JAKARI 14:21 - Bibəl ta Sar̄

²¹ Jóo ndīr̄ yá̰a̰ gə̄ malang kə́ kem ɓē kə́ Jerusalem tə́ ō, dɔ nang kə́ Juda tə́ ō ní, a ɔrə̄n̄ kam̄də́ tām̄ yā Kɔ́ɔ̄ɓē kə́ bo kə́ tɔ́gən i ngá̰ý tə́. De gə̄ ń a reēn̄ ndējə̄ yá̰á̰ kə́ tun̄ gə̄ tə́ ní, a ɔyn̄ jóo gə̄ ní yā ndīrəń dā̰. Loo ń ré ndɔ̄ ní a ugə̄ anī, ngé kigə yá̰a̰ gə̄ a gətóon̄ kem kújə yā Kɔ́ɔ̄ɓē kə́ bo kə́ tɔ́gən i ngá̰ý tə́.

Bible sar

²¹ Jóo ndīr̄ yá̰a̰ gə̄ malang kə́ kem ɓē kə́ Jerusalem tə́ ō, dɔ nang kə́ *Juda tə́ ō ní, a ɔrə̄n̄ kam̄də́ tām̄ yā Kɔ́ɔ̄ɓē kə́ bo kə́ tɔ́gən i ngá̰ý tə́. De gə̄ ń a reēn̄ ndējə̄ yá̰á̰ kə́ tun̄ gə̄ tə́ ní, a ɔyn̄ jóo gə̄ ní yā ndīrəń dā̰. Loo ń ré ndɔ̄ ní a ugə̄ anī, ngé kigə yá̰a̰ gə̄ a gətóon̄ kem *kújə yā Kɔ́ɔ̄ɓē kə́ bo kə́ tɔ́gən i ngá̰ý tə́.

JAKARI 14:21 Referans Kwoze

EJEKIEL 44:9

Mā Kɔ́ɔ̄ɓē Nə́ɓā m-ə́da najə̄ ń toō: Tə̄rā ń əja mɔtə kə́ dan wur tə́ aĺ ō, oō taḿ aĺ ō ní, a udə kem loo yāḿ kə́ táĺ tə́ to̰ alé, ká ni ndiń i dan Israel gə̄ tə́ gə̄gē ní.

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.

1 TIMOTE 3:15

Ba ré m-ɔ́r bā̰ā̰ ɓáý anī, i beé n ā ī-gerə̄ń háĺ kə́ yā rāā kem kújə yā Nə́ɓā tə́ ní. Kújə́ ní i Egəlijə yā Nə́ɓā kə́ ndi kə kumneé. I nin̄ malang n i ngé kəhɔ najə̄ kə́ rɔ̄kum dɔɔ́ ō, ngé kɔsə kíl najə̄ kə́ rɔ̄kum ō ní.

JAKARI 14:20

Ndɔ̄ ngeé ń noō tə́ ní, ɓɔ kə́ dūú gə̄ yā sə́nda gə̄ gə̄gē, a ndangən̄ tū tə́ na: I kə́ kɔr̄ kam̄ tām̄ yā Kɔ́ɔ̄ɓē tə́. Jóo ndīr̄ yá̰a̰ gə̄ kə́ kem kújə yā Kɔ́ɔ̄ɓē tə́ ní, a ɓōlə́n̄ gidədə́ tītə̄ ń a ɓōlə́n̄nəń gidə kópə gə̄ ń mósə dā̰ gə̄ i kemeé ta loo tun̄ yá̰á̰ tə́ ní ō.

JAKARI 7:6

Ba dan ń əsaī yá̰a̰ ō, ā̰yī ō ní, i tām̄ yāsí sḭḭ̄ kɔ́ gə̄ tə́ wa ḿ?

OJEE 12:7

Majə kadə̄ ī-tél ī-reē gogə́ rɔ̄ḿ mā Nə́ɓā yāí tə́. Ɔ́jə kə̄ ndágá kadə̄ ḭ̄ i de kə́ nge kem majə ō, ī-ɓōĺ gidə yá̰á̰ kə́ súmūú ō, Ə̄ndā kemií dɔḿ mā Nə́ɓā yāí tə́ ngándáńg ō.

IJAI 35:8

Róbə́ kógə̄ḿ kə́ a ɓārə́n̄ na i róbə kə́ yā ɓōĺ gidə a to loo ń noō tə́. De kə́ yḛr a mān̄ tū tə́ alé, róbə́ ní a to i tām̄ yā gír de gə̄ yā Kɔ́ɔ̄ɓē tə́ ngóy. Mbóo de gə̄ a reēn̄ yā tḭ̄ḭ̄ ta rɔ̄də́ tū tə́ alé.

IJAI 4:3

Loo ń noō tə́ ngé gə̄ ń a ndin̄ Jerusalem ní, ngé gə̄ ń a ndin̄ kə kumdə́ ɓáý kem ɓē kə́ Siyo̰ tə́ ní, a ɓārə́n̄də́ na i ngé kə́ ɔrə̄n̄ kam̄də́ tām̄ yā Kɔ́ɔ̄ɓē tə́ gə̄. Kem ɓē kə́ Jerusalem tə́ ɓáa i de gə̄ malang ń Kɔ́ɔ̄ɓē ndang rīdə́ kem makətūbə̄ yān tə́ kadə̄ əngen̄ ndi kə kumuú ní.

NDŪ NAJƏ̄ 12:12

Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ kə ngáńsí kə́ dəngam gə̄ ō, kə́ dəyá̰ gə̄ ō, kə ngé rāā kəla yāsí gə̄ kə́ dəngam gə̄ ō, kə́ dəyá̰ gə̄ ō, naā tə́ kə ngán Lebi gə̄ ń ndin̄ kem ɓē yāsí gə̄ tə́ ní, tām̄ nin̄ əngen̄ dɔ nang yādə́ dɔ dáńsí tə́ alé.

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

IJAI 52:1

Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

EJEKIEL 45:1

Dan ń ā ī-gángī dɔ nang yā kadə̄ gír ɓē gə̄ kə́ Israel tə́ anī, ā ī-gángī núsən tām̄ yā Kɔ́ɔ̄ɓē tə́. Ngālən a asə kíl deē 25 000 ō, laan a asə kíl deē 20 000 ō. De gə̄ a rāān̄ dɔ nang ń noō malang kə taá i dɔ nang kə́ táĺ tə́.

SOPONI 1:11

Sḭḭ̄ de kə́ Wóló gə̄, ī-sōmíī, tɔdɔ̄ ngé gātə̄ gə̄ malang a oyn̄, a tɔ̄lə̄n̄ ngé mbɔ̄jə́ kɔȳ gində̄ arjā̰a̰ gə̄ malang kɔ̄ɔ́.