JAKARI 14:6 - Bibəl ta Sar̄

⁶ Ndɔ̄ ngeé ń noō tə́ ní, deē a sāā nja loo kə́ unjə̄ kow to̰ alé. Kūl̄ a o̰o̰ to̰ aĺ ō, kūl̄ a rāā man̄ kadə̄ a tél kɔ̄sə̄ to̰ aĺ ō.

Bible sar

⁶ Ndɔ̄ ngeé ń noō tə́ ní, deē a sāā nja loo kə́ unjə̄ kow to̰ alé. Kūl̄ a o̰o̰ to̰ aĺ ō, kūl̄ a rāā man̄ kadə̄ a tél kɔ̄sə̄ to̰ aĺ ō.

JAKARI 14:6 Referans Kwoze

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

2 PIYER 1:19

Adə̄ jḭḭ j-əhɔ gír najə̄ ń ngé koō ta gə̄ ədan̄ ní adə̄ ngan̄g ngá̰ý tɔȳ kə́ kété ɓáý. Ré ə̄ndāī kumsí gír najə̄ ní tə́ anī, ī-rāāī i yá̰á̰ kə́ majə. Tɔdɔ̄ ni-to i tītə̄ hor lámbá kə́ unjə̄ loo kə́ risə til tə́ beé bátə́ kadə̄ loo tīīń ō, tītə̄ dɔgə́ loo tīī kə́ teē ngarān̄g kemsí tə́ beé ō.

JA̰A̰ 12:46

m̄-reē dɔ nang tə́ i kə́ loo kə́ unjə̄ kow tə́, yā kadə̄ náā nəkɔ́ ń taā kemḿ anī, ndi kum til tə́ alé.

PĀ GƏ̄ 112:4

Loo kə́ unjə̄ kow kógə̄ḿ unjə̄ kum til tə́ tām̄ yā de kə́ súmūú gə̄ tə́. Ni i de kə́ súmūú ō, de kə́ nge rāā kem majə ō, kumən a o̰o̰n ō.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

KOLOSƏ 1:12

Ā ī-ndadī Bɔbə̄jí Nə́ɓā kə rɔ̄nelēé, tɔdɔ̄ ni-rāā adə̄ ásiī kənge yá̰a̰ naā tə́ kə ngé yān gēé kem Ɓē ko̰o̰ yān kə́ loo unjə̄ kow tū tə́ tə́.

JA̰A̰ 1:5

Loo kə́ unjə̄ kow ní unjə̄ kum til tə́, ba til asə ger̄ loon alé.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

JEREMI 4:23

M-á̰a̰ loo kə̄ dɔ nang tə́ anī, m-á̰a̰ kadə̄ dɔ ndágə doy ō, yá̰a̰ gətóo tū tə́ ō. M-á̰a̰ loo kə́ no rā̰ tə́ anī, m-á̰a̰ kadə̄ loo kə́ unjə̄ kow gətóo kɔ̄ɔ́ tū tə́.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

IJAI 13:10

Tə́yō̰ kə́ dɔ rā̰ tə́ gə̄ ō, ɓūtə̄ tə́yō̰ gə̄ ō ní, a nujən̄ to̰ alé. Dan ń mbang a əɓa lap anī, a tetə ndul kɔ̄ɔ́ ō, nāā a ndaa to̰ aĺ ō.

KƏLA RĀĀ 2:16

Ba i yá̰á̰ ń Joel nge koō ta əda najə̄n kété ní n a rāā yá̰a̰ toó, ni-əda kété na:

KƏLA RĀĀ 2:19

M-ā m̄-rāā yá̰á̰ kə́ yáā gə̄ dɔɔ́ dɔ rā̰ tə́ ō, yá̰á̰ kə́ to kɔr kum gə̄ dɔ nang tə́ laā ō. Mósə ō, hor ō, sa hor kə́ tītə̄ kil̄ man̄ gə̄ ō a ton̄.

IJAI 24:23

Rɔ̄ nāā a sɔlə̄n ō, rɔ̄ mbang a sɔlə̄n ngá̰ý ō. Tɔdɔ̄ i Kɔ́ɔ̄ɓē kə́ bo kə́ tɔ́gən i ngá̰ý ní n a ndi mban̄g Jerusalem, dɔ mbal̄ bo kə́ Siyo̰ tə́ ní. Kɔsə gɔn yān a ndə́lē ta kum kum kɔɔ̄ gə̄ kə́ kem ɓēé tə́.

EJEKIEL 32:7

Dan ń ā ī-ndi kə kumií to̰ aĺ ní, m-ā m-ūtə̄ gidə dɔ rā̰ kə kūbə̄ kógə̄ḿ ō, tə́yō̰ gə̄ a ndulən̄ ō. M-ā m-ūtə̄ gidə mbang kə kil̄ maná ō, nāā a ndaa aĺ ō.

EJEKIEL 32:8

Yá̰á̰ kə́ unjə̄ kow gə̄ malang kə́ dɔ rā̰ tə́ ní, m-ā m̄-rāādə́ yā kadə̄ nin̄ a télən̄ yā tetə ndul najə̄ yāí ḭ̄ tə́ ō, m-ā m̄-rāā kadə̄ ɓē yāí a ndi tilií ō. I mā Kɔ́ɔ̄ɓē Nə́ɓā n m-ə́da najə̄ ń noō ní.

JOEL 2:2

I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.