JAKARI 2:13 - Bibəl ta Sar̄

¹³ A̰á̰ā̰, m-ā m̄-rāā yá̰á̰ kógə̄ḿ kə gotə gír de kə́ rang gēé. Loo ń noō tə́ ngé gə̄ ń kété nin̄ i ɓəlo yādə́ gə̄ ní, ta i dɔdə́ tə́ kadə̄ ɔyn̄ yá̰a̰ yādə́ gə̄ dɔ gúú tə́. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ ní.

Bible sar

¹³ A̰á̰ā̰, m-ā m̄-rāā yá̰á̰ kógə̄ḿ kə gotə gír de kə́ rang gēé. Loo ń noō tə́ ngé gə̄ ń kété nin̄ i ɓəlo yādə́ gə̄ ní, ta i dɔdə́ tə́ kadə̄ ɔyn̄ yá̰a̰ yādə́ gə̄ dɔ gúú tə́. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ ní.

JAKARI 2:13 Referans Kwoze

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

SOPONI 1:7

Ī-ndiī tasí mbóo kə̄ no Kɔ́ɔ̄ɓē Nə́ɓā tə́, tɔdɔ̄ dɔ i ngɔr. A̰á̰ā̰, Kɔ́ɔ̄ɓē əndā dɔ yá̰á̰ tun̄ kógə̄ḿ danaá kɔ̄ɔ́. De gə̄ ń ni-ɓāŕdə́ ta kəsa yá̰á̰ ní, ni tə́gódə́ adə̄ unjə̄n̄ njáý njáý kɔ̄ɔ́ ɓá.

PĀ GƏ̄ 68:5

Ə̄nīī pā ɔ́siīneé gɔn Nə́ɓā, ī-tɔ̄yī rīn, ī-tɔ̄yī nge kal̄ kil̄ man̄ gə̄ sə́ndá tə́, rīn na i Kɔ́ɔ̄ɓē, ī-tḭ́ḭ̄ī bal walya ta kumən tə́.

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

PĀ GƏ̄ 78:65

Kɔ́ɔ̄ɓē ndól̄ tītə̄ de kə́ ndól̄ dɔ ɓīī tə́ beē, tītə̄ go̰ rɔ̄ɔ̄ kə́ kasə gán̄g kumən tə́ beē.

Makətūbə̄ ń Pol ndang adə̄ Rom gə̄ ní 9:20

Banī ḭ̄ deē i náā á kadə̄ ī-nējī naā najə̄ kə Nə́ɓāá ní? Yá̰á̰ ń kɔdə̄ əɓā kə jīneé ní a tél a əda kɔdə̄ na ké i tām̄ rí tə́ áké kɔdə̄ əɓān beé wa a?

IJAI 51:9

Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

PĀ GƏ̄ 11:4

Kɔ́ɔ̄ɓē ndi kem kújə yān kə́ táĺ tə́. Kōr̄ kāgə̄ mbang yān ndi i dɔ rā̰ tə́. Ni-əndā ma̰ȳ de gə̄ kə kumneé, anī ger̄ kəla rāā deē ndul gə̄ kógə̄ḿ kógə̄ḿ.

NDŪ NAJƏ̄ 26:15

Beé ní, ḭ̄ ń ī-ndi dɔ rā̰ tə́ kem loo kə́ táĺ yāí tə́ ní, á̰a̰ā̰ ba ī-rāā majə kə ngán Israel gə̄ ń nin̄ i gír deē yāí gə̄ ní ō, ī-rāā majə kə dɔ nang ń mba ō, yibə̄ tejə ō, i ngá̰ý tū tə́ á ə̄nī ndūí ādə̄ kaají gə̄ yā kadə̄jí ní ō.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

JEREMI 25:30

Ba ḭ̄ ā ə́dádə́ najə̄ gə̄ malang ń m-ɔ̄r̄ seí ní, ā ə́dádə́ na: Kɔ́ɔ̄ɓē ndán̄g rɔ̄n kə̄ dɔ rā̰ tə́, ndūn ɓār̄ kə̄ kem kújə yān kə́ táĺ tə́. Ni ndán̄g rɔ̄n dɔ ɓē yān tə́. Ni ur kɔĺ dɔ de gə̄ malang ń ndin̄ dɔ nang tə́ ní, tītə̄ yā ngé mbə̄sā kan̄ kāgə̄ nduú kə njadə́ beē.

IJAI 63:15

Kɔ́ɔ̄ɓē, ī-ndi dɔɔ́ dɔ rā̰ tə́ a̰a̰ń loo. Ī-ndi loo kə́ táĺ tə́ ō, kə́ majə ngá̰ý tə́ ō á̰a̰ń yá̰á̰ ń rāājí ní. Tár yāí ń a o̰ō̰ī kə́ hor tə́ tām̄ yājí tə́ ní n to rá? Tɔ́gí n to rá? J-a̰a̰ rāā kə́ ī-rāā tɔdɔ̄jí to̰ aĺ ō, kem majə yāí kə́ tām̄ yājí tə́ to̰ aĺ ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 57:5

Ngur asəsí nák kadə̄ kāgə̄ kə́ yā ɓōĺ gidə gə̄ tə́, gír kāgə̄ gə̄ malang kə́ mbīdə́ əga ku tə́. Sḭḭ̄ ī-tɔ̄lī ngán gə̄ ba ī-tunīdə́ kadə ngán man̄ gə̄ tə́, bəlo mbal̄ gə̄ tə́.

2 YÁ̰A̰ GƏ̄ 30:27

Gō tə́ anī ngán Lebi kə́ ngé tun̄ yá̰a̰ gə̄ ḭḭn̄ dɔɔ́ ba tɔ́rə̄n̄ tadə́ dɔ de gə̄ tə́. Ndɔ̄ȳ yādə́ aw̄ bátə́ teē dɔ rā̰ ń i loo ndi kə́ táĺ yā Nə́ɓā ní tə́ ō, Nə́ɓā rāā yá̰á̰ ń dəjen̄ ní ō.

IJAI 41:1

Kɔ́ɔ̄ɓē əda na: Sḭḭ̄ gír de gə̄ ń ī-ndiī sa̰y ní, ī-ndiī tasí mbóo ōōiń najə̄ yāḿ. Sḭḭ̄ de kə́ kem ɓēé gə̄ malang, ī-téĺ ə́hɔī rɔ̄sí tɔgə gogə́ rang. Ī-ndɔ́tī kə̄ kété ba ɔ̄rī najə̄! A̰á̰ā̰, j-awī naā tə́ malang loo sarya tə́.

NDŪ NAJƏ̄ 18:21

Majanī ā ī-dəje rɔ̄í najə̄ ā əda na: J-a jə-rāā i ba̰ý n j-a jə-gerə̄ń kadə̄ i Kɔ́ɔ̄ɓē n əda najə̄ aĺ ní?

NDŪ NAJƏ̄ 18:22

Ré yá̰á̰ ń nge koō ta əda kə rī Kɔ́ɔ̄ɓēé ní rāā yá̰a̰ aĺ anī, najə̄ ní i Kɔ́ɔ̄ɓē n əda ní alé. I kɔjə rɔ̄ n rāā nge koō ta á ədań najə̄ ní ba ī-lōō ɓōlə́n.

IJAI 14:2

Gotə gír de kə́ rang gə̄ a reēn̄ sāā Israel tə́ yā tél kaw̄ seneé gogə́ dɔ nang yān tə́. Loo ń noō tə́ gír deē yā Israel gə̄ a əhɔn̄ de gə̄ ngeé ń toō ɓəlo tə́, dəngam gē dəyá̰ gē, dɔ nang yā Kɔ́ɔ̄ɓē tə́. Ngé gə̄ ń əhɔnən̄ dəngáý kété ní, ni a əhɔdə́ dəngáy i tītə̄ ń noō, ngé gə̄ ń kété rējə̄nən̄ ní, ni a téĺ kɔ́ɔ̄də́ i tītə̄ ń noō.

IJAI 19:16

Ndɔ̄ kógə̄ḿ tə́ anī de kə́ Ejiptə gə̄ a ton̄ tītə̄ dəyá̰ gə̄ beé. Dan ń Kɔ́ɔ̄ɓē kə́ bo kə́ tɔ́gən i ngá̰ý a un jīn kə́ ɓir̄ yā kəlań ɓōĺ kemdə́ tə́ anī, ɓōĺ a rāādə́ kadə̄ a ndewn̄.

SOPONI 2:9

I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

JAKARI 4:9

Jorobabel əndā ngəra kújə yā Kɔ́ɔ̄ɓē ō, i ni n a tɔ̄l̄ ta ō ní. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ kə̄ rɔ̄sí tə́ ní.

JAKARI 6:15

Ngé gə̄ ń nin̄ i sa̰y ní, a reēn̄ yā tél rāā kújə yā Kɔ́ɔ̄ɓē gogə́ rang. Loo ń noō tə́ ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý rɔ̄kum n əlam̄ kə̄ rɔ̄sí tə́ ní. Yá̰á̰ ń noō a rāā yá̰a̰ dan ń ōōī ta Kɔ́ɔ̄ɓē Nə́ɓā yāsí rɔ̄kum ní.