JAKARI 3:8 - Bibəl ta Sar̄

⁸ Yesua, ḭ̄ ń i ngol ngé tun̄ yá̰a̰ gə̄ ní, ōō. Ba sḭḭ̄ ngé tun̄ yá̰a̰ gə̄ ń i seneé ní, ōōī ō. Tɔdɔ̄ sḭḭ̄ ngé tun̄ yá̰a̰ gə̄ ń ī-raī laā ní, ɔjə i kadə̄ yá̰á̰ ń sɔɔ̄ kadə̄ reē ní, a reē. Nge kəla yāḿ ń a ɓāŕnən̄ na i Nge ń sɔɔ̄ kadə̄ əɓa ní, m-ā m̄-rāān kadə̄ a reē.

Bible sar

⁸ Yesua, ḭ̄ ń i ngol *ngé tun̄ yá̰a̰ gə̄ ní, ōō. Ba sḭḭ̄ *ngé tun̄ yá̰a̰ gə̄ ń i seneé ní, ōōī ō. Tɔdɔ̄ sḭḭ̄ *ngé tun̄ yá̰a̰ gə̄ ń ī-raī laā ní, ɔjə i kadə̄ yá̰á̰ ń sɔɔ̄ kadə̄ reē ní, a reē. Nge kəla yāḿ ń a ɓāŕnən̄ na i Nge ń sɔɔ̄ kadə̄ əɓa ní, m-ā m̄-rāān kadə̄ a reē.

JAKARI 3:8 Referans Kwoze

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

IJAI 11:1

Ngōn̄ kə́ dəngam kógə̄ḿ a teē dan de gə̄ kə́ kem kojə yā Jese tə́, tītə̄ ta jī kāgə̄ kə́ dūú kə́ əɓa kadə ɓōdə̄ kāgə̄ kə́ tɔgə kɔ̄ɔ́ tə́ beē. Ta jī kāgə̄ kə́ əɓa dɔ ngəran gə̄ tə́.

JAKARI 6:12

Ā ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De kógə̄ḿ i laā, rīn na i Nge ń sɔɔ̄ kadə̄ əɓa ní. Ndi kə kumuú a əɓa loo ń ni i tū tə́ ní tə́ ō, i ni n a tél yā rāā kújə yāḿ gogə́ ní ō.

JEREMI 33:15

Kem ndɔ̄ gə̄ ń noō tə́ ní, m-ā m̄-rāā kadə̄ kōō Dabid a teē. I kōōn kə́ rɔ̄kum. Ni a rɔ̄ɔ̄ dɔ yá̰á̰ kə́ súmūú gə̄ tə́ ō, dɔ yá̰á̰ kə́ gōtə́ gə̄ tə́ ō kem ɓēé.

IJAI 53:2

Nge kəla tɔgə ta kum Kɔ́ɔ̄ɓē tə́ tītə̄ ngōn̄ kāgə̄ kə́ dūú beē, tītə̄ ngəra yá̰á̰ kə́ teē loo kə́ mángá tə́ beē. Majə deē ō rī ɓār̄ ō ń kum de gə̄ i dɔ tə́ ngá̰ý ní, ni aw̄ń alé, yá̰á̰ kə́ ta kumən tə́ kə́ nel̄jí gətóo.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

IJAI 20:3

Kɔ́ɔ̄ɓē ɔr̄ najə̄ kə ta kūl̄ Ijai əda na: Nge kəla yāḿ Ijai njə̄rā kanjə̄ kūbə̄ ō, da njan karī ō, asə ɓāl̄ mətá kɔ̄ɔ́. Nge ń noō i yá̰á̰ kə́ yā kɔjəń yá̰a̰ ō, i tāā ō, kə́ tām̄ yā ɓē kə́ Ejiptə tə́ ō, Etiopi tə́ ō.

IJAI 4:2

Ndɔ̄ kógə̄ḿ tə́ Kɔ́ɔ̄ɓē a rāā kadə̄ yá̰á̰ kógə̄ḿ kə́ majə ngá̰ý ō, kə́ to kɔsə gɔn ngá̰ý ō, əɓa kem ɓēé. De kə́ Israel tə́ gə̄ ń a teēn̄ ta yo tə́ ní, a əndan̄ kadədə́ ō, de gə̄ a rɔȳn̄də́ ō, najə̄ yá̰á̰ ń a teē kem ɓēé tə́ ní.

EJEKIEL 12:11

Ə́dádə́ na: m̄-tāāsí i najə̄ yá̰á̰ a rāā yā reē ní. Yá̰á̰ ń m̄-rāā ní i yá̰á̰ ń noō n a rāān̄ sesí ní. A ɔyn̄sí yā kaw̄ sesí dɔ ɓē kə́ rang tə́ dɔ gúú tə́, a tə̄ɓān̄sí kɔ̄ɔ́ kem ɓē yāsí tə́.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

IJAI 52:13

Kɔ́ɔ̄ɓē əda na: Nge kəla yāḿ a rāā kəla yān kadə̄ udə gírí majə. Ni a al̄ dɔɔ́, a əndānən̄ dɔɔ́ ō, a rɔȳnən̄ ngá̰ý ō.

IJAI 49:5

Ba ngɔlaā ní, Kɔ́ɔ̄ɓē ɔr̄ najə̄. Ni rāām̄ kété pá tá kadə̄ ojəmə̄n̄ ɓáý, yā kadə̄ mā i nge kəla yān. Ni ndigə kadə̄ m̄-tél kə ngán Jakob gēé kə̄ rɔ̄n tə́, kadə̄ m-ósə dɔ gír de gə̄ yā Israel gə̄ kə̄ naā tə́. Kɔ́ɔ̄ɓē əhɔ gōḿ ō, Nə́ɓā yāḿ i tɔ́gə́ḿ ō.

IJAI 8:18

Mə̄kɔ́ ō, ngán gə̄ ń Kɔ́ɔ̄ɓē adə̄m̄ sedə́ ō ní, jə-rāā rɔ̄jí i yá̰á̰ kə́ yā kɔjəń yá̰á̰ tə́ dɔ nang kə́ Israel tə́. Kɔ́ɔ̄ɓē kə́ bo kə́ tɔ́gən i ngá̰ý ń ndi dɔ mbal̄ Siyo̰ tə́ ní, taā de gə̄ i kə ta kūl̄jí.

Najə̄ kə́ Majə yā Jeju ń Luk ndang ní 1:78

Tɔdɔ̄ kum Nə́ɓā yājí o̰o̰n ngá̰ý ō, kemən majə ngá̰ý ō. Ni a rāā kadə̄ loo kə́ unjə̄ kow kógə̄ḿ ḭḭ dɔ rā̰ tə́ unjə̄ dɔjí tə́ kow tītə̄ mbang kə́ əɓa gír ɓē tə́ beé.

EJEKIEL 37:24

Ā ə́ngeī mban̄g kə́ tītə̄ nge kəla yāḿ Dabid beē. I ni kógə̄ḿ beē n i nge kul̄sí malang ní. Ā ī-ɓōlíī gidə ndū najə̄ yāḿ gə̄ ō, ā ī-ngɔ̄mī jī bēl̄ loo rāā yá̰a̰ yāḿ gə̄ ō, ā ī-rāāī yá̰a̰ i kə jī bēl̄ loo rāān yāḿ gə̄ ō.

EJEKIEL 34:29

M-ā m-ādə̄də́ ndɔr̄ kə́ teē kōō majə adə̄ de gə̄ gerə̄n̄. Ɓō a rāādə́ kem ɓēé to̰ alé. Nápar de gə̄ a əlan̄ rɔ̄sɔl̄ dɔdə́ tə́ to̰ alé.

EJEKIEL 24:24

Dan ń Ejekiel rāā yá̰a̰ beé ní, tāāsí i najə̄ yā yá̰á̰ ń a rāā yā reē ní. Ā ī-rāāī yá̰a̰ i tītə̄ yān jéjé. Ba ré yá̰á̰ ní reē ugə̄ anī, ā ī-gerī kadə̄ Kɔ́ɔ̄ɓē Nə́ɓā i mā.

IJAI 49:3

Ni ədam̄ na: Israel, ḭ̄ i nge kəla yāḿ. M-ā m-ɔ́jə kɔsə gɔn yāḿ i kə ta kūlīí.

PĀ GƏ̄ 71:7

De gə̄ ngá̰ý rāāmə̄n̄ i de kə́ ḭ̄ ī-ndɔ̄lə́n kɔ̄ɔ́ tə́, banī nge ngɔ̄mə̄ḿ kə́ rɔ̄kum i ḭ̄.

EJEKIEL 12:6

Ā úń yá̰a̰ mbā yāí yā kəndā dɔ bɔ̄gīí tə́ i ta kumdə́ tə́ ō, ā āwń i ndɔ̄ɔ́ ō. Ā ūtə̄ ta kumií kɔ̄ɔ́ ō, ā ásə ka̰a̰ loo ń ā āw̄ kə̄ tū tə́ ní aĺ ō. I tītə̄ ń noō n m-ā m̄-rāāiń de kə́ nge tāā ngán Israel gə̄ tə́ ní.