JAKARI 14:1 - Bibəl ta Sar̄

¹ Sḭḭ̄ de kə́ Jerusalem gə̄, dɔ ndɔ̄ yā Kɔ́ɔ̄ɓē i ngɔr. Gír de kə́ rang gə̄ a kə̄ngə̄n̄ naā yá̰a̰ kənge yāsí gə̄ ta kumsí tə́.

Bible sar

¹ Sḭḭ̄ de kə́ Jerusalem gə̄, dɔ ndɔ̄ yā Kɔ́ɔ̄ɓē i ngɔr. Gír de kə́ rang gə̄ a kə̄ngə̄n̄ naā yá̰a̰ kənge yāsí gə̄ ta kumsí tə́.

JAKARI 14:1 Referans Kwoze

IJAI 13:9

Ndɔ̄ yā Kɔ́ɔ̄ɓē n a reē toó. Ka̰a̰ kum tō ndoō yā deē gətóo ndɔ̄ ń noō tə́. I ndɔ̄ wōn̄g kə́ ngá̰ý. A tūr̄ dɔ nang kadə̄ tél dəla loo kə́ wōn̄g i tū tə́ ō, de gə̄ ń najə̄ i dɔdə́ tə́ ní, ni a nujədə́ kɔ̄ɔ́ ō.

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

JEJU TEĒ KUM JA̰A̰ 16:14

Nin̄ i ndíĺ kə́ majaĺ gə̄ kə́ ngé rāā yá̰á̰ kə́ yáā gə̄. Nin̄-aw̄n̄ rɔ̄ mban̄g kə́ dɔ nang tə́ gə̄ tə́ malang yā kɔsə dɔdə́ naā tə́, tām̄ ndɔ̄ kə́ bo ngá̰ý ń i ndɔ̄ yā Nə́ɓā kə́ bo kə́ tɔ́gən i ngá̰ý ní tə́.

KƏLA RĀĀ 2:20

Mbang a ndul ō, nāā a kərē tītə̄ mósə ō, kété pá tá kadə̄ ndɔ̄ yā Kɔ́ɔ̄ɓē ugə̄ ɓáý. Ndɔ̄ ní i ndɔ̄ kə́ bo ō, i ndɔ̄ kə́ majə kɔsə gɔnən ō.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

JOEL 2:1

Ī-kɔ̄ríī tōw̄ Siyo̰ tə́. Úriī kɔl rɔ̄ɔ̄ dɔ mbal̄ yāḿ kə́ táĺ tə́. Ādə̄ de kə́ kem ɓēé gə̄ malang ndewn̄. Ndɔ̄ yā Kɔ́ɔ̄ɓē a reē noó, dɔ ndɔ̄ ní i ngɔr.

JAKARI 14:14

De kə́ dəngam gə̄ kə́ Juda a rɔ̄ɔ̄n̄ kem ɓē kə́ Jerusalem tə́. Nin̄ a ɔyn̄ yá̰a̰ kənge gə̄ kə́ kem ɓē gə̄ kə́ kadədə́ gə̄ tə́ malang. Adə̄ i lɔ́r ō, i gində̄ arjā̰a̰ ō, i kūbə̄ gə̄ kə́ ngá̰ý ō. Nin̄ a kánə̄n̄ yá̰a̰ gə̄ ń noō kə̄ dɔ naā tə́ gidə ɓēé.

SOPONI 1:7

Ī-ndiī tasí mbóo kə̄ no Kɔ́ɔ̄ɓē Nə́ɓā tə́, tɔdɔ̄ dɔ i ngɔr. A̰á̰ā̰, Kɔ́ɔ̄ɓē əndā dɔ yá̰á̰ tun̄ kógə̄ḿ danaá kɔ̄ɔ́. De gə̄ ń ni-ɓāŕdə́ ta kəsa yá̰á̰ ní, ni tə́gódə́ adə̄ unjə̄n̄ njáý njáý kɔ̄ɔ́ ɓá.