔ́r ō yā rāā jākā mbang tə́, ba ā ə́la dɔ Yesua kə́ ngōn̄ Yosadak ń i ngol ngé tun̄ yá̰a̰ gə̄ ní tə́.