JAKARI 4:14 - Bibəl ta Sar̄

¹⁴ Tā anī, ni ɔjəm̄ kum, əda na: I de kə́ jōó gə̄ ń ɔrə̄n̄ kam̄də́ tayā kə yibīí kadə̄ rāān̄ kəla yā kɔ́ɔ̄ dɔ nang kə taá malang ní.

Bible sar

¹⁴ Tā anī, ni ɔjəm̄ kum, əda na: I de kə́ jōó gə̄ ń ɔrə̄n̄ kam̄də́ tayā kə yibīí kadə̄ rāān̄ kəla yā kɔ́ɔ̄ dɔ nang kə taá malang ní.

JAKARI 4:14 Referans Kwoze

JEJU TEĒ KUM JA̰A̰ 11:4

I nin̄ n i kāgə̄ olibə kə́ jōó gə̄ ō, ɗəra hor kə́ jōó gə̄ ō ń ran̄ no kɔ́ɔ̄ dɔ nang tə́ ní.

Teē Ngán Israel gə̄ 40:15

Ā úr yibə̄ ní dɔdə́ tə́ tītə̄ ń úrəń dɔ bɔbə̄də́ tə́ ní yā kəndāńdə́ kem kəla tun̄ yá̰a̰ yāḿ tə́. Yibə̄ ń ā úr dɔdə́ tə́ noō a rāā kadə̄ nin̄ gə̄gē, ngáńdə́ gə̄gē, a ndin̄ i kem kəla tun̄ yá̰a̰ yāḿ tə́ ngándáńg.

JAKARI 6:13

A̰á̰ā̰, i ni n a tél yā rāān gogə́ ní. Ni a o̰ō̰ kūbə̄ mban̄g ō, a ndi dɔ kōr̄ kāgə̄ mbang tə́ ō, yā ko̰ó̰ń ɓē. Nge tun̄ yá̰á̰ kógə̄ḿ a ra kadən tə́. Ba nin̄ jōó mbak a gerə̄n̄ kum najə̄ kə naá majə

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

JEREMI 49:19

Tītə̄ ń ɓɔl teēń kem ku kāgə̄ gə̄ kə́ dɔ gɔ́sə bā Jurdḛ tə́, ba aw̄ kumən sɔɔ̄ gong gə̄ kə́ yá̰a̰ kul̄ gə̄ i ngá̰ý kemeé tə́ ní, i tītə̄ ń noō n m-ā m̄-tə̄ɓāńdə́ kɔ̄ɔ́ gidə kógə̄ḿ tītə̄ kum kə́ kənda sapə beé, kadə̄ aw̄n̄ sa̰y kɔ̄ɔ́ rɔ̄n tə́ ní. M-ā m-ə́lá ngé rɔ̄ɔ̄ kə́ balsáa gə̄ kadə̄ aw̄n̄ láẃ rɔ̄n tə́. Tɔdɔ̄ i náā n to tītə̄ḿ mā ní? I náā n asə ɓārə́m̄ loo sarya tə́ ní? I nge kul̄ yá̰á̰ kə́ rá n a asə dum̄ taḿ mā ní?

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

NDŪ NAJƏ̄ 10:8

Loo ń noō tə́ Kɔ́ɔ̄ɓē adə̄ de kə́ gír ɓē yā Lebi tə́ gə̄ kəla kətō sandúkə madə̄ naā yā Kɔ́ɔ̄ɓē ō, kəla ra ta kum Kɔ́ɔ̄ɓē tə́ rāań kəla yān ō, tɔ́rəń tadə́ dɔ de gə̄ tə́ kə rīneé ō. I kəla gə̄ ń noō n ɓōólaā gə̄gē a rāān̄ ɓáý ní.

Teē Ngán Israel gə̄ 29:7

Ún yibə̄ kə́ táĺ úr dɔn tə́ ɔ̄rəń kamə̄n tayā.

Najə̄ kə́ Majə yā Jeju ń Luk ndang ní 1:19

Anī de kə́ dɔ rā̰ tə́ ní tūr̄ ədan na: Mā i Gabəriyel, nge ra ta kum Nə́ɓā tə́ yā kaw̄ń kəla yān. Nə́ɓā əlam̄ kadə̄ m̄-reē m-ɔ̄r̄ najə̄ seí ō, kadə̄ m̄-reē kə Najə̄ kə́ Majə ń toō m-ə́daī ō.

JAKARI 6:5

Anī ni-tél ədam̄ na: I nél kə́ sɔ́ gə̄ kə́ dɔ rā̰ tə́. Kété ní, nin̄ i kadə Kɔ́ɔ̄ɓē ń i kɔ́ɔ̄ dɔ nang kə taá malang ní tə́ ō, ngɔlaā ɓáa nin̄ a aw̄n̄ i mbée ō.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

IJAI 5:1

Ə́yam̄ ādə̄ m-ún rī madə́ḿ m-ə̄niń pā kógə̄ḿ. Pā ní ɔr̄ i najə̄ yā madə́ḿ ō, najə̄ yā ndɔr̄ kāgə̄ nduú yān ō. Madə́ḿ aw̄ kə ndɔr̄ kāgə̄ nduú kógə̄ḿ dɔ ngōn̄ mbal̄ kógə̄ḿ kə́ nang kə́ tū tə́ teē yá̰á̰ ngá̰ý tə́.

PĀ GƏ̄ 110:4

Kɔ́ɔ̄ɓē a tūr̄ ndūn alé, tɔdɔ̄ túbə əda na: Ḭ̄ i nge tun̄ yá̰á̰ kə́ njɔ́ḿ gə̄ tə́ tītə̄ yā Melkisedek.

PĀ GƏ̄ 89:20

Ndɔ̄ kógə̄ḿ tə́ ī-teē ta kum deē yāí gə̄ tə́ ba ə́dádə́ na: m̄-rāā kə de kə́ əhɔ rɔ̄n tɔgə, m-ɔ́sə balsáá kógə̄ḿ kə́ dan gír deē yāḿ gə̄ tə́ kə̄ dɔɔ́.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

JOJUE 3:13

Loo ń ré ngé tun̄ yá̰a̰ gə̄ ń a ətōn̄ sandúkə madə̄ naā yā Kɔ́ɔ̄ɓē ń i kɔ́ɔ̄ dɔ nang malang ní a əndān̄ njadə́ kum bā Jurdḛ tə́ anī, bā Jurdḛ a gān̄g danaá jōó: Man̄ ń a ḭḭ dām̄ loo kə́ kḭḭ kə̄ dɔɔ́ tə́ á nūgə́ kum kə̄ dām̄ loo kə́ risə kə̄ nang tə́ tə́ ní, a tél yā kán̄ naā loo kógə̄ḿ tītə̄ kə́ deē gān̄g gírən i kə babəraá beé.

JOJUE 3:11

Sandúkə madə̄ naā yā Kɔ́ɔ̄ɓē ń i kɔ́ɔ̄ dɔ nang malang ní, a teē bā Jurdḛ kété nosí tə́.

LEBI GƏ̄ 8:12

Ni-ur yibə̄ ní dɔ Aaro̰ tə́ ɔrə̄ń kamə̄n tām̄ yā Kɔ́ɔ̄ɓē tə́.

ESDRAS 5:2

Tā anī Jorobabel kə́ ngōn̄ Sealtiel ō, Yesua kə́ ngōn̄ Yosadak ō, ḭḭn̄ dɔɔ́ ba əlan̄ gír rāā kújə yā Nə́ɓā kem ɓē kə́ Jerusalem tə́. Ngé koō ta gə̄ yā Nə́ɓā i naā tə́ sedə́ adə̄ ɔsən̄ kíĺdə́ kem kəlaá.