JAKARI 6:1 - Bibəl ta Sar̄

¹ M-ún kumḿ kə̄ dɔɔ́ ɓáý to̰, anī m-á̰á̰ púsə rɔ̄ɔ̄ gə̄ sɔ́. Púsə rɔ̄ɔ̄ gə̄ ní njə̄rān̄ kumdə́ kə̄ kété, ba i dɔ dán mbal̄ bo gə̄ jōó tə́. Rāān̄ mbal̄ bo gə̄ ní i kə gində̄ nə̄ngá kasaá.

Bible sar

¹ M-ún kumḿ kə̄ dɔɔ́ ɓáý to̰, anī m-á̰á̰ púsə rɔ̄ɔ̄ gə̄ sɔ́. Púsə rɔ̄ɔ̄ gə̄ ní njə̄rān̄ kumdə́ kə̄ kété, ba i dɔ dán mbal̄ bo gə̄ jōó tə́. Rāān̄ mbal̄ bo gə̄ ní i kə gində̄ nə̄ngá kasaá.

JAKARI 6:1 Referans Kwoze

DANIEL 8:22

Dan ń gajən tetə ní, kə́ rang kə́ sɔ́ gə̄ ń əɓan̄ gotoó ní, i ɓē ko̰o̰ kə́ sɔ́ gə̄ kə́ a ton̄ gotə nge kə́ kété tə́, banī tɔ́gə́də́ a to tītə̄ yā nge kə́ kété alé.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.

KƏLA RĀĀ 4:28

Nin̄-rāān̄ yá̰a̰ malang ń īkɔ́ ɔ́jə loon kété kə gō tɔ́gə yāí ō, kə gō kem ndigə yāí ō ní.

JAKARI 6:5

Anī ni-tél ədam̄ na: I nél kə́ sɔ́ gə̄ kə́ dɔ rā̰ tə́. Kété ní, nin̄ i kadə Kɔ́ɔ̄ɓē ń i kɔ́ɔ̄ dɔ nang kə taá malang ní tə́ ō, ngɔlaā ɓáa nin̄ a aw̄n̄ i mbée ō.

JAKARI 5:1

M-ún kumḿ kə̄ dɔɔ́ ɓáý to̰ anī, m-á̰a̰ makətūbə̄ kə́ to tītə̄ ndāŕ kə́ ɓír̄ gidə naā tə́, kə́ nél un a dáyń ɓōdə̄ loo tə́.

DANIEL 4:15

Nī ń rāām̄ mā mban̄g Nabukodonosor ní n noó. Ba ḭ̄ Beltasar, yāí i kadə̄ ɔ́jəm̄ kum. Tɔdɔ̄ ngé kum kedə̄ gə̄ malang kə́ kem ɓē ko̰o̰ yāḿ tə́ asəm̄ kɔjəm̄ kum alé. Banī ḭ̄ ásə, tām̄ ndíĺ nə́ɓā kə́ táĺ gə̄ i kemií tə́.

IJAI 43:13

A̰á̰ā̰, mā i ni ta kəla gíŕ tə́ nú ō, de kə́ asə taā deē jīḿ tə́ gətóo ō. Dan ń m̄-rāā yá̰á̰ kógə̄ḿ anī, de kə́ asə tūr̄ yá̰á̰ ní gətóo.

Gōsə̄ najə̄ gə̄ 21:30

Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.

PĀ GƏ̄ 36:6

Kɔ́ɔ̄ɓē, kem majə yāí asə naā kə dɔ rā̰á̰ ō, ra dɔ ndūí tə́ yāí aw̄ bátə́ ənge kil̄ man̄ gə̄ dɔɔ́ ō.

PĀ GƏ̄ 33:11

Banī yá̰á̰ ń Kɔ́ɔ̄ɓē gír̄ rāā ní a to ngándáńg. Yá̰á̰ ń ni gír̄ kemən tə́ yā rāā ní a to i kə dɔ ɓāl̄ gə̄, kə dɔ ɓāl̄ gə̄.

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.

1 SAMUEL 2:8

I ni n i nge kun nge tɔ́gə gətóó ń teē əsō ní dɔɔ́ ō, i nge kun nge rɔ̄ tō ndoō kɔ̄ɔ́ dɔ bū loo tə́ ō ba kadə̄də́ loo kə́ to ngol dan ngār gə̄ tə́ kadə̄ ndin̄neé ní. Dɔ nang malang i yā Kɔ́ɔ̄ɓē. I ni n i nge kəndā dɔ nang dɔ birə̄n tə́ ní.

EPEJƏ 3:11

Yá̰á̰ ń Nə́ɓā rāā ngɔlaā kə ta kūl̄ Kɔ́ɔ̄ɓē yājí Jeju Kərist ní, ni-núm̄ i jóó ngá̰ý no yá̰a̰ gə̄ tə́ malang.

2 MBAN̄G 6:17

Gō tə́ anī Elije ndɔ̄ȳ Nə́ɓā, əda na: Ɓɔ́, Kɔ́ɔ̄ɓē, ī-teē kumən ādə̄ a̰a̰ loo! Kɔ́ɔ̄ɓē teē kum nge kəla yā Elije. Anī ni-a̰a̰ sə́nda gə̄ ō, púsə hor gə̄ ō, gīrə̄n̄ gidə Elije, taān̄ loo dɔ mbalá malang.

IJAI 66:15

Tām̄ á̰a̰ī Kɔ́ɔ̄ɓē n toó: Ni a reē i kum hor tə́, púsə rɔ̄ɔ̄ yān gə̄ ton̄ tītə̄ nél man̄ kə́ əla kə ngangá ngá̰ý beē. Ni-reē i kɔjə wōn̄g yān kə́ to ɓōĺ ngá̰ý tə́ ō, i kəla ɓōló kem de gə̄ tə́ tə́ kə ta ndo̰ hor gēé ō.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.