JAKARI 2:11 - Bibəl ta Sar̄

¹¹ De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

Bible sar

¹¹ De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

JAKARI 2:11 Referans Kwoze

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

KƏLA RĀĀ 28:28

Ní, ōōī majə: I de gə̄ kə́ nin̄ i Jipə aĺ gə̄ n əlan̄ kə kajə kə́ Nə́ɓā a ajə de gēé ń toō adə̄n̄də́ ní. Nin̄ a oōn̄!

Najə̄ kə́ Majə yā Jeju ń Luk ndang ní 2:32

Ni i loo kə́ unjə̄ kow tām̄ yā nápar de kə́ rang gə̄ tə́ ō, a ɔsə gɔn Israel ń i gír deē yāí gə̄ ní ō.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

JA̰A̰ 17:21

Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

JAKARI 3:10

Ndɔ̄ ngeé ń noō tə́ ní, ā ī-ɓāríī naā kem ndɔr̄ kāgə̄ nduú yāsí gə̄ tə́ ō, ā ī-ɓāríī naā ndíl kāgə̄ kótə̄ yāsí gə̄ tə́ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

EJEKIEL 33:33

I tām̄ najə̄ ń toō tə́ n ré yá̰a̰ gə̄ ń noō a rāān̄ yá̰a̰ anī, ta dɔ yá̰a̰ gə̄ ní i ngɔr, nin̄ a gerə̄n̄ kadə̄ nge koō ta kógə̄ḿ ndi dandə́ tə́ kété ní.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

IJAI 66:19

M-ā m-ə̄ndā yá̰á̰ kógə̄ḿ dandə́ tə́ yā kɔjəń yá̰a̰. Ngé gə̄ ń a teēn̄ ta yo tə́ gō sarya gāngə̄ḿ tə́ ní, m-ā m-ə́ládə́ kə̄ rɔ̄ nápar de gə̄ kə́ Tarsis tə́ ō, Pul tə́ ō, Lud tə́ ō, nin̄ gə̄ ń noō ń i de gə̄ kə́ gerə̄n̄ kur gərā ngá̰ý ní. M-ā m-ə́ládə́ kə̄ rɔ̄ de gə̄ kə́ Tubal tə́ ō, Yaban tə́ ō, m-ā m-ə́ládə́ sa̰y kə̄ dɔ dor̄ gə̄ tə́ ō, loo ń deē oō najə̄ yāḿ nja kógə̄ḿ tū tə́ aĺ tə́ ní, loo ń deē a̰a̰ kɔsə gɔn yāḿ nja kógə̄ḿ tū tə́ aĺ tə́ ní. Adə̄ nin̄ a rāān̄ kadə̄ nápar de gə̄ ń noō gerə̄n̄ kɔsə gɔn yāḿ.

IJAI 52:10

Ni ɔjə tɔ́gən kə́ táĺ ta kum nápar de gə̄ tə́ malang ō, de gə̄ a̰a̰n̄ loo kajə ń Nə́ɓā yājí a ajəjí ní bátə́ ta ngóy dɔ nang tə́ ō.

PĀ GƏ̄ 72:17

ādə̄ ni-rāā adə̄ rīn to ngándáńg, ādə̄ rāā adə̄ rīn ní ɓār̄ ta kaw̄ kə̄ jóo, dɔ nang ń mbang a ɔsə tū tə́ ní tə́. Kadə̄ de gə̄ ədan̄ najə̄ yān tɔ́rə̄n̄neé tadə́ dɔ naā tə́ ō, kadə̄ nápar de gə̄ malang ədan̄ na mban̄g ndi kə rɔ̄nelēé ō.

JA̰A̰ 17:25

Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

JA̰A̰ 17:23

Mā i kemdə́ tə́, ba ḭ̄ i kemḿ mā tə́, yā kadə̄ nin̄ i kógə̄ḿ beē mámák. I tītə̄ ń noō tá de kə́ dɔ nang tə́ gə̄ a gerə̄n̄ kadə̄ i ḭ̄ n ə́lam̄ ní ō, ī-táŕdə́ tītə̄ ń ī-tármə̄ń ní ō.

Teē Ngán Israel gə̄ 12:49

Ndū najə̄ kə́ tām̄ yā ngán Israel gə̄ tə́ ō, kə́ tām̄ yā tə̄rā kə́ ngé nam̄ gə̄ ń ndin̄ dɔ nang yāsí tə́ ō ní i ndū najə̄ kə́ kógə̄ḿ beē.

IJAI 48:16

Ī-ndɔ́tī kə̄ rɔ̄ḿ tə́ ba ōōī: M-ə́lá gír kɔr̄ najə̄ loo mundə̄ tə́ aĺ i ta kəla gíŕ tə́ nú. Dan ń yá̰a̰ gə̄ ń toō rāān̄ yá̰á̰ ní, mā i noó. Ba ngɔlaā ní, Kɔ́ɔ̄ɓē Nə́ɓā əlam̄ ō, ni-adə̄m̄ Ndílən ō.

MISE 4:2

Nápar de kə́ ngá̰ý gə̄ kə́ dɔ nang kə́ rang tə́ a əsōn̄ róbó yā reē. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń a sāā rɔ̄jí tə́ ní ō, j-a j-uniī róbə́ ń ni ɔjəjí ní ō. Tɔdɔ̄ yá̰á̰ ndóō yā Kɔ́ɔ̄ɓē teē i Siyo̰. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

JAKARI 1:16

I tām̄ najə̄ ń toō tə́ n m-ə́da najə̄ ń toō ní, mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní. M-ā m̄-tūr̄ rɔ̄ḿ kə̄ rɔ̄ Jerusalem tə́ ɓáý to̰ kə kem kə́ majaá. Loo ń noō tə́ a télən̄ yā rāā kújə́ kə́ bo yāḿ gogə́ rang ō, a télən̄ yā rāā ɓē gogə́ rang ō.

JAKARI 2:5

Mā Jakari m-ún kumḿ kə̄ dɔɔ́ anī, yá̰á̰ ń m-á̰ā̰ ní n toó, m-á̰a̰ i deē kógə̄ḿ kə́ əhɔ kəlā kə́ yā mbɔ̄jə́nń loo jīn tə́.

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

JAKARI 8:8

M-ā m̄-tél yā reē sedə́ gogə́, kadə̄ a ndin̄ kem ɓē kə́ Jerusalem tə́. Nin̄ a télən̄ gír deē yāḿ gə̄ ō, mā i Nə́ɓā yādə́ kə́ nge ra dɔ ndūn tə́ ō, kə́ nge rāā yá̰á̰ kə́ gōtə́ ō.

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí unjə̄ njáý njáý.

JEREMI 50:8

Ā̰yī naā kɔ̄ɔ́ kem ɓē kə́ Babilon tə́, ɓē yā Kalde gə̄ tə́. Ī-teēī kɔ̄ɔ́ ba ī-toī tītə̄ bal bə̄yā̰ gə̄ kə́ njə̄rān̄ kété no yá̰a̰ kul̄ madə̄də́ gə̄ tə́ beē.