JAKARI 14:3 - Bibəl ta Sar̄

³ Loo ń noō tə́ Kɔ́ɔ̄ɓē a rɔ̄ɔ̄ gír de kə́ rang gə̄. Ni a rɔ̄ɔ̄ tītə̄ ń a rɔ̄ɔń dan yā rɔ̄ɔ̄ gə̄ tə́ ngándáńg ní.

Bible sar

³ Loo ń noō tə́ Kɔ́ɔ̄ɓē a rɔ̄ɔ̄ gír de kə́ rang gə̄. Ni a rɔ̄ɔ̄ tītə̄ ń a rɔ̄ɔń dan yā rɔ̄ɔ̄ gə̄ tə́ ngándáńg ní.

JAKARI 14:3 Referans Kwoze

JAKARI 12:9

Kɔ́ɔ̄ɓē əda na: Kum mbang ngeé ń noō tə́ ní, gír de gə̄ malang ń a reēn̄ kənī ɓē kə́ Jerusalem rɔ̄ɔ̄ tə́ ní, m-ā m̄-sāā loo nujədə́ kɔ̄ɔ́ malang.

SOPONI 3:19

Kum mbang ngeé ń noō tə́ ní, de gə̄ malang ń rējə̄n̄sí kə yá̰a̰ rāā kə́ gōtə́ aĺ ní, m-ā m̄-rāādə́ kadə̄ oyn̄. Kum mbang ngeé ń noō tə́ ní, de gə̄ yāsí gə̄ ń əngen̄ do ní, m-ā m̄-ndem̄ ta dodə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-tél yā reē sedə́ gogə́. M-ā m̄-rāā kadə̄ a rɔyn̄sí ō, a gerə̄n̄ rīsí kə̄ kem ɓē gə̄ malang ń əlan̄ rɔ̄sɔl̄ dɔsí tə́ tū tə́ ní tə́ ō.

JOEL 3:2

Kem ndɔ̄ gə̄ ngeé ń noō tə́ ní, m-ā m̄-rāā kadə̄ Ndílə́ḿ risə dɔ ngé kəla kə́ dəngam gə̄ tə́ ō, dɔ ngé kəla kə́ dəyá̰ gə̄ tə́ ō.

2 YÁ̰A̰ GƏ̄ 20:15

Ni-əda na: Sḭḭ̄ malang, Juda gə̄ ō, de kə́ Jerusalem gə̄ ō, mban̄g Josapat ō, ī-nēlī mbīsí majə ōōīneé! Najə̄ ń Kɔ́ɔ̄ɓē əda ní n toó: Ī-lōōī sōl̄ ō, ī-lōōī kadə̄ ndíĺsí a̰ȳ ō, no kósə de kə́ ngá̰ý gə̄ ń toō tə́, tām̄ rɔ̄ɔ̄ ń toō i rɔ̄ɔ̄ yāsí alé ba i rɔ̄ɔ̄ yā Nə́ɓā.

JOJUE 10:42

Jojue tetə mban̄g gə̄ ń nuū rɔ̄ɔ̄ gidə kógə̄ḿ ō, taā dɔ nang yādə́ ō, tɔdɔ̄ Kɔ́ɔ̄ɓē Nə́ɓā yā Israel n rɔ̄ɔ̄ tām̄ yā Israel tə́ ní.

JOJUE 10:10

Kɔ́ɔ̄ɓē tə̄ndā Amor gə̄ tḭ̄ḭ̄də́ kɔ̄ɔ́ no ngán Israel gə̄ tə́, adə̄ ngán Israel gə̄ tɔ̄lə̄ndə́ ngá̰ý kadə ɓē kə́ Gabaon tə́. Ngán Israel gə̄ ngɔ̄də̄n̄ Amor gə̄ kum kə̄ Bet Horon ń i loo kə́ kḭḭ kə̄ dɔɔ́ tə́ ní, rɔ̄ɔ̄n̄də́ bátə́ ugə̄n̄ sedə́ Ajeka ō, Makeda ō.

JOJUE 10:14

Kété no ndɔ̄ ń nuū tə́, aké gō ndɔ̄ ń nuū tə́ ní, ndɔ̄ kə́ rang kə́ tītə̄ ndɔ̄ ń nuū gətóo. I ndɔ̄ ń nuū tə́ ngóy n Kɔ́ɔ̄ɓē raań yá̰a̰ kə gō ń deē ndul dəjenəń ní. Tɔdɔ̄ i Kɔ́ɔ̄ɓē nəkɔ́ n rɔ̄ɔ̄ tām̄ yā ngán Israel gə̄ tə́ ní.

NEHEMI 4:14

ré ōōī kōō tōw̄ kə́ ɓār̄ anī, ɔ́siī dɔsí naā tə́ rɔ̄ḿ tə́. Nə́ɓā yājí a rɔ̄ɔ̄ tām̄ yājí tə́.

IJAI 29:7

Ariel, kósə de gə̄ kə́ kem ɓēé gə̄ ń a rɔ̄ɔ̄īn̄ ní, a gətóon̄ kɔ̄ɔ́ tītə̄ nī beé. De gə̄ malang ń əndān̄ ndogə̄ mbal̄ gə̄ gīrə̄n̄neé gidií yā kənīīneé rɔ̄ɔ̄ ō, njadə́ ra kɔŕ kɔtə́yɔ gōí tə́ ō ní, nin̄ hində̄n̄ lim tītə̄ yá̰á̰ kə́ deē a̰a̰ ndɔ̄ɔ́ beē.