JAKARI 13:8 - Bibəl ta Sar̄

⁸ Kɔ́ɔ̄ɓē əda najə̄ kə́ rang dɔ tə́ ɓáý to̰ na: Ré de kə́ kem ɓēé gə̄ i mətá anī, kə́ jōó gə̄ a oyn̄ ō, kə́ kógə̄ḿ a teē ta yo tə́ ō.

Bible sar

⁸ Kɔ́ɔ̄ɓē əda najə̄ kə́ rang dɔ tə́ ɓáý to̰ na: Ré de kə́ kem ɓēé gə̄ i mətá anī, kə́ jōó gə̄ a oyn̄ ō, kə́ kógə̄ḿ a teē ta yo tə́ ō.

JAKARI 13:8 Referans Kwoze

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

JEJU TEĒ KUM JA̰A̰ 16:19

Ɓē bo kēgə̄ naā tə́ gír loo mətá ō, ɓē gə̄ yā nápar de gə̄ tə́sōn̄ ō. Loo ń noō tə́ əga kem Nə́ɓā dɔ Babilon ń i ɓē kə́ bo ní tə́, yā kadə̄ ni-adə̄n kópə ń kasə wōn̄g yān a nēgə́ kemeé ní.

MARK 13:20

Ba ré Kɔ́ɔ̄ɓē gān̄g ta ndɔ̄ gə̄ ní aĺ anī, de kə́ yā kajə a gətóo. Banī i tām̄ yā ngé gə̄ ń ni-gə̄rādə́ tə́ ní n ni a gāngəń ta ndɔ̄ gə̄ ń noō ní.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.

IJAI 6:13

Ré gángə̄n̄ de kə́ kem ɓēé gə̄ gír loo kutə anī, gírən kə́ kógə̄ḿ ń a na̰y ní, hor a o̰o̰ tītə̄ loo róō kāgə̄ kə́ tə́gā kɔ̄ɔ́ beē. I gír gisə kāgə̄ ní ngóy n a na̰y ní. Banī gír gisən ní i yá̰á̰ kə́ Nə́ɓā ɔjəń kadə̄ n a n-rāā yá̰á̰ kə́ kijə.

MATIYE 22:7

Wōn̄g rāā mban̄g ní, adə̄ əla ɓūtə̄ áskar yān gə̄ kadə̄ aw̄ tɔ̄lə̄n̄ ngé tɔ̄l̄ de gə̄ ní kɔ̄ɔ́ ba əlan̄ hor dɔ ɓē yādə́ tə́.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JEREMI 30:11

Mā i naā tə́ seí yā gān̄g dɔí. M-ā m-ādə̄ nápar de gə̄ malang ń m̄-tə̄ndā m̄-tḭ̄ḭ̄sí dandə́ tə́ ní gətóon̄ kɔ̄ɔ́. Ba ḭ̄ tá m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

IJAI 66:24

Dan ń de gə̄ a teēn̄ kem ɓēé kə̄ ndágá anī, a a̰a̰n̄ nīń de gə̄ ń mbātə́n̄ najə̄ gōḿ tə́ ba əsōn̄ wōn̄g ní. Kəde gə̄ ń əsan̄də́ ní a oyn̄ aĺ bátə́ ō, hor ń o̰o̰də́ ní a oy aĺ bátə́ ō. I yá̰á̰ kógə̄ḿ kə́ majə ka̰ā̰ aĺ ngá̰ý kə́ a to tām̄ yā de gə̄ malang kə́ dɔ nang tə́ tə́.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

AMOS 9:10

De gə̄ malang kə́ dan gír deē yāḿ gə̄ tə́ a oyn̄ ta rɔ̄ɔ̄ tə́. Ɓá tā banī nin̄ ədan̄ na: Yá̰á̰ kə́ to kum kaȳ aĺ a reē alé, a ɔdə rɔ̄jí alé.

SOPONI 3:12

I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.