JAKARI 13:1 - Bibəl ta Sar̄

¹ Kum mbang ngeé ń noō tə́ ní, man̄ kógə̄ḿ kə́ əɓa nang tə́, a nūgə́ yā tə́goń yá̰a̰ rāā kə́ gōtə́ aĺ gə̄ ō, yá̰á̰ kə́ yḛr gə̄ ō, yā de gə̄ kə́ kem kojə yā Dabid tə́ ō, yā de kə́ Jerusalem gə̄ ō.

Bible sar

¹ Kum mbang ngeé ń noō tə́ ní, man̄ kógə̄ḿ kə́ əɓa nang tə́, a nūgə́ yā tə́goń yá̰a̰ rāā kə́ gōtə́ aĺ gə̄ ō, yá̰á̰ kə́ yḛr gə̄ ō, yā de gə̄ kə́ kem kojə yā Dabid tə́ ō, yā de kə́ Jerusalem gə̄ ō.

JAKARI 13:1 Referans Kwoze

PĀ GƏ̄ 51:2

I dan ń ni sāā Batəseba nə̄yá̰ Uri ō Natan nge koō ta aw̄ rɔ̄n tə́ ō ní.

1 KORḚNTƏ 6:11

Ba de kə́rēý gə̄ dɔ dáńsí tə́ nin̄ i de kə́ beé gə̄ kété. Banī tə́gon̄ majaĺ yāsí gə̄ kɔ̄ɔ́, ɔrə̄n̄ kam̄sí tayā kadə̄ ī-ndiī i tām̄ yā Nə́ɓā tə́ ō, rāān̄sí adə̄ ī-téliī de kə́ súmūú gə̄ ta kum Nə́ɓā tə́ i kə rī Kɔ́ɔ̄ɓē Jeju Kərist ō, i kə ta kūl̄ Ndíĺ Nə́ɓā yājí ō.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

1 JA̰A̰ 5:6

I Jeju Kərist n reē kə ta kūl̄ man̄ ō, mósə ō ní. Reē i kə ta kūl̄ man̄ ngóy alé, banī i kə ta kūl̄ man̄ ō mósə ō. Tá i Ndíĺ kə́ Táĺ n i nge kəda najə̄ kə́ kum tə́ dɔn tə́ ní, tɔdɔ̄ Ndíĺ kə́ Táĺ i najə̄ kə́ rɔ̄kum.

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

1 PIYER 1:19

I kə yá̰a̰ gə̄ ń noō alé, ba i kə mósə Kərist kə́ gātə̄n i ngá̰ý. Ni-to i tītə̄ ngōn̄ batə̄ kə́ loon kógə̄ḿ nujə aĺ ō, kə́ yá̰á̰ kə́ majaĺ tákə̄n aĺ ō, kə́ tɔ̄lə̄n̄ ba tun̄ adə̄n̄ Nə́ɓā beé.

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.

PĀ GƏ̄ 51:7

Á̰a̰ā̰, kété pá tá kadə̄ ojəmə̄n̄ ní mā i de kə́ gōtə́ alé. Əla gír i ndɔ̄ ń kó̰ó̰ḿ ndānə̄m̄neé tə́ ní n mā i de kə́ majaĺ ní.

EJEKIEL 36:29

M-ā m-ɔ̄r̄ yá̰a̰ rāāsí kə́ yḛr gə̄ kɔ̄ɔ́ malang. M-ā m-ādə̄ ɓō a rāāsí, banī m-ā m̄-rāā kadə̄ gémē əɓa ō, ā ə́ngeī gémē ngá̰ý ndɔ̄ sāān tə́ ō.

EJEKIEL 36:17

Ḭ̄ ngōn̄ deē, ōō! Dan ń Israel gə̄ ndinə̄ń dɔ nang yādə́ tə́ ɓáý ní, nin̄ rāān̄ háĺ kə́ majaĺ rɔ̄kum ō, rāān̄ adə̄ dɔ nang yādə́ tél dɔ nang kə́ yḛr ō. Háĺdə́ yḛr tītə̄ mósə́ kə́ teē rɔ̄ dəyá̰ kə́ mósə əhɔn tə́ beē.

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

JEREMI 29:26

I Kɔ́ɔ̄ɓē n əndāī gotə nge tun̄ yá̰a̰ Yehoyada tə́ yā kadə̄ ḭ̄ i ngol nge tun̄ yá̰á̰ kə́ ə̄ndā kumií gír de gə̄ malang ń tāmə̄n̄ mbitə mbitə ō, ɔrə̄n̄ najə̄ kə́ ngé koō ta gə̄ tə́ ō kem kújə yā Kɔ́ɔ̄ɓē tə́ ní, majə kadə̄ ī-do̰ō̰də́ kə súlú ō, kə kəlā gindīí ō.

JEREMI 33:8

M-ā m̄-tə́gó yá̰á̰ kə́ gōtə́ aĺ gə̄ malang ń rāān̄ á najə̄n əsō dɔdə́ tə́ ta kumḿ tə́ ní kadə̄ unjə̄n̄ njáý njáý. M-ā m̄-mā̰ȳ rɔ̄ḿ dɔ yá̰á̰ kə́ gōtə́ aĺ gə̄ malang ń rāān̄ á najə̄n əsō dɔdə́ tə́ ta kumḿ tə́ kə gō mbātə́ kə́ nin̄ mbātə́mə̄n̄ tə́ ní.

EJEKIEL 47:1

Ni-tél reē seḿ kum kə̄ ta róbə́ kə́ yā kudəń kem kújə yā Kɔ́ɔ̄ɓē tə́. Anī m-á̰a̰ man̄ a əɓa nang tə́ ta kújə yā Kɔ́ɔ̄ɓē tə́ dām̄ kə́ gír ɓē tə́, tɔdɔ̄ ta kújə yā Kɔ́ɔ̄ɓē ní ra i dām̄ kə́ gír ɓē tə́. Man̄ ní əɓa nang tə́ dām̄ kújə yā Kɔ́ɔ̄ɓē kə́ dām̄ mbɔ́r ɓē kə́ ko̰ó̰ tə́ ba mān̄ aw̄ dām̄ loo tun̄ yá̰á̰ kə́ dām̄ mbɔ́r ɓē kə́ geleé tə́.

JAKARI 12:14

Gotə gír kojə kə́ rang gə̄ a əndān̄ yo yādə́ i tītə̄ ń noō ō. Nin̄ a ndin̄ i tayā tayā, dəngam gə̄ a ndin̄ dām̄ kógə̄ḿ tə́ ō, dəyá̰ gə̄ a ndin̄ dām̄ kə́rēý tə́ ō.

LEBI GƏ̄ 11:36

Ba ré nīń dā̰ ní əsō i kum man̄ kə́ kem gárāá tə́, aké i kum man̄ kə́ a əɓa tə́ anī, man̄ ní i kə́ unjə̄ njáý njáý. Ba deē ń a ɔdə nīń dā̰ ní kum man̄ ní tə́ ní, kɔ́ɔ̄ i de kə́ yḛr.

IJAI 12:3

Ā ɔ́diī man̄, ta kəɓa man̄ gə̄ yā kajə tə́, i kə rɔ̄nelēé.

MISE 5:12

Nə́ɓā yāsí kə́ rɔ̄kum aĺ gə̄ ō, mbal̄ yāsí kə́ túdə̄ kə nja dɔɔ́ gə̄ ō ní, m-ā m̄-rāādə́ kadə̄ a gətóon̄ kɔ̄ɔ́. Yá̰a̰ gə̄ ń sḭḭ̄ kɔ́ gə̄ ī-rāāīdə́ kə jīsí ní, ā ī-rɔyīdə́ to̰ alé.

JA̰A̰ 5:4

Tɔdɔ̄ de kə́ dɔ rā̰ tə́ yā Kɔ́ɔ̄ɓē a jə̄ngā kum man̄ kə́ kem gár̄ man̄ ní tə́ dan kə́rēý gə̄ tə́ yā pukə́tū man̄ ní. Ba nge mo̰y ń risə kum tə́ kété loo ń man̄ ḭḭ pukətu pukətu ní, ká mo̰y yān i mo̰y kə́ ba̰ý gə̄gē anī, rɔ̄n a ngáā.