JAKARI 4:2 - Bibəl ta Sar̄

² Ni dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i kāgə̄ ɗəra hor kə́ rāān̄ kə lɔ́rɔ́, ba jóo yibə̄ i ta tə́. Lámba gə̄ i sīrí ta kāgə̄ hor ní tə́ ō, ta ndo̰ hor gə̄ i sīrí tū lámbá kə́ kógə̄ḿ beē tə́ ō.

Bible sar

² Ni dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i kāgə̄ ɗəra hor kə́ rāān̄ kə lɔ́rɔ́, ba jóo yibə̄ i ta tə́. Lámba gə̄ i sīrí ta kāgə̄ hor ní tə́ ō, ta ndo̰ hor gə̄ i sīrí tū lámbá kə́ kógə̄ḿ beē tə́ ō.

JAKARI 4:2 Referans Kwoze

JEJU TEĒ KUM JA̰A̰ 4:5

Tel̄ man̄ gə̄ teēn̄ tū kōr̄ kāgə̄ mbang ní tə́ ō, ndū de gə̄ ɓār̄ tū tə́ ō, man̄ ndang tū tə́ ō. Hor lámba gə̄ sīrí ń i Ndíĺ kə́ sīrí gə̄ yā Nə́ɓā ní, unjə̄n̄ no kōr̄ kāgə̄ mbang ní tə́.

JEJU TEĒ KUM JA̰A̰ 1:12

m̄-mbel kadə̄ m-á̰a̰ deē ń a ɔr̄ najə̄ seḿ ní anī, m-á̰a̰ i ɗəra hor kə́ rāā kə lɔ́rɔ́ gə̄ sīrí,

JAKARI 5:2

De kə́ dɔ rā̰ tə́ ní dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i ndāŕ kə́ ɓír̄ gidə naā tə́, kə́ nél un a dáyń ɓōdə̄ loo tə́. Ndāŕ ní, ngālə̄n i métər kutə kógə̄ḿ ō, laan i métər mí ō.

JEREMI 52:19

Ngol ngé ngɔ̄m̄ dɔ mban̄g ní ɔy bay gə̄ ō, ganán gə̄ ō, səmbē gə̄ kə́ yā tə́teń yá̰a̰ ō, jóó nánjə̄ gə̄ ō, ɗəra hor gə̄ ō, kópə gə̄ ō, ngán bay kə́ dūú gə̄ ō, yá̰a̰ malang kə́ rāā kə lɔ́rɔ́ ō, kə gində̄ arjā̰a̰á̰ ō aw̄ń.

JEJU TEĒ KUM JA̰A̰ 1:20

Ba tə́yō̰ kə́ sīrí gə̄ ń á̰á̰də́ jī ko̰ḿ tə́ ō, ɗəra hor kə́ sīrí gə̄ kə́ rāā kə lɔ́rɔ́ ō ń i yá̰a̰ gə̄ kə́ ton̄ loo mundə̄ tə́ ní, kumdə́ n toó: Tə́yō̰ kə́ sīrí gə̄ ní i de kə́ dɔ rā̰ tə́ gə̄ yā Egəlijə kə́ sīrí gə̄ ō, ɗəra hor kə́ sīrí gə̄ ní, i Egəlijə kə́ sīrí gə̄ ō.

2 YÁ̰A̰ GƏ̄ 13:11

Nin̄ róōn̄ yá̰a̰ tun̄ kə́ kə taá malang gə̄ tām̄ yā Kɔ́ɔ̄ɓē tə́ kə dɔ ndɔ̄ gə̄ dəloí ō, loo sɔlí ō, róōn̄ ndujə̄ yá̰á̰ kə́ kotə majə gə̄ ō, ɓōkə́n̄ mápa gə̄ dɔ tábəl kə́ unjə̄ njáý njáý tə́ ō, əndān̄ hor loo sɔlí kə dɔ ndɔ̄ gə̄ ta ɗəra hor kə́ rāā kə lɔ́rɔ́ tə́ ō, ta bay hor kə́ tū tə́ gə̄ tə́ ō. Tɔdɔ̄ yá̰a̰ gə̄ ń Kɔ́ɔ̄ɓē Nə́ɓā yājí əda kadə̄ yā rāā ní, jḭḭ j-əndā kumjí gírí jə-rāā kə gōó banī sḭḭ̄ ə́ya̰n̄ī kɔ̄ɔ́.

2 YÁ̰A̰ GƏ̄ 4:7

Rāān̄ ɗəra hor gə̄ kutə kógə̄ḿ kə lɔ́rɔ́, kə gō ń ɔjən̄neé kadə̄ rāān̄neé ní, ba aw̄ tə́ndān̄də́ kem kújə yā Kɔ́ɔ̄ɓē tə́. Kə́ mí gə̄ i dām̄ kə́ ko̰ó̰ tə́ ō, kə́ mí gə̄ i dām̄ kə́ geleé tə́ ō.

1 YÁ̰A̰ GƏ̄ 28:15

Ni ɔjən kɔȳ yá̰a̰ kəndā bay hor gə̄ kə́ rāān̄də́ kə lɔ́rɔ́ gə̄ ō, kɔȳ bay hor gə̄ kə́ rāān̄də́ kə lɔ́rɔ́ gə̄ ō, kɔȳ yá̰a̰ kəndā bay hor gə̄ kə́ rāān̄də́ kə gində̄ arjā̰a̰á̰ gə̄ ō, kə gō ń asə loon tə́ yā rāańdə́ kógə̄ḿ kógə̄ḿ malang ní.

KOHELET 12:6

Loo ń noō tə́ ní, kəlā gində̄ arjā̰a̰ gān̄g ō, bay lɔ́r tɔ̄ɔ̄ ō, jóo man̄ tɔ̄ɔ̄ ō, kāgə̄ ta bəlo man̄ kə́ kəlā əsan ngá̰ý əsō gír bəlo maná kɔ̄ɔ́ ō.

JEREMI 24:3

Anī Kɔ́ɔ̄ɓē ədam̄ na: Jeremi i rí n á̰a̰ā̰ ní? m̄-téĺ m-ə́dan na: M-á̰a̰ i kan̄ kótə̄ gə̄. Ngé kə́ majə gə̄ nelə̄n̄ ngá̰ý ō, ngé kə́ majaĺ aĺ gə̄ nelə̄n̄ aĺ ō. Nelə̄n aĺ bátə́ adə̄ dum̄ kəsa.

AMOS 7:8

Kɔ́ɔ̄ɓē dəjem̄ najə̄, əda na: Amos, yá̰á̰ ń á̰a̰ā̰ ní i rí? Anī m̄-tél m-ə́dan na: I kəlā kógə̄ḿ kə́ gində̄ pəlo̰ i ta tə́. Kɔ́ɔ̄ɓē un ta najə̄ yān kum kə̄ kété əda na: Yá̰á̰ ń m-á̰a̰ā̰ ní toó: Gír deē yāḿ gə̄ ton̄ i tītə̄ ndogə̄ mbal̄ kə́ ra súmūú aĺ beē. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.