JAKARI 3:10 - Bibəl ta Sar̄

¹⁰ Ndɔ̄ ngeé ń noō tə́ ní, ā ī-ɓāríī naā kem ndɔr̄ kāgə̄ nduú yāsí gə̄ tə́ ō, ā ī-ɓāríī naā ndíl kāgə̄ kótə̄ yāsí gə̄ tə́ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

Bible sar

¹⁰ Ndɔ̄ ngeé ń noō tə́ ní, ā ī-ɓāríī naā kem ndɔr̄ kāgə̄ nduú yāsí gə̄ tə́ ō, ā ī-ɓāríī naā ndíl kāgə̄ kótə̄ yāsí gə̄ tə́ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

JAKARI 3:10 Referans Kwoze

MISE 4:4

Náā nəkɔ́ ɓáa a ndɔr̄ i kāgə̄ nduú yān, aláa i kāgə̄ kótə̄ yān, kanjə̄ kadə̄ deē njə́ɓān. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda kadə̄ i rɔ̄kum ní n noó.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

OJEE 2:18

Kɔ́ɔ̄ɓē əda na: Ndɔ̄ ń noō tə́ ní, ni a ɓārə́m̄ na i Ngaaḿ, ni a ɓārə́m̄ na i ɓesə̄ Baal yāḿ ń kumən na i ngoləḿ ní to̰ alé.

IJAI 36:16

Ī-lōōī koō najə̄ kɔr̄ Ejekias, banī ōōī najə̄ ń mban̄g kə́ Asiri ɔr̄ sesí ní, ni-əda na: Ī-téĺ ə̄ndāī najə̄ naā tə́ seḿ, ə́ya̰ī rɔ̄sí kem jīḿ tə́. Loo ń noō tə́ sḭḭ̄ kógə̄ḿ kógə̄ḿ ā ə́saī kan̄ kāgə̄ nduú yāsí gə̄ ō, ā ā̰yī man̄ kə́ kem bəlo taā man̄ ndī yāsí gə̄ tə́ ō.

IJAI 32:18

Gír de gə̄ yā Kɔ́ɔ̄ɓē a ndin̄ i loo kógə̄ḿ kə́ loo to lɔm tū tə́ tə́, kem kújə gə̄ kə́ deē a taā kemdə́ mámák gə̄ tə́, kem loo gə̄ kə́ deē a ndi jəke tū tə́ tə́.

JEREMI 32:15

Tɔdɔ̄ najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: De gə̄ a mangən̄ kújə gə̄ ō, loo ndɔr̄ gə̄ ō, kāgə̄ nduú gə̄ ō kem ɓē ń toō tə́.

1 MBAN̄G GƏ̄ 5:5

Dan ń Salomo̰ ndiń kə kumneé ní, de kə́ Juda tə́ gə̄ ō, kə́ Israel tə́ gə̄ ō, ndin̄ lápə́ya. Əla gír Beer Seba bátə́ ugə̄ń Dan ní, náā nəkɔ́ a ndi i gír kāgə̄ nduú yān nəkɔ́ tə́ ō, gír kāgə̄ kótə̄ yān nəkɔ́ tə́ ō.