JAKARI 13:7 - Bibəl ta Sar̄

⁷ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

Bible sar

⁷ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

JAKARI 13:7 Referans Kwoze

MARK 14:27

Jeju ədadə́ na: Sḭḭ̄ malang ā ə́ya̰mī kɔ̄ɔ́, tɔdɔ̄ i kə́ ndang kem makətūbūú na: M-ā m-ə́nda nge kul̄ batə̄ gə̄, anī ɓūtə̄ batə̄ gə̄ a tḭ̄ḭ̄n̄ naā kə̄ loo gə̄ tə́.

MATIYE 26:31

Anī Jeju əda ngé ndóō yá̰a̰ yān gə̄ na: Ndɔ̄ɔ́ ɓōólaā nəkɔ́ ń toō ní sḭḭ̄ malang a ə́ya̰mī kɔ̄ɔ́. Tɔdɔ̄ i kə́ ndang kem makətūbūú na: M-ā m-ə́nda nge kul̄ batə̄ gə̄, anī ɓūtə̄ batə̄ gə̄ a tḭ̄ḭ̄n̄ naā kə̄ loo gə̄ tə́.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

JA̰A̰ 16:32

Á̰a̰ī, kum mbang a reē noó, ba ugə̄ kɔ̄ɔ́, adə̄ ā ī-tḭ̄ḭ̄ naā kə̄ loo gə̄ tə́, ba ā ə́ya̰mī kə kérə́ḿ. Banī mā i kə kérə́ḿ alé, tām̄ Bɔbə́ḿ i seḿ.

MARK 14:50

Dan ń noō tə́ ní, deē yān gə̄ əya̰nən̄ ba a̰ȳn̄ naā malang kɔ̄ɔ́.

EJEKIEL 37:24

Ā ə́ngeī mban̄g kə́ tītə̄ nge kəla yāḿ Dabid beē. I ni kógə̄ḿ beē n i nge kul̄sí malang ní. Ā ī-ɓōlíī gidə ndū najə̄ yāḿ gə̄ ō, ā ī-ngɔ̄mī jī bēl̄ loo rāā yá̰a̰ yāḿ gə̄ ō, ā ī-rāāī yá̰a̰ i kə jī bēl̄ loo rāān yāḿ gə̄ ō.

JAKARI 11:7

Adə̄ m̄-tél nge kul̄ batə̄ gə̄ kə́ ngé kigə yá̰a̰ gə̄ kə́ nin̄ i de kə́ rɔ̄kum aĺ gə̄ gírə̄n̄ tɔ̄l̄. M-ɔ́y kāgə̄ yā nge kul̄ yá̰a̰ jōó. m̄-ɓāŕ nge kə́ ta kəga dɔ na i madə̄ naā ō, kə́ nge ko̰ jōó na i ɓoo naā ō, ba m-á̰a̰ gō batə̄ gə̄.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

JEJU TEĒ KUM JA̰A̰ 1:8

Kɔ́ɔ̄ɓē Nə́ɓā əda na ni na i Alpa ō, Omega ō, deē ń ndi ngɔlaā ō, ndi kété ō, a reē ɓáý ō ní. I ni n i Nə́ɓā kə́ bo kə́ tɔ́gən i ngá̰ý ní.

JEREMI 47:6

I yá̰á̰ kə́ to kum kaȳ aĺ kə́ ba̰ý beē! Kaskar yā Kɔ́ɔ̄ɓē, ā ī-taā koō i rə́ngáý tə́? Ī-tél údə kem hɔ̄pīí tə́ gogə́. Ī-ndi jəke kanjə̄ rāā yá̰a̰.

1 PIYER 5:4

Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

Makətūbə̄ ń Pol ndang adə̄ Rom gə̄ ní 4:25

Nə́ɓā əya̰n jī de gə̄ tə́ adə̄ tɔ̄l̄nən̄ i najə̄ yá̰á̰ kə́ gō tə́ aĺ yājí gə̄ tə́, ba ndólən i kadə̄ tə́danə̄ńjí dan de kə́ súmūú gə̄ tə́.

JA̰A̰ 10:30

Mā ō Bɔbə̄ Ngōn̄ ō ní, jḭḭ i kógə̄ḿ beē.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

JAKARI 11:4

Kɔ́ɔ̄ɓē Nə́ɓā yāḿ ədam̄ na batə̄ gə̄ ń i gáŕ kadə̄ a tɔ̄lə̄n̄də́ ní, kə m̄-tél nge kul̄də́.

MISE 5:4

I ni n i nge rāā kadə̄ lɔm to ní. Ré de kə́ Asiri gə̄ reē udən̄ dɔ nang yājí tə́ ō, túdə̄n̄ kə̄ kem kújə́ kə́ ngáā ngáā yājí gə̄ tə́ ō anī, j-a j-əlaī kə ngār gə̄ kə́ kutədə́ i ngá̰ý yā kadə̄ rɔ̄ɔ̄n̄də́.

JA̰A̰ 16:15

Yá̰a̰ yā Bɔbə́ḿ malang i yāḿ. I tām̄ najə̄ ń noō tə́ n m-ə́da na ni a taā dām̄ yá̰á̰ yāḿ yā kədasí ní.

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

JA̰A̰ 14:1

Jeju əda ngé ndóō yá̰a̰ yān gə̄: Ādī kemsí sōl̄ alé: Ī-taāī kem Nə́ɓā ō, ī-taāī kemḿ mā ō.

JA̰A̰ 10:38

Ba ré m̄-rāādə́ anī, ká ré ī-taāiń kemḿ mā aĺ gə̄gē anī, ī-taāī kem kəla gə̄ ń m̄-rāādə́ ní, yā kadə̄ ī-gerīneé majə na Bɔbə́ḿ i kemḿ tə́ ō, mā i kem Bɔbə́ḿ tə́ ō.

JA̰A̰ 8:58

Jeju tél ədadə́ na: Ādə̄ m-ə́dásí najə̄ kə́ bo ngá̰ý, kété tá kadə̄ ojən̄ Abəraham ní, Mā i Mā ń m̄-ndi noó ní kɔ̄ɔ́.

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

MATIYE 10:42

Ādə̄ m-ə́dásí najə̄ kə́ bo ngá̰ý, náā nəkɔ́ ń a adə̄ de kə́ dūú kógə̄ḿ kə́ dan ngé gə̄ ń toó tə́ man̄ kə́ sɔl̄ kem kɔ̄yɔ́ kadə̄ a̰ȳ tām̄ i nge ndóō yá̰a̰ yāḿ ní, kɔ́ɔ̄ a nal̄ yá̰á̰ kəndā nja yān aĺ bátə́.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

EJEKIEL 21:28

De kə́ Jerusalem gə̄ gírə̄n̄ kadə̄ wə̄lā kə́ túgə̄ ń noō na a rāā yá̰á̰ kógə̄ḿ alé. Tām̄ túbə adə̄n̄də́ kadə̄ a ngɔ̄mə̄n̄də́. Banī mban̄g kə́ Babilon tə́ ter̄ kemdə́ dɔ ra ń nin̄ ran̄ dɔ ndūdə́ tə́ seneé aĺ ní tə́ ō, ni tāādə́ ədadə́ na n-a n-ɔydə́ yā kaw̄ sedə́ dɔ ɓē kə́ rang tə́ dɔ gúú tə́ ō.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

PĀ GƏ̄ 2:2

Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

JEJU TEĒ KUM JA̰A̰ 21:6

Ba əda ɓáý to̰ na: I kə́ rāā kɔ̄ɔ́ ɓá. Mā i Alpa ō, Omega ō, ta kəla gír ō, ta tɔ̄l̄ ta ō. Deē ń kəndā man̄ rāān anī, m-ā m-ādə̄n man̄ kə́ teē ta kəɓan tə́ karī, kadə̄ ré a̰ȳ anī, ndi kə kumneé.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

PILIPƏ 2:6

Ni ō Nə́ɓā ō i de kə́ kógə̄ḿ beē gə̄. Banī kasə ń nin̄-asən̄ naā kə Nə́ɓāá ní, ni-aw̄ gírí alé.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 8:32

Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

KƏLA RĀĀ 2:23

Əlan̄ Jeju ngeé ń toō jīsí tə́ kə gō ń Nə́ɓā gḛyń ní ō, i kə gō ń ni-núməń ní ō. Sḭḭ̄ ī-tɔ̄l̄niī, tɔdɔ̄ ə́laniī jī ngé rāā yá̰a̰ kə gō ndū Nə́ɓāá aĺ gə̄ tə́ adə̄ əndanən̄ kə mayá̰ tū kāgə̄ kə́ dēsə́ tə́.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

Najə̄ kə́ Majə yā Jeju ń Luk ndang ní 17:2

I só tə́ ngá̰ý tām̄ yān tə́ kadə̄ do̰ō̰n̄ mbal̄ riī yá̰á̰ kə́ bo míndən tə́, ba bḭ́ḭ̄ ənīnən̄ kum bā bo tə́ kɔ̄ɔ́, tɔȳ kadə̄ ni-rāā adə̄ de kə́ kógə̄ḿ beē kə́ dan de kə́ dūú gə̄ ń toō tə́ əsō sɔɔ̄ ń dɔ hálən ō, najə̄ kə́ tan tə́ ō.

Najə̄ kə́ Majə yā Jeju ń Luk ndang ní 12:32

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

MATIYE 26:56

Banī yá̰a̰ gə̄ ń toō malang rāān̄ yá̰a̰ i yā kadə̄ najə̄ gə̄ ń ngé koō ta gə̄ ndangən̄ ní reē udəń gírí. Loo ń noō tə́ ngé ndóō yá̰a̰ yān gə̄ əya̰nən̄ ba a̰ȳn̄ naā malang kɔ̄ɔ́.

MATIYE 18:14

I tītə̄ ń noō kə Bɔbə̄sí kə́ ndi dɔ rā̰ tə́. Ni gḛy kadə̄ ngáń kə́ dūú gə̄ ń toō ní, ta nge kə́ kógə̄ḿ tḭ̄ḭ̄ alé.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

JAKARI 11:11

Adə̄ kum mbang ngeé ń noō tə́ ní, madə̄ naā i kə́ ngān̄g kɔ̄ɔ́. Ngé kigə yá̰a̰ gə̄ ń nin̄ i de kə́ rɔ̄kum aĺ gə̄ á ra a̰a̰mə̄n̄ ní, gerə̄n̄ kadə̄ i Kɔ́ɔ̄ɓē n ɔr̄ najə̄ kə ta kūl̄ yá̰á̰ gə̄ ń m̄-rāā ní.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

IJAI 1:25

Jerusalem, m-ā m̄-tūr̄ rɔ̄ḿ yā rɔ̄ɔ̄ seí. M-ā m̄-rāāī kadə̄ ā ūnjə̄ njáý njáý tītə̄ kə́ i kə katāá beē, m-ā m̄-rāā yedīí kadə̄ a yḛḛ̄ kɔ̄ɔ́, m-ā m-ɔ́ý yá̰á̰ kə́ yḛr yāí gə̄ kɔ̄ɔ́ malang.

EJEKIEL 7:6

Gíŕ yá̰a̰ malang gān̄g kɔ̄ɔ́, gíŕ yá̰a̰ malang gān̄g kɔ̄ɔ́, yá̰á̰ kə́ to kum kaȳ aĺ əndā dɔ rɔ̄n danaá yā teē dɔsí tə́, ni a reē noó!

EJEKIEL 21:3

Ə̄ndā gúu dɔdə́ tə́ ādə̄ oōn̄ najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ kə ku kāgə̄ gə̄ kə́ dām̄ mbɔ́r ɓē kə́ geleé tə́ ní: M-ā m-ə́la hor kógə̄ḿ dɔ kāgə̄ yāí kə́ to mbōl̄ gə̄ tə́ ō, dɔ kāgə̄ yāí kə́ tutə gə̄ tə́ ō, kadə̄ o̰o̰də́ malang. Hor ní a oy aĺ ō, a o̰o̰ de gə̄ malang ō. A əla gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.