JAKARI 2:8 - Bibəl ta Sar̄

⁸ Anī de kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ədan na: Āw̄ láẃ ə́da balsáá ń kəlā i jīn tə́ ní na: I gáŕ kadə̄ Jerusalem i ɓē kə́ tan ra i kə wōyōó ō, i ɓē kə́ ndogə̄ mbal̄ kə́ gidə tə́ kə́ yā rɔ̄ɔń dɔ tə́ gətóo ō. Tām̄ de gə̄ gē, dā̰ gə̄ gē ń a ndin̄ kemeé ní, kutədə́ i ngá̰ý.

Bible sar

⁸ Anī de kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ədan na: Āw̄ láẃ ə́da balsáá ń kəlā i jīn tə́ ní na: I gáŕ kadə̄ Jerusalem i ɓē kə́ tan ra i kə wōyōó ō, i ɓē kə́ ndogə̄ mbal̄ kə́ gidə tə́ kə́ yā rɔ̄ɔń dɔ tə́ gətóo ō. Tām̄ de gə̄ gē, dā̰ gə̄ gē ń a ndin̄ kemeé ní, kutədə́ i ngá̰ý.

JAKARI 2:8 Referans Kwoze

PĀ GƏ̄ 17:8

Ī-ngɔ̄mə̄m̄ tītə̄ loo ngɔ̄m̄ njár̄ kumií beē. Ī-ɓɔ̄ɔ̄m̄ gír bɔ̄gīí tə́,

NDŪ NAJƏ̄ 32:10

Kɔ́ɔ̄ɓē ənge gír deē yān gə̄ i kem dəla loo tə́, loo kə́ tal̄ gə̄ a nōn̄ tū tə́ tə́. Ni-a̰a̰ gōdə́ ō, ɔjədə́ yá̰a̰ ō, Ni-ngɔ̄m̄də́ tītə̄ loo ngɔ̄m̄ kumən beé ō.

JA̰A̰ 14:26

Ba nge rāā sesí i Ndíĺ kə́ Táĺ ń Bɔbə́ḿ a əlań kə rīḿ ní. Ni a ndóōsí yá̰a̰ malang ō, a rāā kadə̄ əga kemsí dɔ najə̄ gə̄ ń m-ə́dásí tə́ ní ō.

2 TESALONIK 1:6

Ngé gə̄ ń rāān̄ adə̄ wur kɔl əsō dɔsí tə́ ní, i gōtə́ kadə̄ Nə́ɓā rāā adə̄ wur kɔl əsō dɔdə́ tə́ ō.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

JA̰A̰ 17:18

Tītə̄ ń ə́lam̄ dɔ nang tə́ ní, m-ə́ládə́ dɔ nang tə́ ō.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

SOPONI 2:8

M-ōō tájə̄ ndū yā Moab gə̄ ō, m-ōō lur ń Amon gə̄ lurən̄ loo ní ō. Nin̄ tájə̄n̄ gír deē yāḿ gə̄ ō, teēn̄ kem dɔ nang yādə́ kə̄ gogə́ kə ta kūl̄ taā dɔ nang yā gír deē yāḿ gə̄ ō.

HABAKUK 2:8

Sḭḭ̄ ɔ́yiī yá̰a̰ yā nápar de gə̄ ngá̰ý dɔ gúú tə́. Adə̄ gotə gír de gə̄ ń na̰ȳn̄ ní, a ɔyn̄ yá̰a̰ yāsí gə̄ dɔ gúú tə́ tītə̄ ń noō ō. Tɔdɔ̄ sḭḭ̄ ī-ɓōkíī mósə de gə̄ nang tə́ ō, ī-rāāī yá̰a̰ kə dɔ́nɔ́ ō. Ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

MISE 7:10

Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

MISE 5:6

Israel gə̄ ń na̰yn̄ kə kumdə́ dan gír de gə̄ kə́ ngá̰ý gə̄ tə́ ní, a ton̄ i tītə̄ tal kə́ tə́sō ɗḛy ɗḛy gə̄, kə́ Kɔ́ɔ̄ɓē əlań beē, a ton̄ i tītə̄ man̄ ndī kə́ tə́sō dɔ mu tə́ beē. Nin̄ əndān̄ kemdə́ dɔ deē ndul gə̄ tə́ aĺ ō, ngóōn̄ ta yá̰á̰ kógə̄ḿ jīdə́ tə́ aĺ ō.

MISE 4:11

Ba ngɔlaā ní, de gə̄ ngá̰ý ɔsən̄ dɔdə́ naā tə́ yā rɔ̄ɔ̄sí. Nin̄ ədan̄ na: Ādə̄ j-ɔrī kɔsə gɔn yā ɓē yādə́ kɔ̄ɔ́, ādə̄ j-a̰ā̰ī Jerusalem ń nujənə̄ń kɔ̄ɔ́ ní kə rɔ̄nelēé.

AMOS 1:13

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

AMOS 1:11

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Edom gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ ngɔ̄də̄n̄ ngákó̰ó̰də́ Israel gə̄ kə kaskaraá jīdə́ tə́. Kumdə́ o̰o̰də́ tām̄ yādə́ tə́ sḛ́ý aĺ bátə́ asədə́ tɔ̄l̄ deē alé, sɔɔ̄ń wōn̄g kə́ kemdə́ tə́. Gír kəhɔ deē kem tə́ yādə́ gān̄g aĺ bátə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

AMOS 1:9

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Penisi gə̄ kə́ Tir dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Ndūdə́ gə̄ ń ənīn̄ adə̄n̄ naā á ɓoodə́ naā tə́ kə Israel tītə̄ kə́ nin̄ i ngákó̰o̰ naā gə̄ beé ní, nin̄ ɓōlə́n̄ gidə alé. Tɔdɔ̄ nin̄ ɔyn̄ de kə́ kem ɓēé gə̄ kə taá malang aw̄ əlan̄də́ jī Edom gə̄ tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

EJEKIEL 35:5

Ngáńdáńg ní, nelī ḭ̄ kə Israel gēé aĺ ngá̰ý. Kum mbang ń yá̰á̰ kə́ to kum kaȳ aĺ teē dɔdə́ tə́ ní, dan ń gíŕ yá̰a̰ rāādə́ kə́ majaĺ ngá̰ý gə̄ gān̄g ní, ḭ̄ ə̄nīdə́ rɔ̄ɔ̄ kə kaskaraá.

EJEKIEL 26:2

Ḭ̄ ngōn̄ deē, ōō! De kə́ Tir gə̄ mbóon̄ kə de kə́ Jerusalem gēé ədan̄ na: Haw! Haw! Nujən̄ ɓē ń de gə̄ malang aw̄n̄ kemeé ní kɔ̄ɔ́! Ta i dɔjí tə́ kadə̄ jə-téliī de kə́ ngé kənge yá̰a̰ gə̄. Tɔdɔ̄ Jerusalem tél i kūbə̄rū mbal̄ gə̄ kə́ ran̄ dɔ naā tə́ bing!

EJEKIEL 25:15

Najə̄ ń Kɔ́ɔ̄ɓē Nə́ɓā ɔr̄ ní n toó: Pilistin gə̄ dalən̄ ba̰ā̰ tə́ ō, nin̄ dalən̄ ba̰ā̰ ní i kə kídə̄ loo kə́ ngá̰ý dɔ madə̄ ba̰ā̰də́ kə́ ngándáńg tə́ ō, nin̄ nujən̄ sedə́ malang kɔ̄ɔ́ ō.

EJEKIEL 25:12

Najə̄ ń Kɔ́ɔ̄ɓē Nə́ɓā ɔr̄ ní n toó: Edom gə̄ rāān̄ yá̰á̰ majaĺ ngá̰ý gə̄ dalnə̄ń ba̰ā̰ dɔ gír de gə̄ yā Juda tə́. I tām̄ najə̄ ń noō tə́ n najə̄ i dɔdə́ tə́ ní.

2 MBAN̄G 24:2

Loo ń noō tə́ Kɔ́ɔ̄ɓē əla ɓūtə̄ ngé ɓogə gə̄ kə́ dɔ nang kə́ Kalde tə́ ō, kə́ Aram tə́ ō, kə́ Moab gə̄ ō, kə́ Amon gə̄ gə̄ ō, dɔ Joakim tə́. Ni əladə́ kadə̄ nujə ɓē kə́ Juda sák sák tītə̄ ń Kɔ́ɔ̄ɓē əndāń ta ngé koō ta gə̄ kété adə̄ ədan̄ ní.

TA KƏLA 20:6

Kem nī nəkɔ́ kə́ kógə̄ḿ beē ń noō tə́, Nə́ɓā tél əda Abimelek na: Mə̄kɔ́ m̄-ger̄ kadə̄ yá̰á̰ ń ī-rāā ní i kə kem kə́ unjə̄ njáý njáý ō, i mə̄kɔ́ n m-ə́hɔī gotoó m-ɔ̄gī rāā yá̰á̰ kə́ majaĺ seḿ ní ō. I tām̄ ń noō tə́ n m-ə́ya̰ī adə̄ ɔ́dəń rɔ̄n aĺ ní.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

JAKARI 2:9

Najə̄ ń Kɔ́ɔ̄ɓē əda wáńg ní n toó, ni-əda na: Mə̄kɔ́ m-ā m̄-rā tītə̄ ndogə̄ mbal̄ kə́ rāā kə horoó beē, kə gō gidə ɓēé kadə̄ gīr̄ gidə əla ta naā tə́ ō, m-ā m-ɔ́jə kɔsə ngɔn yāḿ kem ɓēé danaá bang ō!

MATIYE 25:45

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ aĺ ní, ī-mbātíī i rāā seḿ mā nəkɔ́.

KƏLA RĀĀ 9:4

Ni teē əsō nang tə́, anī oō ndū deē kógə̄ḿ ədan na: Sol, Sol, i tām̄ rí tə́ á ī-rāām̄ ndoō tə́ beē?

HABAKUK 2:17

A̰á̰ā̰, yá̰a̰ rāā kə dɔ́nɔ́ ń rāān̄ kə ɓē kə́ Liban ní a taā loo ɓēé loosí ō. Sḭḭ̄ ī-tɔ̄lī dā̰ gə̄. Adə̄ dā̰ gə̄ a rāān̄sí kə ɓōló kadə̄ ā ī-ndewiī. Yá̰a̰ gə̄ ń noō malang a reēn̄ tɔdɔ̄ sḭḭ̄ ī-ɓōkíī mósə deē nang tə́, tɔdɔ̄ sḭḭ̄ ī-rāāī yá̰a̰ kə dɔ́nɔ́, ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

Gōsə̄ najə̄ gə̄ 7:2

Ī-rāā yá̰á̰ ń m-ə́daī ní, anī ā ī-ndi kə dɔí dɔɔ́. Ī-ngɔ̄m̄ yá̰á̰ ń m̄-ndóōī ní tītə̄ loo ngɔ̄m̄ ngarā̰ kumií beē.

JEREMI 12:14

Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

EJEKIEL 26:20

M-ā m̄-rāāī kadə̄ ā ī-risə yā kaw̄ ndi dan de kə́ koy gə̄ tə́, naā tə́ kə ngé gə̄ ń ton̄ kem bəlo ɓádə gə̄ tə́ ní, adə̄ ā āw̄ gō de kə́ kété jóo gə̄ tə́. M-ā m̄-rāāī kadə̄ ā ī-ndi ɓē gíŕ nángāá. Ā ī-to tītə̄ mbal̄ kə́ jóo gə̄, ā ī-ndi naā tə́ kə ngé gə̄ ń nin̄ i kem bəlo ɓádə gə̄ tə́ ní. Ā ásə teē loo ń noō tə́ aĺ ō, dɔ nang ń de kə́ kə kumuú gə̄ ndin̄ tū tə́ ní, ā ə́nge loo tū tə́ aĺ ō.

EJEKIEL 38:14

Ḭ̄ ngōn̄ deē, ə́dá Gog najə̄ ń m-ə̄ndā taí tə́ ní: Najə̄ gə̄ ń Kɔ́ɔ̄ɓē Nə́ɓā ɔr̄ ní n toó: Dan ń Israel gə̄ ń i gír deē yāḿ gə̄ ní a ndin̄ kanjə̄ sōl̄ yá̰á̰ kógə̄ḿ anī, ā āw̄.

IJAI 49:19

Ī-ndi dan gájə bɔr gə̄ tə́, ɓē yāí gə̄ i kə́ nujənə̄ń sák sák kɔ̄ɔ́, dɔ nang yāí i dəla loo. Banī sḛ́ý laā anī, ni a dūú ngá̰ý tām̄ yā de kə́ kemeé gə̄ tə́ ō, ngé gə̄ ń kété nujiīn̄ sák sák ní, a aw̄n̄ sa̰y kɔɔ̄ rɔ̄í tə́ ō.

EJEKIEL 36:11

Kutə de gə̄ gē dā̰ gē a reē ngá̰ý kə̄ dɔ naā tə́ kə̄ loo gə̄ tə́ malang. Ā ójiī ngán gə̄ ō, kutəsí a reē ngá̰ý ō. De gə̄ a ton̄ ngá̰ý kem ɓēé tītə̄ kə́ kété ō, ā ə́ngeī yá̰a̰ tɔȳ kə́ kété ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 38:11

Ɓē kə́ yá̰á̰ kə́ yā kadə̄ ni rɔ̄ɔń dɔ rɔ̄n tə́ gətóó ní, ḭ̄ ā ī-gḛy kənīn rɔ̄ɔ̄. Loo ngeé ń noō tə́ ní, de gə̄ ndin̄ i loo yādə́ jəke ō, nin̄ sōlə̄n̄ yá̰á̰ kógə̄ḿ aĺ ō. De gə̄ ənīn̄ ndogə̄ mbal̄ gə̄ dɔ ɓē bo gə̄ tə́ ngɔ̄mə̄n̄neé ɓē bo gə̄ aĺ ō. Bápə gə̄, kə lakélé gə̄ yā ɓē gə̄ ní gətóon̄ ō.

JAKARI 8:5

Ngán gə̄ a taān̄ loo ndágə loo gə̄ kə́ kem ɓēé tə́. Ngáń kə́ dəngam gə̄ ō, kə́ dəyá̰ gə̄ ō, a kógə̄n̄ naā ndágə loo gə̄ ngeé ń noō tə́.