JAKARI 6:12 - Bibəl ta Sar̄

¹² Ā ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De kógə̄ḿ i laā, rīn na i Nge ń sɔɔ̄ kadə̄ əɓa ní. Ndi kə kumuú a əɓa loo ń ni i tū tə́ ní tə́ ō, i ni n a tél yā rāā kújə yāḿ gogə́ ní ō.

Bible sar

¹² Ā ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De kógə̄ḿ i laā, rīn na i Nge ń sɔɔ̄ kadə̄ əɓa ní. Ndi kə kumuú a əɓa loo ń ni i tū tə́ ní tə́ ō, i ni n a tél yā rāā *kújə yāḿ gogə́ ní ō.

JAKARI 6:12 Referans Kwoze

JAKARI 3:8

Yesua, ḭ̄ ń i ngol ngé tun̄ yá̰a̰ gə̄ ní, ōō. Ba sḭḭ̄ ngé tun̄ yá̰a̰ gə̄ ń i seneé ní, ōōī ō. Tɔdɔ̄ sḭḭ̄ ngé tun̄ yá̰a̰ gə̄ ń ī-raī laā ní, ɔjə i kadə̄ yá̰á̰ ń sɔɔ̄ kadə̄ reē ní, a reē. Nge kəla yāḿ ń a ɓāŕnən̄ na i Nge ń sɔɔ̄ kadə̄ əɓa ní, m-ā m̄-rāān kadə̄ a reē.

JEREMI 33:15

Kem ndɔ̄ gə̄ ń noō tə́ ní, m-ā m̄-rāā kadə̄ kōō Dabid a teē. I kōōn kə́ rɔ̄kum. Ni a rɔ̄ɔ̄ dɔ yá̰á̰ kə́ súmūú gə̄ tə́ ō, dɔ yá̰á̰ kə́ gōtə́ gə̄ tə́ ō kem ɓēé.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

IJAI 11:1

Ngōn̄ kə́ dəngam kógə̄ḿ a teē dan de gə̄ kə́ kem kojə yā Jese tə́, tītə̄ ta jī kāgə̄ kə́ dūú kə́ əɓa kadə ɓōdə̄ kāgə̄ kə́ tɔgə kɔ̄ɔ́ tə́ beē. Ta jī kāgə̄ kə́ əɓa dɔ ngəran gə̄ tə́.

IJAI 4:2

Ndɔ̄ kógə̄ḿ tə́ Kɔ́ɔ̄ɓē a rāā kadə̄ yá̰á̰ kógə̄ḿ kə́ majə ngá̰ý ō, kə́ to kɔsə gɔn ngá̰ý ō, əɓa kem ɓēé. De kə́ Israel tə́ gə̄ ń a teēn̄ ta yo tə́ ní, a əndan̄ kadədə́ ō, de gə̄ a rɔȳn̄də́ ō, najə̄ yá̰á̰ ń a teē kem ɓēé tə́ ní.

IJAI 53:2

Nge kəla tɔgə ta kum Kɔ́ɔ̄ɓē tə́ tītə̄ ngōn̄ kāgə̄ kə́ dūú beē, tītə̄ ngəra yá̰á̰ kə́ teē loo kə́ mángá tə́ beē. Majə deē ō rī ɓār̄ ō ń kum de gə̄ i dɔ tə́ ngá̰ý ní, ni aw̄ń alé, yá̰á̰ kə́ ta kumən tə́ kə́ nel̄jí gətóo.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

HEBƏRO 8:3

Ngol ngé tun̄ yá̰a̰ gə̄ ní, əndān̄də́ i kadə̄ nin̄-adə̄n̄ Nə́ɓā yá̰a̰ ndējə̄ gə̄ ō, dā̰ kə́ tɔ̄l̄ ba tun̄ gə̄ ō. Loo ń noō tə́ ní i gáŕ kadə̄ Jeju ənge yá̰á̰ kə́ yā ndējə̄ ō.

HEBƏRO 7:24

Banī Jeju ń ndi ngándáńg ní, adə̄ kəla nge tun̄ yá̰a̰ yān ní a adə̄n̄ de kə́ rang alé.

HEBƏRO 7:4

Á̰a̰ī kadə̄ Melkisedek i de kə́ bo. Kaají Abəraham gə̄gē, yá̰a̰ malang ń ni-əhɔ ta rɔ̄ɔ̄ tə́ ní, ɔr̄ kə́ nge ko̰ kutə adə̄n.

1 KORḚNTƏ 3:9

Tām̄ jḭḭ̄ i madə̄ kəla naā gə̄ tū kəla yā Nə́ɓā tə́, ba sḭḭ̄ i ndɔr̄ yā Nə́ɓā ō. Sḭḭ̄ i kújə́ kə́ Nə́ɓā əndā ō.

KƏLA RĀĀ 13:38

Ngákó̰ó̰ḿ gə̄, majə kadə̄ ī-gerī na mā̰ȳ rɔ̄ kə́ dɔ yá̰á̰ kə́ majaĺ gə̄ tə́ ní ədan̄sí najə̄n i kə ta kūl̄ Jejuú. Tá yá̰á̰ kə́ majaĺ gə̄ malang ń ī-rāāī á ndū najə̄ yā Moijə asə kɔr̄sí kɔ̄ɔ́ kum tə́ aĺ ní, náā nəkɔ́ ń taā kem ní kɔ́ɔ̄ teē kum tə́ kɔ̄ɔ́ kə ta kūl̄ Jeju.

JA̰A̰ 1:45

Pilipə ənge Natanayel anī ədan na: J-ənge nge ń ɔrə̄n̄ najə̄ yān kem makətūbə̄ ndū najə̄ yā Moijə tə́ ō, kem makətūbə̄ yā ngé koō ta gə̄ tə́ ō ní: I Jeju ngōn̄ Jəjep kə́ Najaret.

Najə̄ kə́ Majə yā Jeju ń Luk ndang ní 1:78

Tɔdɔ̄ kum Nə́ɓā yājí o̰o̰n ngá̰ý ō, kemən majə ngá̰ý ō. Ni a rāā kadə̄ loo kə́ unjə̄ kow kógə̄ḿ ḭḭ dɔ rā̰ tə́ unjə̄ dɔjí tə́ kow tītə̄ mbang kə́ əɓa gír ɓē tə́ beé.

MARK 15:39

Dan ń ngol áskar gə̄ ń ra non tə́ ní a̰ā̰ kadə̄ əhɔ tan kə̄ naā tə́ i tītə̄ ń noō anī, əda na: Deē ń toō i Ngōn̄ Nə́ɓā rɔ̄kum!

MARK 15:29

Ngé mān̄ róbə gə̄ ɔrə̄n̄ najə̄ kə́ to ngonjə̄ gə̄ dɔn tə́ ō, tə́gān̄ dɔdə́ nek nek ō, ba ədan̄ na: Ḭ̄ ń ī-sāā tɔ̄ɔ̄ kújə́ yā Kɔ́ɔ̄ɓē kɔ̄ɔ́ ba tél rāā rang kem ndɔ̄ mətá ní,

MARK 14:58

Jḭḭ j-oō kadə̄ əda na kújə yā Kɔ́ɔ̄ɓē ń toō ń de gə̄ rāān̄ kə jīdə́ ní, n-a n-tɔ̄ɔ̄ kɔ̄ɔ́ ba kem ndɔ̄ mətá anī, n-a n-rāā kə́ rang kə́ deē rāā kə jīneé alé.

MATIYE 26:61

ədan̄ na: Deē ń toō əda na n-asə tɔ̄ɔ̄ kújə yā Nə́ɓā, ba tél kəndā gogə́ kem ndɔ̄ mətá beē.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

JAKARI 8:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə́hɔī rɔ̄sí tɔgə! Ādə̄ əga kemsí dɔ najə̄ gə̄ ń ngé koō ta yāḿ gə̄ ədan̄sí ní tə́, dan ń əndānń ngəra kújə yāḿ yā tél rāā gogə́ rang ní.

MISE 5:5

Nin̄ a taān̄ dɔ nang kə́ Asiri ń i dɔ nang yā Nemrod ní, kə ta kūl̄ yá̰a̰ rɔ̄ɔ̄ yādə́ gēé ō, a ndin̄ dɔ tə́ ō. Ngār ń ənīn̄ ndūdə́ najə̄ yān tə́ ní, a taājí jī Asiri gə̄ tə́ yā kəya̰jí dɔɔ́, loo ń nin̄ a mānə̄n̄ dɔ nin̄ dɔ nang yājí gə̄ ō, a udən̄ dɔ nang yājí tə́ ō ní.

ESDRAS 3:10

Dan ń ngé kəndā kújə gə̄ ra a əndān̄ ngəra kújə yā Kɔ́ɔ̄ɓē anī, adə̄n̄ ngé tun̄ yá̰a̰ gə̄ ndɔ́tə̄n̄ kə̄ kété kə kūbə̄ gēé rɔ̄də́ tə́ ō, kə bərúnjə yādə́ gēé ō, adə̄n̄ ngán Lebi gə̄ kə́ ngán kaa Asap gə̄ ndɔ́tə̄n̄ kə̄ kété kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yā ɓōkə́nń Kɔ́ɔ̄ɓē tɔ̄ȳ kə gō ń Dabid mban̄g kə́ Israel tə́ ɔjəń ní.

ESDRAS 3:8

Kem nāā kə́ nge ko̰ jōó tə́ yā ɓāl̄ ń utə̄ gō nge ń nin̄ ugə̄n̄neé Jerusalem, ɓē ń kújə yā Nə́ɓā i kemeé tə́ ní anī, Jorobabel ngōn̄ Sealtiel ō, Yesua ngōn̄ Yosadak ō gá̰á̰ ngákó̰ó̰də́ gə̄ kə́ ngé tun̄ yá̰a̰ gə̄ ō, ngán Lebi gə̄ ō, de gə̄ malang ń ɔyn̄də́ aw̄n̄ sedə́ ɓəlo tə́ tá tél reēn̄ gogə́ Jerusalem ní ō, udən̄ kə̄ rɔ̄ kəla tə́ rāān naā tə́. Nin̄ tə́ndān̄ ngán Lebi gə̄ kə́ ɓāl̄də́ i kutə jōó gə̄ ō, ngé kə́ ɓāl̄də́ ḭḭ dɔ kutə jōó tə́ ta kaw̄ kə̄ dɔɔ́ gə̄ ō, kadə̄ unən̄ dɔ kəla kújə yā Kɔ́ɔ̄ɓē.

HEBƏRO 10:12

Ba Kərist ni ndējə̄ yá̰a̰ tun̄ kə́ tām̄ yā majaĺ tə́ i nja kógə̄ḿ beē. Gō tə́ anī ni-ndi dɔ jī ko̰ Nə́ɓā tə́ ngándáńg.

JA̰A̰ 19:5

Loo ń noō tə́ Jeju teē ndágá kə jākā kōn̄ gēé dɔn tə́ ō, kə kūbə̄ kə́ kərē ning rɔ̄n tə́ ō. Anī Pilatə ədadə́ na: Á̰a̰ī deē ngeé.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

2 SAMUEL 7:13

I ni n a rāā kújə yāḿ ní, ba mā m-ā m̄-rāā kadə̄ kōr̄ kāgə̄ yān a ndi ngan̄g ngándáńg.

EJEKIEL 41:1

Gō tə́ anī, deē ní aw̄ seḿ kem kújə́ kə́ bo kə́ tū kújə yā Kɔ́ɔ̄ɓē tə́. Ndogə̄ mbal̄ gə̄ kə́ kadə róbə́ ń deē a aw̄ń kə̄ tū tə́ tə́ ní, nder̄də́ i kíl deē mehḛ́.