JAKARI 2:1 - Bibəl ta Sar̄

¹ M-ún kumḿ kə̄ dɔɔ́ anī, m-á̰a̰ gajə dā̰ gə̄ sɔ́.

Bible sar

¹ M-ún kumḿ kə̄ dɔɔ́ anī, m-á̰a̰ gajə dā̰ gə̄ sɔ́.

JAKARI 2:1 Referans Kwoze

EJEKIEL 40:3

Ni-aw̄ seḿ nú, ba yá̰á̰ ń m-á̰á̰ ní n toó: De kógə̄ḿ kə́ to tītə̄ gində̄ nə̄ngá kasə ra kə njan kə́ dɔɔ́, ngɔr kə̄ ta róbə́ kógə̄ḿ tə́. Ni-əhɔ kəlā lḛ́ḛ́ kógə̄ḿ ō, mu tə̄ɓā kə́ yā mbɔ̄jə́nń ngāl̄ loo ō, jīn tə́.

JAKARI 1:16

I tām̄ najə̄ ń toō tə́ n m-ə́da najə̄ ń toō ní, mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní. M-ā m̄-tūr̄ rɔ̄ḿ kə̄ rɔ̄ Jerusalem tə́ ɓáý to̰ kə kem kə́ majaá. Loo ń noō tə́ a télən̄ yā rāā kújə́ kə́ bo yāḿ gogə́ rang ō, a télən̄ yā rāā ɓē gogə́ rang ō.

JEJU TEĒ KUM JA̰A̰ 21:15

De kə́ dɔ rā̰ tə́ ń ɔr̄ najə̄ seḿ ní, yá̰a̰ mbɔ̄jə́ ngāl̄ yá̰á̰ kógə̄ḿ i jīn tə́. Yá̰á̰ ní i tə̄ɓā lɔ́ŕ kə́ yā mbɔ̄jə́nń ɓē ō, ta róbə gə̄ kə́ yā kudəń kə̄ kem ɓēé ō, yā mbɔ̄jə́nń ndogə̄ mbal̄ kə́ gidə ɓē tə́ ō.

JEJU TEĒ KUM JA̰A̰ 11:1

Anī adə̄mə̄n̄ tə̄ɓā kə́ to tītə̄ kāgə̄ mbɔ̄jə́ yá̰a̰ beé, ba ədamə̄n̄ na kə m-ḭ́ḭ dɔɔ́ kə m̄-mbɔ̄jə́ kújə yā Nə́ɓā ō, loo tun̄ yá̰a̰ ō, kə m̄-tə́da kutə de gə̄ ń a rɔȳn̄ Nə́ɓā kemeé ní ō.

EJEKIEL 47:4

Gō tə́ anī ni mbɔ̄jə́ ngāl̄ loo asə kíl deē dūbú kógə̄ḿ ō, ədam̄ adə̄ m̄-njə̄rā kum man̄ tə́ yā teē kə̄ gidə kógə̄ḿ tə́ ō, anī man̄ ní ugə̄ ta kəjəḿ gə̄ tə́. Ni-tél mbɔ̄jə́ ngāl̄ loo asə kíl deē nja dūbú kógə̄ḿ ō, ədam̄ adə̄ m̄-njə̄rā kum man̄ tə́ yā teē kə̄ gidə kógə̄ḿ tə́ ō. Anī man̄ ní ugə̄ ɓōdə̄ḿ tə́.

EJEKIEL 40:5

Yá̰á̰ ń m-á̰a̰ā̰ ní n toó: Ndogə̄ mbal̄ kə́ gidə tə́ ndágá gīr̄ gidə kújə yā Kɔ́ɔ̄ɓē. Deē ní əhɔ tə̄ɓā yān jīn tə́. Tə̄ɓā ní ngālən asə kíl deē mehḛ́. Ni mbɔ̄jə́ laa ndogə̄ mbal̄ ní ō, ngālən kə́ kə̄ dɔɔ́ i kíl deē mehḛ́ ō.

JEREMI 31:39

De gə̄ a ənīn̄ kəlā mbɔ̄jə́ loo nang tə́ kum kə̄ dɔ ngán mbal̄ kə́ Gareb tə́ ō, a aw̄n̄neé kum kə̄ Goa ō.

EJEKIEL 47:3

Dan ń dəngam ní teē ndágá kum kə̄ gír ɓē tə́ ní, ni-əhɔ kəlā mbɔ̄jə́ ngāl̄ loo jīn tə́, adə̄ ni mbɔ̄jə́ ngāl̄ loo asə kíl deē nja dūbú kógə̄ḿ. Ni ədam̄ adə̄ m-údə kum man̄ tə́ yā teē kə̄ gidə kógə̄ḿ tə́ anī, man̄ ní ugə̄ gidə njaḿ gə̄ tə́.

IJAI 54:16

A̰á̰ā̰, i mā n m̄-rāā kɔdə̄ ní, ni tóo yā̰l̄ hor kə́ ajə ying gə̄ kə ndúbə ō, ni-rāā yá̰a̰ rɔ̄ɔ̄ kə́ tayā tayā gə̄ ō. Deē ń asə nujə yá̰a̰ rɔ̄ɔ̄ gə̄ ń noō ní, i mā n m̄-rāān ō.

JEREMI 48:25

Tɔ́gə Moab təgā malang kɔ̄ɔ́ jīn i kə́ tetə kɔ̄ɔ́. Najə̄ ń Kɔ́ɔ̄ɓē əda ní n noó.

DANIEL 7:7

Yá̰a̰ gə̄ ń teēn̄ ta kumḿ tə́ ndɔ̄ɔ́ ní m̄-na̰y kə̄ loo ka̰a̰də́ tə́: Dā̰ kə́ nge ko̰ sɔ́ ń m-á̰a̰ā̰ ní i dā̰ kə́ to ɓōĺ ngá̰ý ō, i dā̰ kə́ a rāā deē kə ɓōló ngá̰ý ō, ngan̄g to ɓōĺ ngá̰ý ō, rāān̄də́ i kə gidí ō, ni əsań yá̰a̰ ō, gángəń yá̰a̰ naā tə́ ō, gotə yá̰á̰ ń na̰y ní ɓáa ni tə́ɓā kə njaneé ō. Dā̰ kə́ mətá gə̄ ń teēn̄ kété non tə́ ní to tītə̄də́ aĺ ō, gajən i kutə kógə̄ḿ ō.