JAKARI 6:11 - Bibəl ta Sar̄

¹¹ Ā ī-taā gində̄ arjā̰a̰ ō, lɔ́r ō yā rāā jākā mbang tə́, ba ā ə́la dɔ Yesua kə́ ngōn̄ Yosadak ń i ngol ngé tun̄ yá̰a̰ gə̄ ní tə́.

Bible sar

¹¹ Ā ī-taā gində̄ arjā̰a̰ ō, lɔ́r ō yā rāā *jākā mbang tə́, ba ā ə́la dɔ Yesua kə́ ngōn̄ Yosadak ń i ngol *ngé tun̄ yá̰a̰ gə̄ ní tə́.

JAKARI 6:11 Referans Kwoze

JAKARI 3:1

Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

PĀ GƏ̄ 21:3

Ḭ̄ ādə̄n yá̰á̰ ń kemən gḛy ní, ḭ̄ ɔ̄gən yá̰á̰ ń dəjeī ní alé.

PĀ KƏ́ MAJƏ 3:11

Ngáń kə́ dəyá̰ kə́ Siyo̰ gə̄, ī-teē á̰a̰ī mban̄g Salomo̰! Ni-əla jākā mbang dɔn tə́. I jākā ń kó̰o̰n adə̄n ndɔ̄ ń ni-taāń dəyá̰ tə́ ní, ndɔ̄ ń rɔ̄n nelə̄nneé tə́ ní.

JEJU TEĒ KUM JA̰A̰ 19:12

Kumən to tītə̄ ta ndo̰ hor ō, yá̰á̰ súū rɔ̄ gə̄ i ngá̰ý dɔn tə́ ō. Ndangən̄ rī kógə̄ḿ dɔn tə́. Ba deē kógə̄ḿ kə́ ger̄ rī ní gətóo ō, banī i nəkɔ́ tá ngóy.

JAKARI 3:5

Ni-əda kadə̄ əndan̄ dɔ Yesua kə ta kūbə̄ kə́ unjūú ō. Adə̄ əndan̄ dɔn kə ta kūbūú ō, tə́lan̄ kūbə̄ kə́ unjə̄ gə̄ rɔ̄n tə́ ō, kə̄ ta kum de kə́ dɔ rā̰ tə́ noō.

Makətūbə̄ yā Aje 1:1

Kem ɓāl̄ ko̰o̰ ɓē kə́ nge ko̰o̰ jōó yā Darius, mban̄g kə́ Persə tə́ ní, kem nāā kə́ nge ko̰ mehḛ́ tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ kə Aje nge koō ta. Ni dəjen kadə̄ ɔr̄ najə̄ kə Jorobabel nge ko̰o̰ ɓē kə́ Juda ń i ngōn̄ Saltiel ní, kə adə̄n ō, kə ɔr̄ najə̄ kə Yesua ngol ngé tun̄ yá̰a̰ gə̄ ń i ngōn̄ Yosadak ní, kə adə̄n ō.

LEBI GƏ̄ 8:9

Ənda dɔn kə kūbə̄ kənda dɔɔ́ ō, əla yá̰á̰ súū rɔ̄ kə́ to tītə̄ hútə̄ kāgə̄ kə́ rāā kə lɔ́rɔ́ no kūbə̄ ní tə́ ō, tītə̄ ń Kɔ́ɔ̄ɓē ədanəń kadə̄ rāā ní.

Teē Ngán Israel gə̄ 39:30

Gō tə́ anī rāān̄ yá̰á̰ súū rɔ̄ ń ɔjə kadə̄ Aaro̰ i de kə́ ɔrə̄n̄ kamə̄n tayā ní kə lɔ́ŕ kə́ unjə̄ njáý njáý, adə̄ to tītə̄ hútə̄ kāgə̄ beé. Ndangən̄ najə̄ ń na i kə́ kɔr̄ kam̄ tām̄ yā Kɔ́ɔ̄ɓē tə́ ní dɔ tə́, tītə̄ loo ndang rī deē tū tambō̰o̰ tə́ beē.

HEBƏRO 2:9

Banī j-a̰a̰ī kadə̄ télən̄ kə Jeju kə̄ nang tə́, adə̄ de kə́ dɔ rā̰ tə́ gə̄ tɔȳnən̄ sḛ́ý. I yā kadə̄ kə ta kūl̄ rajə ń Nə́ɓā rajə de gə̄ ní, ni-oy tām̄ yā de gə̄ tə́ malang. Ba ngɔlaā j-a̰a̰ī kadə̄ əlan̄ jākā kɔsə gɔn ō, jākā rɔȳ ō dɔn tə́, najə̄ koyn ń ni-a̰a̰ tápə̄ bátə́ loon tə́ ní.

Makətūbə̄ yā Aje 1:14

Loo ń noō tə́ Kɔ́ɔ̄ɓē ndól̄ kəhɔ rɔ̄ tɔgə yā Jorobabel nge ko̰o̰ ɓē kə́ Juda ń i ngōn̄ Saltiel ní ō, ndól̄ kəhɔ rɔ̄ tɔgə yā Yesua ngol ngé tun̄ yá̰a̰ gə̄ ń i ngōn̄ Yosadak ní ō, ndól̄ kəhɔ rɔ̄ tɔgə yā de gə̄ malang ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ á tél reēn̄ gogə́ ɓēé ní ō, adə̄ reē rāān̄ kújə́ kə́ bo yā Nə́ɓā yādə́ ń i Kɔ́ɔ̄ɓē kə́ bo kə́ tɔ́gən i ngá̰ý ní gogə́,

Makətūbə̄ yā Aje 2:4

I tām̄ najə̄ ń noō tə́ n Kɔ́ɔ̄ɓē ədasí najə̄ ń toō wáńg ní: Ḭ̄ Jorobabel, ə́hɔ rɔ̄í tɔgə! Yesua kə́ ngōn̄ Yosadak, ḭ̄ ń i ngol ngé tun̄ yá̰a̰ gə̄ ní, ə́hɔ rɔ̄í tɔgə! Sḭḭ̄ de kə́ kem ɓēé gə̄ malang, ə́hɔī rɔ̄sí tɔgə! Údiī kə̄ rɔ̄ kəla tə́ ī-rāāī na ni i sesí naā tə́. I Kɔ́ɔ̄ɓē kə́ bo kə́ tɔ́gən i ngá̰ý n ədasí najə̄ ń noō ní.

ESDRAS 3:2

Yesua nge tun̄ yá̰á̰ kə́ ngōn̄ Yosadak nin̄ kə ngákó̰o̰n kə́ ngé tun̄ yá̰a̰ gə̄ ō, Jorobabel ngōn̄ Sealtiel nin̄ kə ngéén gēé ō, ḭḭn̄ dɔɔ́ rāān̄ loo tun̄ yá̰a̰ yā Nə́ɓā yā Israel, yā ndējəń yá̰a̰ tun̄ gə̄ kə́ yā róō horoó gə̄ tītə̄ ń ndū najə̄ yā Moijə deē yā Nə́ɓā ədań ní.

Teē Ngán Israel gə̄ 29:6

Ā ə́nda dɔn kə kūbə̄ kənda dɔɔ́ ō, ā ə́lá yá̰á̰ súū rɔ̄ ń ɔjə kadə̄ Aaro̰ i de kə́ ɔrə̄n̄ kamə̄n tayā ní tū kūbə̄ kənda dɔ ní tə́ ō.

JEJU TEĒ KUM JA̰A̰ 6:2

Anī m-á̰á̰ sə́ndá kə́ ndaa. Ba deē ń ndi gidən tə́ ní, əhɔ ga̰ gərā jīn tə́. Adə̄n̄ deē ní jākā mbang kógə̄ḿ. Ba ni-aw̄ i kə́ nge tetə rɔ̄ɔ̄ tə́, yā kaw̄ tetə rɔ̄ɔ̄.

2 SAMUEL 12:30

Ni-ɔr̄ jākā mbang yā mban̄g yādə́ dɔn tə́ kɔ̄ɔ́, kɔȳ jākā ní tɔȳ kəlōo kutə mətá. Mbal̄ gə̄ kə́ gātə̄də́ i ngá̰ý gə̄ i tū tə́. Ɔrə̄n̄ əndān̄ dɔ Dabid tə́. Yá̰a̰ kənge gə̄ ń Dabid ɔy kem ɓēé aw̄ń ní i ngá̰ý.

ESDRAS 10:18

Dan ngé tun̄ yá̰a̰ gə̄ tə́ ní ngé táā dəyá̰ tə̄rā gə̄ n toó: De gə̄ kə́ dan ngán Yesua kə́ ngōn̄ Yosadak tə́ kə ngákó̰ó̰də́ gēé i Maseya ō, Eliejer ō, Yarib ō, Gedalia ō.

JAKARI 6:14

Jākā mbang ní a to kem kújə yā Kɔ́ɔ̄ɓē tə́, yā kadə̄ əgań kem deē dɔ Helday tə́ ō, Tobia tə́ ō, Yedaya tə́ ō, yā kadə̄ əngeń kem deē dɔ kem majə yā Yosiya kə́ ngōn̄ Sepania tə́ ō.