JAKARI 13:2 - Bibəl ta Sar̄

² Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

Bible sar

² Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā *ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

JAKARI 13:2 Referans Kwoze

1 MBAN̄G GƏ̄ 22:22

Anī ndíĺ ní əda na n-a n-aw̄, ba n-a n-tél ndíĺ kə́ nge sor̄ kə́ a ndi ta ngé koō ta gə̄ malang yā mban̄g tə́. Anī Kɔ́ɔ̄ɓē tél əda ndíĺ ní na: Ā ī-gólən, ta róbə i yāí. Āw̄ ī-rāā tītə̄ ń noō.

OJEE 2:17

Loo ń noō tə́ m-ā m̄-tél kə ndɔr̄ ngán kāgə̄ nduú yān gə̄ yā kadə̄n gogə́ ō, wól loo kə́ Akor ń i wól loo yā yá̰á̰ kə́ to kum tō ndoō ní, m-ā m̄-rāā kadə̄ a tél ta róbə kəndā kem dɔ yá̰á̰ tə́ ō. Loo ń noō tə́ ni a un gōḿ tītə̄ ń unəń gōḿ kə gōn̄ dūúneé ní, tītə̄ ń unəń gōḿ dan ń ni teēń kɔ̄ɔ́ kem ɓē kə́ Ejiptə tə́ ní.

Teē Ngán Israel gə̄ 23:13

Ā ə̄ndāī kumsí gíŕ yá̰a̰ gə̄ ń m-ɔ́jə́sí kadə̄ ī-rāāī tə́ ní malang. Ā ī-ɓāríī ɓesə̄ gə̄ ń i nə́ɓā kə́ rang gə̄ ní kadə̄ dḭḭ̄n̄sí aĺ ō, ādī deē oō rīdə́ tasí tə́ aĺ ō.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

EJEKIEL 30:13

Najə̄ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: M-ā m̄-rāā kadə̄ ɓesə̄ gə̄ gətóon̄ kɔ̄ɔ́ ō, m-ā m̄-rāā kadə̄ yá̰á̰ kə́ tɔ́sə̄ kum gotədə́ gə̄ ń ton̄ kem ɓē kə́ Mempis tə́ ní gətóon̄ kɔ̄ɔ́ ō. Ngār gə̄ a ton̄ dɔ nang kə́ Ejiptə tə́ to̰ aĺ ō, m-ā m-ə́la ɓōĺ kem de gə̄ tə́ kem ɓēé malang kə taá ō.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

Najə̄ kə́ Majə yā Jeju ń Luk ndang ní 11:20

Kə́ rɔ̄kum tə́ ɓáa mā m̄-tə̄ɓā ndíĺ kə́ majaĺ gə̄ i kə tɔ́gə yā Nə́ɓāá. Kumən na Ɓē ko̰o̰ yā Nə́ɓā reē ugə̄ rɔ̄sí tə́ kɔ̄ɔ́.

MATIYE 12:43

Dan ń ndíĺ kə́ yḛr teē kem deē tə́ anī, aw̄ dáȳ kə̄ kem loo gə̄ kə́ man̄ gətóo tū tə́ tə́ a sāāń loo kə́ yā koōń rɔ̄n. Ba dan ń ənge aĺ anī

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

EJEKIEL 37:23

Ā ī-yḛriī rɔ̄sí kə rɔȳ nə́ɓā yāsí kə́ rɔ̄kum aĺ gə̄ to̰ aĺ ō, kə rāā yá̰á̰ kə́ majaĺ ngá̰ý gə̄ to̰ aĺ ō, kə rāā yá̰á̰ kə́ gōtə́ aĺ kə́ tayā tayā gə̄ malang to̰ aĺ ō. Yá̰a̰ gə̄ kə́ ɔjən̄ kadə̄ ī-raī dɔ ndūsí tə́ aĺ gə̄ malang ń ī-rāāī seḿ ní, m-ā m-ɔ̄r̄sí kum tə́ kɔ̄ɔ́. M-ā m̄-rāāsí kadə̄ ā ūnjī njáý njáý. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

EJEKIEL 14:9

Yá̰á̰ kə́ rang ń asə rāā yá̰á̰ ɓáý to̰ ní n toó: Ré nge koō ta kógə̄ḿ ndúm̄, adə̄ i nəkɔ́ n tūr̄ najə̄ əda anī, kumən na i mə̄kɔ́ Kɔ́ɔ̄ɓē n m-ə́ya̰n adə̄ rāā yá̰á̰ ń noō ní. Ɓá tā ba m-ā m-ɔ́jə́ tɔ́gə́ḿ dɔn tə́ ō, m-ā m-ɔ̄rən kə̄ gogə́ kɔ̄ɔ́ dan Israel gə̄ ń i gír deē yāḿ gə̄ ní tə́ ō.

EJEKIEL 13:23

I beé ní, yá̰á̰ kə́ rɔ̄kum aĺ gə̄ ń ā á̰a̰ī ō, najə̄ kə́ rɔ̄kum aĺ gə̄ ń ā ə́daī ō ní, gíŕdə́ gān̄g. M-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō, ā ī-gerī kadə̄ Kɔ́ɔ̄ɓē i mā ō.

JEREMI 29:23

Majaĺ yādə́ i yá̰á̰ kə́ to rɔ̄sɔl̄ ń rāān̄ Israel tə́ ní. Rāȳn̄ kə nə̄yá̰ madə̄də́ gēé ō, ɔrə̄n̄ najə̄ kə́ rɔ̄kum alé kə rīḿ ō, banī m̄-mēr̄də́ kəda najə̄ kógə̄ḿ alé. Mā m̄-ger̄ ō, m-á̰a̰ kə́ kumḿ ō. Najə̄ ń Kɔ́ɔ̄ɓē əda ní n noó.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

IJAI 2:18

Nə́ɓā kə́ rɔ̄kum aĺ gə̄ malang a gətóon̄ kɔ̄ɔ́.

PĀ GƏ̄ 16:4

nujən̄ loo ngɔlaā tɔȳ kə́ kété ɓáý. De gə̄ bə̄gān̄ naā aw̄n̄ gōdə́ tə́. Banī mā m-ā m̄-tə́té mósə nang tə́ yā ndējə̄də́ to̰ aĺ ō taḿ a əda rīdə́ to̰ aĺ ō.

JOJUE 23:7

Ī-lōōī kaw̄ dan nápar de gə̄ ń ndin̄ rɔ̄sí tə́ ní ō, ɓāŕ rī ɓesə̄ yādə́ gə̄ ō, túbə kə rī ɓesə̄ yādə́ gə̄ ō, rāā ɓesə̄ yādə́ gə̄ ō, kəso kə̄ nang tə́ kə̄ no ɓesə̄ yādə́ gə̄ tə́ yā rɔȳndə́ ō.

NDŪ NAJƏ̄ 12:3

Ā ī-tɔ̄ɔ̄ī loo tun̄ yá̰a̰ yādə́ gə̄ ō, mbal̄ yādə́ gə̄ ń túdə̄n̄ kə nja dɔɔ́ ní ō kɔ̄ɔ́. Ā ī-róōī kāgə̄ ɓesə̄ yādə́ kə́ yā ɓōĺ gidə gə̄ ń a ndɔ̄ȳn̄ ní horoó kɔ̄ɔ́ ō. Ā ī-tétī yá̰a̰ gə̄ ń tɔ́sə̄n̄ ba rāān̄də́ nə́ɓā yādə́ gə̄ tə́ ní kɔ̄ɔ́ ō. Ā ī-rāāī kadə̄ rī ɓesə̄ gə̄ ní ɓār̄ dɔ nang ní tə́ to̰ alé.

Teē Ngán Israel gə̄ 22:13

Ré de kə́rēý ndə̄mā dā̰ yā madə̄ ɓēn, tá dā̰ ní ənge do aláa oy gotə kɔ́ɔ̄n tə́ anī, nge ndə̄mān a əgā kə̄rā.

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

EJEKIEL 6:6

Loo malang ń ī-ndiī tū tə́ ní, a nujən̄ ɓē yāsí gə̄ kɔ̄ɔ́ ō, ā ə́ya̰ī loo ndɔ̄ȳ yāsí gə̄ kɔ̄ɔ́ ō, adə̄ a nujən̄ kə loo tun̄ yá̰a̰ yāsí gə̄ ń najə̄ i dɔ tə́ ní kɔ̄ɔ́ ō. A tétə̄n̄ ɓesə̄ yāsí gə̄ kɔ̄ɔ́ ō, a nujənə̄ń sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, a nujən̄ yá̰a̰ malang ń ī-rāāī ní ō.

EJEKIEL 12:24

Yá̰á̰ kə́ ka̰ā̰ kə́ rɔ̄kum aĺ a gə̄ gətóon̄ kɔ̄ɔ́ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ní, a gətōon̄ kɔ̄ɔ́ ō dɔ dáń ngán Israel gə̄ tə́.

EJEKIEL 36:29

M-ā m-ɔ̄r̄ yá̰a̰ rāāsí kə́ yḛr gə̄ kɔ̄ɔ́ malang. M-ā m-ādə̄ ɓō a rāāsí, banī m-ā m̄-rāā kadə̄ gémē əɓa ō, ā ə́ngeī gémē ngá̰ý ndɔ̄ sāān tə́ ō.

NDŪ NAJƏ̄ 18:20

Ré kɔjə rɔ̄ rāā nge koō ta kógə̄ḿ adə̄ əda najə̄ kə́rēý kə rīḿ ba m̄-mērən kəda alé, aláa ɔr̄ najə̄ kə rī ɓesə̄ gə̄ ń nin̄ i nə́ɓā yādə́ gēé ní anī, i nge koō ta ní n a oy ní.

EJEKIEL 43:7

Ndū deē ní ədam̄ na: Ḭ̄ ngōn̄ deē, ōō! Loo yā kōr̄ kāgə̄ mbang yāḿ i loo ń toō tə́ laā, i dɔ nang ń m-ə̄ndā njaḿ tū tə́ toō. M-ā m̄-ndi i loo ń noō tə́ laā, dan ngán Israel gə̄ tə́, i kə́ njɔ́ḿ gə̄ tə́. Ngán Israel gə̄ ō, mban̄g yādə́ gə̄ ō, a kídə̄n̄ rīḿ kə́ táĺ to̰ alé. Nin̄ a rāān̄ ájə́ba to̰ aĺ ō, a dubə̄n̄ nīń mban̄g yādə́ gə̄ laā to̰ aĺ ō.

OJEE 2:19

M-ā m-ɔ̄r̄ rī ɓesə̄ Baal gə̄ tan tə́ kɔ̄ɔ́ ō, a əga kem deē dɔ tə́ to̰ aĺ ō.