JAKARI 5:3 - Bibəl ta Sar̄

³ Anī de kə́ dɔ rā̰ tə́ ní, ədam̄ na i ndɔ̄ĺ ń a rāān̄ yā ndɔ̄ĺ ɓē kə taá malang ní n ndangən̄ najə̄n ní. Gidə ndāŕ kə́ dām̄ kógə̄ḿ tə́ ɓáa ndangən̄ tū tə́ na: A tə̄ɓān̄ ngé ɓogə gə̄ malang kɔ̄ɔ́ kem ɓēé. Dāmə̄n kə́rēý tə́ anī ndangən̄ tū tə́ na: De gə̄ malang ń túbən̄ dɔ láḿ tə́ ní, a tə̄ɓān̄də́ kɔ̄ɔ́ kem ɓēé ō.

Bible sar

³ Anī *de kə́ dɔ rā̰ tə́ ní, ədam̄ na i ndɔ̄ĺ ń a rāān̄ yā ndɔ̄ĺ ɓē kə taá malang ní n ndangən̄ najə̄n ní. Gidə ndāŕ kə́ dām̄ kógə̄ḿ tə́ ɓáa ndangən̄ tū tə́ na: A tə̄ɓān̄ ngé ɓogə gə̄ malang kɔ̄ɔ́ kem ɓēé. Dāmə̄n kə́rēý tə́ anī ndangən̄ tū tə́ na: De gə̄ malang ń túbən̄ dɔ láḿ tə́ ní, a tə̄ɓān̄də́ kɔ̄ɔ́ kem ɓēé ō.

JAKARI 5:3 Referans Kwoze

Teē Ngán Israel gə̄ 20:15

Ā ī-ɓogə alé.

IJAI 48:1

Kojə yā Jakob gə̄, sḭḭ̄ ń rī Israel ɓār̄ dɔsí tə́ ō, i Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.

IJAI 43:28

Loo ń noō tə́ m̄-mbə́rē ngār gə̄ kə́ kem loo kə́ táĺ tə́ m̄-tə́nīdə́ kɔ̄ɔ́, m-ə́yá̰ gír de gə̄ yā Jakob adə̄ nujən̄ sedə́ kɔ̄ɔ́, m-ə́yá̰ Israel jī madə̄ ba̰ā̰n gə̄ kə́ ngé tájə̄n tə́.

IJAI 24:6

I tām̄ najə̄ ń toō n ndɔ̄ĺ yā Nə́ɓā əsa dɔ nang kɔ̄ɔ́ ō, de kə́ tū tə́ gə̄ əngen̄ ndéy ō ní. Nin̄ oyn̄ ō, gotədə́ na̰y i sḛ́ý beē ō.

JAKƏ 5:12

Tá, ngákó̰ó̰ḿ gə̄, ī-túbī kə dɔ rā̰á̰ aĺ ō kə dɔ nangaá aĺ ō, kə yá̰á̰ kə́ rangaá aĺ ō. Ādə̄ najə̄ yāsí, ré i a̰á̰ā̰ ɓáa, i a̰á̰ā̰ ō, ré i a̰ á̰ ɓáa, i a̰ á̰ ō, yā kadə̄ sarya yā Nə́ɓā əsōń dɔsí tə́ alé.

JAKARI 5:4

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: M-ə̄nī ndɔ̄ĺ ń noō i yā kadə̄ udə kem kújə yā ngé ɓogə gə̄ tə́ ō, kadə̄ udə ɓē de gə̄ malang ń unən̄ rīḿ a túbənə̄ń dɔ láḿ tə́ ní ō. Ndɔ̄ĺ ní a ndi noó ō, a nujə yá̰a̰ malang kɔ̄ɔ́ ō. A nujə sáā kāgə̄ gə̄ gə̄gē, mbal̄ gə̄ gə̄gē, kɔ̄ɔ́.

JEREMI 26:6

yá̰á̰ ń m̄-rāā kə Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

JEREMI 5:2

Ədan̄ kə̄ nja naā tə́ na tītə̄ ń Kɔ́ɔ̄ɓē ndiń kə kumneé noō. Banī túbən̄ i túbə̄ kə́ rɔ̄kum alé.

LEBI GƏ̄ 19:12

Úniī rīḿ ī-túbiīń dɔ sor̄ tə́ alé, na sōgə́ ī-nujiī rāā Nə́ɓā yāsí. Mā i Kɔ́ɔ̄ɓē.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

JAKƏ 5:4

Á̰a̰ī, ngé kəla gə̄ əjan̄ kōō kə́ kem ndɔr̄ yāsí gə̄ tə́, banī sḭḭ̄ ɔ̄gīdə́ nar tətōdə́, adə̄ nar ní əga kɔŕ! Ba nōō rɔ̄ yā ngé kəja kōō gə̄ ní əsō mbī Kɔ́ɔ̄ɓē kə́ bo kə́ tɔ́gən i ngá̰ý tə́.

1 TIMOTE 1:9

Yá̰á̰ ń kadə̄ jə-gerī majə ní n toó: Ngé gə̄ ń əndān̄ ndū najə̄ tām̄ yādə́ tə́ ní, i de kə́ súmūú gə̄ alé, ba i de kə́ ngé rāā yá̰á̰ kə́ gō tə́ aĺ gə̄ ō, ngé dum̄ naā gə̄ ō, ngé mbātə́ rāā yá̰a̰ kə gō yā Nə́ɓāá ō, ngé rāā majaĺ gə̄ ō, ngé nujə yá̰á̰ kə́ kɔr̄ kam̄ gə̄, aláa rāā yá̰á̰ kə́ kɔr̄ kam̄ gə̄ yá̰á̰ kə́ karī tə́ ō, ngé tɔ̄l̄ bɔbə̄də́ kə kó̰ó̰də́ gə̄ ō, ngé tɔ̄l̄ de gə̄ ō,

EPEJƏ 4:28

Kadə̄ de kə́ ɓogə kété ɓogə to̰ alé, ba rāā kəla kə́ majə kə jīneé, yā kadə̄ ni-əngeń yá̰á̰ kə́ yā kadə̄ ngé gə̄ ń ndoō rāādə́ ní.

Najə̄ kə́ Majə yā Jeju ń Luk ndang ní 21:35

tītə̄ réng beé. Tɔdɔ̄ ndɔ̄ ní a əsō dɔ de gə̄ malang ń ndin̄ dɔ nang tə́ ní.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JAKARI 8:17

Kɔ́ɔ̄ɓē ɔr̄ najə̄, əda na: Ī-lōōī gír̄ rāā yá̰á̰ kə́ majaĺ kə naá. Ī-mbātíī túbə̄ dɔ lám̄ tə́. Yá̰a̰ rāā kə́ majaĺ gə̄ malang ń noō ní, nelə̄m̄ aĺ ngá̰ý. I mā Kɔ́ɔ̄ɓē n m-ə́da najə̄ ń noō ní.

OJEE 4:2

Nin̄ ndɔ̄lə́n̄ loo kə̄ loo gə̄ tə́ ō, sorə̄n̄ ō, tɔ̄lə̄n̄ de gə̄ ō, əhɔn̄ de gə̄ dɔ gúú tə́ aw̄n̄ sedə́ kɔ̄ɔ́ ō. Nin̄ rāān̄ rāȳ ō, rāān̄ yá̰a̰ i kə tɔ́gə́də́ ō, kəla rāādə́ i tɔ̄l̄ de gə̄ ō.

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

JEREMI 23:10

De gə̄ malang kə́ kem ɓēé rāān̄ rāȳ, adə̄ ɓē nujə ō, ndɔ̄ĺ i dɔ tə́ ō. Yá̰a̰ tutə malang loo ń yá̰a̰ kul̄ gə̄ a o̰o̰n̄ tū tə́ ní. O̰o̰ de gə̄ i ta rāā yá̰á̰ kə́ majaĺ ō, əhɔn̄ rɔ̄də́ tɔgə i ta nujə loo ō ngóy.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

Gōsə̄ najə̄ gə̄ 30:9

na sōgə́ m-ə́ngé yá̰á̰ ngá̰ý al̄ naā anī m̄-nējə̄ ndūḿ m-ə́da na ké Kɔ́ɔ̄ɓē i náā wa. Aláa m̄-ndoō ngá̰ý al̄ naā anī m̄-ɓogə adə̄ m-ə́la rɔ̄sɔl̄ dɔ Nə́ɓā yāḿ tə́.

Gōsə̄ najə̄ gə̄ 29:24

Nge kəsa kə nge ɓogoó i nge kim̄ rɔ̄n, ni oō rāā ń rāānənn̄ ɓɔ́ kadə̄ teē kə gír nge ɓogoó dɔɔ́ ní, ba mbātə́.

Gōsə̄ najə̄ gə̄ 3:33

Ndɔ̄ĺ yā Kɔ́ɔ̄ɓē i dɔ kújə yā nge kem ndul tə́, banī ni-rāā majə kə loo ndi de kə́ súmūú gēé.

LEBI GƏ̄ 19:11

Ī-lōōī ɓogə ngáń nge ɓē madə̄sí gə̄ ō, sor̄də́ ō, góĺ ta kumdə́ ō.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

JOJUE 9:20

J-a j-əya̰īdə́ kadə̄ ndin̄ kə kumdə́ sɔɔ̄ń túbú ń jə-túbə j-adə̄də́ ní, ré i beé aĺ anī, j-a j-ɔr wōn̄g yā Kɔ́ɔ̄ɓē yā reēń dɔjí tə́. Ba yá̰á̰ ń j-a jə-rāāī sedə́ ni n toó:

EJEKIEL 2:9

Loo ń noō tə́ m-á̰a̰ jī deē kógə̄ḿ kə́ kəla kum kə̄ rɔ̄ḿ tə́ ō, jī deē ní əhɔ ndāŕ ndang najə̄ kógə̄ḿ kə́ ɓír̄ gidə naā tə́ ō.