JAKARI 14:10 - Bibəl ta Sar̄

¹⁰ Dɔ nang malang ń to kə gō gidə ɓē kə́ Jerusalem ní, a rāān̄ kadə̄ a téĺ ndágə mbō. A əlan̄ gír i Geba ń deē ra kem ɓēé anī i kə̄ dām̄ mbɔ́r ɓē kə́ ko̰ó̰ tə́ ní, bátə́ Rimon ń deē ra kem ɓēé anī i kə̄ dām̄ mbɔ́r ɓē kə́ geleé tə́ ní. Ɓē kə́ Jerusalem a ndi i loo kə́ kḭḭ kə̄ dɔɔ́ tə́, ba ɓē a ḭḭ i ta róbə yā Benjamḛ tə́, bátə́ ta róbə́ ń rīn na i kíl loo ní tə́, loo ń ta róbə́ kə́ jóo i tū tə́ ní tə́. A ḭḭ kújə́ kə́ ngāl̄ ɓururu kum kə̄ dɔɔ́ yā Hananel tə́, bátə́ loo mbə́rē kan̄ kāgə̄ nduú yā mban̄g tə́.

Bible sar

¹⁰ Dɔ nang malang ń to kə gō gidə ɓē kə́ Jerusalem ní, a rāān̄ kadə̄ a téĺ ndágə mbō. A əlan̄ gír i Geba ń deē ra kem ɓēé anī i kə̄ dām̄ mbɔ́r ɓē kə́ ko̰ó̰ tə́ ní, bátə́ Rimon ń deē ra kem ɓēé anī i kə̄ dām̄ mbɔ́r ɓē kə́ geleé tə́ ní. Ɓē kə́ Jerusalem a ndi i loo kə́ kḭḭ kə̄ dɔɔ́ tə́, ba ɓē a ḭḭ i ta róbə yā Benjamḛ tə́, bátə́ ta róbə́ ń rīn na i kíl loo ní tə́, loo ń ta róbə́ kə́ jóo i tū tə́ ní tə́. A ḭḭ kújə́ kə́ ngāl̄ ɓururu kum kə̄ dɔɔ́ yā Hananel tə́, bátə́ loo mbə́rē kan̄ *kāgə̄ nduú yā mban̄g tə́.

JAKARI 14:10 Referans Kwoze

JAKARI 12:6

Kum mbang ngeé ń noō tə́ ní, m-ā m̄-rāā ngār kə́ Juda gə̄ kadə̄ a tél a ton̄ tītə̄ hor kə́ a o̰o̰ gír kīr̄ kə́ kán̄ dɔ naā tə́ bing beé, aláa a ton̄ i tītə̄ mu kə́ ndégə̄ kem jī kógə̄ḿ ba kəla hor tū tə́ gír dɔ do̰ō̰ kōō gə̄ tə́ beē. Gír de kə́ rang gə̄ ń ndi gīrə̄n̄ gidədə́ ní, nin̄ a nujən̄də́ kə̄ ta gə̄ tə́. Banī de kə́ Jerusalem gə̄ a na̰yn̄ kə̄ loo ndi tə́ loo ń toō tə́.

JOJUE 15:32

Lebaot ō, Silim ō, Ain ō, Rimon ō. Adə̄ ɓē i kutə jōó gidə i ndōhó naā tə́ kə ngán ɓē gə̄ ń ndin̄ kə gō gidií ní ō.

JEREMI 37:13

Dan ń ni ugə̄ ta róbə ń a ɓārə́n̄ na i yā Benjamḛ ní tə́ anī, ənge ngol ngé ngɔ̄m̄ loo gə̄ ń rīn na i Yiriya, ngōn̄ Selemia kə́ ngōn̄ Hanania ní. Ni-əhɔ Jeremi nge koō ta adə̄ dəba ba ədan na: Ḭ̄ ā āw̄ i kə̄ kəsōó gír Kalde gə̄ tə́!

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

1 MBAN̄G GƏ̄ 15:22

Loo ń noō tə́ mban̄g Asa ɓāŕ de ké Juda tə́ gə̄ malang adə̄ reēn̄ náḿ náḿ. Nin̄ reē ɔyn̄ mbal̄ gə̄ kə kāgə̄ gə̄ ń Baasa ɔrəń gong gidə ɓē kə́ Rama tə́ ní kɔ̄ɔ́. Mbal̄ gə̄ kə kāgə̄ gə̄ ní mban̄g Asa ɔrəń gong gidə ɓē kə́ Geba yā Benjamḛ tə́ ō gidə ɓē kə́ Misəpa tə́ ō.

JAKARI 2:4

m̄-dəje na ké reēn̄ i rāā rí tə́ wa. Anī ni-tél ədam̄ na: Reēn̄ i kəla ɓōĺ tə́ kem ɓē kə́ ngan̄g gə̄ ń ənīn̄ ɓē kə́ Juda rɔ̄ɔ̄ ní tə́ ō, reēn̄ i nujə ɓē gə̄ ní tə́ ō. Nin̄ tə̄ɓān̄ de kə́ kemeé gə̄ ādə̄ aw̄n̄ kə̄ loo gə̄ tə́ ō, de kə́ asə dum̄ tadə́ gətóo ō.

JEREMI 38:7

Ebed Melek, de Kus ń a rāā kəla ndogó mbangāá ní, oō kadə̄ de gə̄ ənīn̄ Jeremi kem bəlo taā man̄ ndī tə́, dan ń mban̄g ndi a gān̄gəń sarya ta róbə yā Benjamḛ tə́ ní.

NEHEMI 3:1

Eliasib kə́ ngol ngé tun̄ yá̰á̰ gə̄ nin̄ kə ngé tun̄ yá̰a̰ madə̄n gēé ḭḭn̄ dɔɔ́ rāān̄ kəla. Nin̄ rāān̄ ta róbə yā batə̄ gə̄ gogə́ rang. Ɔrə̄n̄ kamə̄n tayā ba tə́lan̄ bápə gə̄ ta tə́. Nin̄ rāān̄ loo kə́ nujə gə̄ kə́ tū ndogə̄ mbal̄ tə́ bátə́ ugə̄n̄ kújə́ kə́ ngāl̄ ɓururu yā ngé kə́ ɓú gə̄ tə́. Dan ń ɔrə̄n̄ kamə̄n tayā oy anī unən̄ ta kəla yādə́ rāān̄ bátə́ ugə̄ kújə́ kə́ ngāl̄ ɓururu yā Hananel tə́.

NGÉ SARYA 20:47

Ba dan de gə̄ ń a̰ȳn̄ naā kə̄ dəla loo tə́ kumdə́ sɔɔ̄ mbal̄ Rimon ní, kə́ ɓú mehḛ́ gə̄ teēn̄ ta yo tə́. Adə̄ aw̄ ugə̄n̄ mbal̄ Rimon tə́. Nin̄ ndin̄ noó nāā sɔ́.

NGÉ SARYA 20:45

Gotə gə̄ a̰ȳn̄ naā kum kə̄ loo kə́ mángá tə́, kumdə́ sɔɔ̄ mbal̄ Rimon. Tɔ̄lə̄n̄də́ dūbú mí róbó ba ngɔ̄də̄n̄ gá̰a̰ gə̄ ugə̄n̄ sedə́ Gidom. Tá tél tɔ̄lə̄n̄də́ dūbú jōó ɓáý to̰.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

IJAI 10:29

Nin̄-əndan̄ dūn̄ róbə́ kə́ dūú ngá̰ý gāngə̄n̄ ba ədan̄ na: Jə-ɓīī Geba. Ɓōĺ rāā de kə́ Rama gə̄ adə̄ ndewn̄. Gibea ń i ɓē yā Saul ní, de kə́ kemeé gə̄ a a̰ȳn̄ i naā.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

NEHEMI 12:39

Jə-mān̄ dɔ róbə yā Epəraim tə́ ō yā Yesana tə́ ō yā kānjə̄ gə̄ tə́ ō. Jə-mān̄ kújə́ kə́ ngāl̄ ɓururu yā Hananel ō yā ngé kə́ ɓú gə̄ ō, ta róbə yā batə̄ gə̄ ō, ba j-aw̄ jə-dəba ta róbə yā ngé ngɔ̄m̄ loo gə̄ tə́.

2 YÁ̰A̰ GƏ̄ 25:23

Joas mban̄g kə́ Israel əhɔ Amasia mban̄g kə́ Juda ń i ngōn̄ Joas kə́ ngōn̄ Akajias ní ɓəlo tə́ kem ɓē kə́ Bet Semes tə́ ba aw̄ seneé gogə́ Jerusalem ō, ni tétə̄ ndogə̄ mbal̄ kə́ Jerusalem kə́ dɔ dán ta róbə yā Epəraim tə́ kə ta róbə́ kə́ kíl loo tə́ ní nang tə́ kɔ̄ɔ́ ō. Ngāl̄ ndogə̄ mbal̄ ń ni tétə̄ nang tə́ ní asə kíl deē ɓú sɔ́.

1 YÁ̰A̰ GƏ̄ 4:32

Nin̄ ndin̄ kem ɓē kə́ mí gə̄ ń toō tə́ ō, adə̄ i ɓē kə́ Etam ō, Ain ō, Rimon ō, Token ō, Asan ō.

NGÉ SARYA 21:13

Ngé kán̄ naā gə̄ malang əlan̄ de gə̄ rɔ̄ Benjamḛ gə̄ ń ɓɔ̄ɔ̄n̄ rɔ̄də́ mbal̄ Rimon tə́ ní kadə̄ ədan̄də́ najə̄ rɔ̄ɔ̄ kə́ kadə̄ gətóo.

JOJUE 21:17

Ɓē gə̄ yā de kə́ gír ɓē yā Benjamḛ tə́ gə̄ ń táān̄ ní i Gabaon ō, Geba ō,

2 MBAN̄G 14:13

Joas mban̄g kə́ Israel əhɔ Amasia mban̄g kə́ Juda ń i ngōn̄ Joas kə́ ngōn̄ Akajias ní dəngáy kem ɓē kə́ Bet Semes tə́. Ni-ḭḭ noó aw̄ Jerusalem, aw̄ tetə ndogə̄ mbal̄ kə́ Jerusalem nang tə́ adə̄ asə kíĺ deē ɓú sɔ́. Əla gír tetə̄ nang tə́ i ta róbə́ kə́ Epəraim tə́ bátə́ ugə̄ń ta róbə́ kə́ kíl ndogə̄ mbal̄ tə́.

JEREMI 20:2

anī nelə̄n alé, adə̄ ənda mbɔ́rən ō, adə̄ do̰ō̰nən̄ tū kāgə̄ tə́ ta róbə́ kə́ dɔɔ́ ń a ɓārə́n̄ na i ta róbə yā Benjamḛ ní tə́ ō, adə̄ i ta róbə́ kə́ yā kudəń kə̄ kem kújə yā Kɔ́ɔ̄ɓē tə́.

2 YÁ̰A̰ GƏ̄ 26:9

Ni-rāā kújə kə́ ngāl̄ ɓururu kum kə̄ dɔɔ́ gə̄ Jerusalem dɔ ta róbə́ kə́ kíl loo tə́ tə́ ō, kə́ wól loo tə́ tə́ ō, kə́ loo kə́ ndogə̄ mbal̄ kə́ tū tə́ teē kum kə̄ ndágá tə́ ō.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.