JAKARI 4:9 - Bibəl ta Sar̄

⁹ Jorobabel əndā ngəra kújə yā Kɔ́ɔ̄ɓē ō, i ni n a tɔ̄l̄ ta ō ní. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ kə̄ rɔ̄sí tə́ ní.

Bible sar

⁹ Jorobabel əndā ngəra kújə yā Kɔ́ɔ̄ɓē ō, i ni n a tɔ̄l̄ ta ō ní. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ kə̄ rɔ̄sí tə́ ní.

JAKARI 4:9 Referans Kwoze

ESDRAS 5:16

Adə̄ Sesəbasar ngeé ń toō na reē əndā ngəra kújə yā Nə́ɓā Jerusalem. Na əla gír kum mbang ngeé ń noō tə́ bátə́ ngɔlaā ní, na a rāān̄ kújə ní noō, banī na tɔ̄lə̄n ta aĺ ɓáý.

JAKARI 6:15

Ngé gə̄ ń nin̄ i sa̰y ní, a reēn̄ yā tél rāā kújə yā Kɔ́ɔ̄ɓē gogə́ rang. Loo ń noō tə́ ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý rɔ̄kum n əlam̄ kə̄ rɔ̄sí tə́ ní. Yá̰á̰ ń noō a rāā yá̰a̰ dan ń ōōī ta Kɔ́ɔ̄ɓē Nə́ɓā yāsí rɔ̄kum ní.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

JA̰A̰ 17:21

Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

JA̰A̰ 3:17

Tɔdɔ̄ Nə́ɓā əla kə Ngōn̄neé dɔ nang tə́ i yā gān̄g sarya dɔ de kə́ dɔ nang tə́ gə̄ tə́ alé, banī i yā kadə̄ de kə́ dɔ nang tə́ gə̄ ajən̄ kə ta kūl̄neé.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

IJAI 48:16

Ī-ndɔ́tī kə̄ rɔ̄ḿ tə́ ba ōōī: M-ə́lá gír kɔr̄ najə̄ loo mundə̄ tə́ aĺ i ta kəla gíŕ tə́ nú. Dan ń yá̰a̰ gə̄ ń toō rāān̄ yá̰á̰ ní, mā i noó. Ba ngɔlaā ní, Kɔ́ɔ̄ɓē Nə́ɓā əlam̄ ō, ni-adə̄m̄ Ndílən ō.

Makətūbə̄ yā Aje 2:18

I beé ní, yá̰á̰ ń a rāā yá̰á̰ ní, əla gír ɓōólaā ō, ndɔ̄ kə́ rang tə́ ō ní, ī-gírī yá̰a̰ dɔ tə́! I ndɔ̄ kə́ nge ko̰ kutə jōó gidə i sɔ́ yā nāā kə́ nge ko̰ ndōhó n toó ō, əndān̄ ngəra kújə́ yā Kɔ́ɔ̄ɓē i ɓōólaā ō ní, ī-lōōī kadə̄ dɔsí ndígə̄nal.

JAKARI 1:16

I tām̄ najə̄ ń toō tə́ n m-ə́da najə̄ ń toō ní, mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní. M-ā m̄-tūr̄ rɔ̄ḿ kə̄ rɔ̄ Jerusalem tə́ ɓáý to̰ kə kem kə́ majaá. Loo ń noō tə́ a télən̄ yā rāā kújə́ kə́ bo yāḿ gogə́ rang ō, a télən̄ yā rāā ɓē gogə́ rang ō.

JAKARI 4:8

Kɔ́ɔ̄ɓē əndā najə̄ kə́ rang ń toō taḿ tə́, əda na:

JAKARI 2:13

A̰á̰ā̰, m-ā m̄-rāā yá̰á̰ kógə̄ḿ kə gotə gír de kə́ rang gēé. Loo ń noō tə́ ngé gə̄ ń kété nin̄ i ɓəlo yādə́ gə̄ ní, ta i dɔdə́ tə́ kadə̄ ɔyn̄ yá̰a̰ yādə́ gə̄ dɔ gúú tə́. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ ní.