JAKARI 2:12 - Bibəl ta Sar̄

¹² Kɔ́ɔ̄ɓē kə́ bo kə́ tɔ́gən i ngá̰ý əndā najə̄ kə́ bo ngá̰ý taḿ tə́. Najə̄ ń ni-əda dɔ nápar de gə̄ ń ɔyn̄ yá̰a̰ yāsí gə̄ dɔ gúú tə́ ní n toó: Deē ń ənīsí rɔ̄ɔ̄ ní, ənī i yá̰a̰ kənge yāḿ kə́ gātə̄n i ngá̰ý rɔ̄ɔ̄.

Bible sar

¹² Kɔ́ɔ̄ɓē kə́ bo kə́ tɔ́gən i ngá̰ý əndā najə̄ kə́ bo ngá̰ý taḿ tə́. Najə̄ ń ni-əda dɔ nápar de gə̄ ń ɔyn̄ yá̰a̰ yāsí gə̄ dɔ gúú tə́ ní n toó: Deē ń ənīsí rɔ̄ɔ̄ ní, ənī i yá̰a̰ kənge yāḿ kə́ gātə̄n i ngá̰ý rɔ̄ɔ̄.

JAKARI 2:12 Referans Kwoze

JAKARI 1:17

Gō tə́ anī, de kə́ dɔ rā̰ tə́ ní mērə̄m̄ kəda najə̄ kə́ rang yā Kɔ́ɔ̄ɓē kə́ bo kə́ tɔ́gən i ngá̰ý ń toō: Yá̰á̰ kə́ majə gə̄ a télən̄ yā taā loo gogə́ kem ɓē yāḿ gə̄ tə́ ɓáý to̰ ō. M-ā m̄-tél yā gə̄rā ɓē kə́ Jerusalem gogə́ ɓáý to̰ ō, m-ā m̄-tél kə kəhɔ rɔ̄ tɔgɔɔ́ yā kadə̄n gogə́ ō.

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

PĀ GƏ̄ 33:12

Rɔ̄nel̄ i kə nápar de gə̄ ń Kɔ́ɔ̄ɓē i Nə́ɓā yādə́ ní. Rɔ̄nel̄ i kə gír de gə̄ ń Kɔ́ɔ̄ɓē gə̄rādə́ kadə̄ nin̄ i yá̰a̰ kəngen gə̄ ní.

JEREMI 51:19

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír ɓē ń i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

IJAI 41:9

M-āw̄ sāāí tə́ bátə́ m-ūgə̄ ta ngóy dɔ nang tə́, ī-ndi i gō nang kə́ sa̰y tɔȳ gotə gō nang kə́ rang gə̄ tə́ n m̄-ɓāríī tū tə́ ní. M-ə́daī na nge kəla yāḿ i ḭ̄, m̄-gə̄rāī, ba m̄-tə́taī kə̄ gogə́ alé.

PĀ GƏ̄ 135:4

Tɔdɔ̄ Kɔ́ɔ̄ɓē gə̄rā Jakob tām̄ yān tə́, ni-rāā Israel i yá̰a̰ yān nəkɔ́ tə́.

PĀ GƏ̄ 82:8

Nə́ɓā, ḭ́ḭ dɔɔ́! Ādə̄ ḭ̄ i nge gān̄g sarya kə́ dɔ nang tə́, tɔdɔ̄ nápar de gə̄ malang i yá̰a̰ yāí.

2 YÁ̰A̰ GƏ̄ 6:6

banī na n-gə̄rā ɓē kə́ Jerusalem kadə̄ rīn i dɔ tə́ ō, na n-gə̄rāī ḭ̄ Dabid kadə̄ ó̰o̰ ɓē dɔ gír deē yān gə̄ tə́ ō.

PĀ GƏ̄ 132:13

Tɔdɔ̄ Kɔ́ɔ̄ɓē gə̄rā Siyo̰, ni gḛy rāān i loo ndi yān tə́.

PĀ GƏ̄ 132:14

Ni əda wáńg na: Loo kɔr̄ koō yāḿ kə́ a to ta kaw̄ jóo n toó, i loo ń toō n m̄-sāā ndi tū tə́ ní.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

JAKARI 3:2

De kə́ dɔ rā̰ tə́ yā Kɔ́ɔ̄ɓē ní, əda nge kəndā najə̄ dɔ de gə̄ tə́ na: Sətan, ādə̄ Kɔ́ɔ̄ɓē rāāī adə̄ ūtə̄ taí! A̰á̰ā̰, ādə̄ ni rāāī adə̄ ūtə̄ taí, ni ń gə̄rā Jerusalem ní! Yesua ní to i tītə̄ ta kīr̄ hor kə́ kɔr̄ horoó beē aĺ a?

NDŪ NAJƏ̄ 32:10

Kɔ́ɔ̄ɓē ənge gír deē yān gə̄ i kem dəla loo tə́, loo kə́ tal̄ gə̄ a nōn̄ tū tə́ tə́. Ni-a̰a̰ gōdə́ ō, ɔjədə́ yá̰a̰ ō, Ni-ngɔ̄m̄də́ tītə̄ loo ngɔ̄m̄ kumən beé ō.

ESTER 6:13

Ni ɔjə nə̄yá̰n Jeres gotə yá̰a̰ malang ń rāān ní ō, ɔjə madə̄n gə̄ malang ō. Ngé kum kedə̄ yān gə̄ ō, nə̄yá̰n ō, ədanən̄ na: Ré Mardose ń ə́lá gír kəsō non tə́ toō i Jipə anī ā ásə rāā yá̰á̰ kógə̄ḿ seneé alé, ā ī-to i dan tə́sō tə́ non tə́ ngándáńg!

PĀ GƏ̄ 105:15

Əda de gə̄ na: Ī-lōōī kɔdə rɔ̄ ngé gə̄ ń m-úr yibə̄ dɔdə́ tə́ ní, ī-lōōī rāā ngé koō ta yāḿ gə̄ yá̰á̰ kə́ majaĺ!

IJAI 17:14

Loo tíbí anī, i ɓōĺ kógə̄ḿ kə́ to ɓōĺ ngá̰ý, kété pá tá kadə̄ loo tīī anī, nin̄ gətóon̄ kɔ̄ɔ́ malang. Yá̰á̰ ń a rāā ngé gə̄ ń ɔyn̄ yá̰a̰ yājí malang kɔ̄ɔ́ ní n noó, yá̰á̰ ń ngé kɔy yá̰a̰ yājí dɔ gúú tə́ gə̄ a əngen̄ ní n noó. pá tá kadə̄ loo tīī ní, yá̰á̰ kógə̄ḿ kə́ na gətóo ō.

JEREMI 30:16

Ɓáa de gə̄ malang ń nujən̄ seí ní, a nujən̄ sedə́ ō, a əhɔn̄ madə̄ ba̰ā̰í gə̄ náḿ náḿ yā kaw̄ sedə́ dɔ nang kə́ rang tə́ ō. De gə̄ ń nujən̄ kə yá̰a̰ yāí ní a nujən̄ kə yá̰a̰ yādə́ ō. De gə̄ malang ń ɔyn̄ yá̰a̰ yāí dɔ gúú tə́ ní m-ā m-ə́ya̰ kadə̄ ɔyn̄ yá̰a̰ yādə́ dɔ gúú tə́ ō.