JAKARI 14:13 - Bibəl ta Sar̄

¹³ Ndɔ̄ ngeé ń noō tə́ ní, Kɔ́ɔ̄ɓē a rāā kadə̄ ɓōĺ kə́ to ɓōĺ ngá̰ý a rāādə́. Nin̄ a rɔ̄ɔ̄n̄ naā ō, nin̄ kógə̄ḿ kógə̄ḿ ń i madə̄ ɓē naā gə̄ ní, a ənīn̄ naā rɔ̄ɔ̄ ō.

Bible sar

¹³ Ndɔ̄ ngeé ń noō tə́ ní, Kɔ́ɔ̄ɓē a rāā kadə̄ ɓōĺ kə́ to ɓōĺ ngá̰ý a rāādə́. Nin̄ a rɔ̄ɔ̄n̄ naā ō, nin̄ kógə̄ḿ kógə̄ḿ ń i madə̄ ɓē naā gə̄ ní, a ənīn̄ naā rɔ̄ɔ̄ ō.

JAKARI 14:13 Referans Kwoze

JAKARI 12:4

Kum mbang ngeé ń noō tə́ ní, mā Kɔ́ɔ̄ɓē m-ə́dá wáńg na: M-ā m-ə́la ɓōĺ kem sə́nda gə̄ tə́ malang ō, ngé kal̄də́ gə̄ a a̰ȳn̄ kɔ̄r̄ ō. M-ā m-ə̄ndā kumḿ gō ɓē kə́ Juda tə́, banī sə́nda gə̄ malang yā nápar de gə̄ ní, m-ā m̄-rāādə́ kadə̄ kumdə́ a̰a̰ loo alé.

JAKARI 11:6

Mā Kɔ́ɔ̄ɓē m-ə́dá wáńg na: Kumḿ a o̰o̰m̄ kə de kə́ dɔ nang tə́ gēé to̰ alé. M-ā m-ə́la deē ndul gə̄ kógə̄ḿ kógə̄ḿ kem jī madə̄ ɓēdə́ gə̄ tə́ ō, kem jī mban̄g yādə́ tə́ ō. Mban̄g gə̄ a nujən̄ dɔ nang kɔ̄ɔ́ malang ō, m-ā m̄-taā deē kógə̄ḿ jīdə́ tə́ yā kəya̰n dɔɔ́ aĺ ō.

EJEKIEL 38:21

Gog, m-ā m̄-rɔ̄ɔ̄ī dɔ mbal̄ bo yāḿ gə̄ tə́ malang. I mā Kɔ́ɔ̄ɓē Nə́ɓā n m-ə́da najə̄ ń noō ní. Áskar yāí gə̄ a tɔ̄lə̄n̄ naā dɔ dáńdə́ tə́.

NGÉ SARYA 7:22

Dan ń de kə́ ɓú mətá gə̄ a kɔ̄rə́n̄ tōw̄ ní, Kɔ́ɔ̄ɓē rāā adə̄ de gə̄ malang kə́ kem gérgereé tél tūrə̄n̄ ta kaskar kə̄ dɔ naā tə́ tɔ̄l̄nəń naā, ba gotə de gə̄ ń na̰yn̄ ní a̰ȳn̄ naā bátə́ ugə̄n̄ ɓē kə́ Bet Sita tə́ kum kə̄ Sereda ō, bátə́ ugə̄n̄ ɓē kə́ Abel Mehola tə́ kadə ɓē kə́ Tabat tə́ ō.

JAKARI 14:14

De kə́ dəngam gə̄ kə́ Juda a rɔ̄ɔ̄n̄ kem ɓē kə́ Jerusalem tə́. Nin̄ a ɔyn̄ yá̰a̰ kənge gə̄ kə́ kem ɓē gə̄ kə́ kadədə́ gə̄ tə́ malang. Adə̄ i lɔ́r ō, i gində̄ arjā̰a̰ ō, i kūbə̄ gə̄ kə́ ngá̰ý ō. Nin̄ a kánə̄n̄ yá̰a̰ gə̄ ń noō kə̄ dɔ naā tə́ gidə ɓēé.