JAKARI 12:8 - Bibəl ta Sar̄

⁸ Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ de kə́ dɔ rā̰ tə́ yā Kɔ́ɔ̄ɓē beé.

Bible sar

⁸ Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ *de kə́ dɔ rā̰ tə́ yā Kɔ́ɔ̄ɓē beé.

JAKARI 12:8 Referans Kwoze

JAKARI 9:8

M-ā m̄-njə̄rā kə gō gidə ɓē yāḿ yā kəndāń kumḿ gírən tə́, ba rɔ̄ɔń dɔn tə́, najə̄ yā madə̄ ba̰ā̰ gə̄ ń a aw̄n̄ ō, a télən̄ ō ní tə́. Ngār kógə̄ḿ kə́ tə̄rā a reē yā rējə̄ gír deē yāḿ gə̄ to̰ alé. Tām̄ ngɔlaā ní, m-ə̄ndā kumḿ gír deē yāḿ gə̄ tə́.

JAKARI 2:5

Mā Jakari m-ún kumḿ kə̄ dɔɔ́ anī, yá̰á̰ ń m-á̰ā̰ ní n toó, m-á̰a̰ i deē kógə̄ḿ kə́ əhɔ kəlā kə́ yā mbɔ̄jə́nń loo jīn tə́.

MISE 7:16

Nápar de gə̄ a a̰a̰n̄də́. Tɔ́gə́də́ i ngá̰ý ɓá tā, banī rɔ̄də́ a sɔl̄də́. Nin̄ a gerə̄n̄ yá̰á̰ kə́ yā kəda aĺ ō, a gḛyn̄ koō yá̰á̰ kógə̄ḿ aĺ ō.

MISE 7:8

Sḭḭ̄ madə̄ ba̰ā̰jí gə̄, ī-lōōī rāā rɔ̄nel̄ najə̄ yājí tə́. Ré j-əsō anī, j-a j-ḭḭ dɔɔ́. Ré jḭḭ i kum loo kə́ ndɔ̄ɔ́ tə́ anī, Kɔ́ɔ̄ɓē i loo kə́ unjə̄ kow yājí.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

JEJU TEĒ KUM JA̰A̰ 22:16

Mā Jeju, m-ə́la deē yāḿ kə́ dɔ rā̰ tə́ kadə̄ reē teē kumsí dɔ yá̰a̰ gə̄ ń noō tə́ malang kə̄ kem Egəlijə gə̄ tə́. Mā i de kə́ gír kojə yā Dabid tə́ ō, dɔgə́ loo tīī kə́ ndə́lē ō.

JEJU TEĒ KUM JA̰A̰ 22:13

Mā i Alpa ō, Omega ō, nge kə́ kété ō kə́ gogə́ ō, ta kəla gír ō ta tɔ̄l̄ ta ō.

HEBƏRO 11:34

tɔ̄lə̄n̄ kəngā hor gə̄ ō, teēn̄ ta yo kaskar tə́ ō, loo ń mo̰y rāādə́ ní əngen̄ rɔ̄ ngan̄g ō, rāān̄ go̰ loo rɔ̄ɔ̄ tə́ ō, tə̄ɓān̄ ɓūtə̄ áskar kə́ tə̄rā gə̄ ō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

Makətūbə̄ ń Pol ndang adə̄ Rom gə̄ ní 9:5

I nin̄ ɓáý to̰ n i ngán kaa ngé taā kem kə́ jóo gə̄ ní. Kə́ ta yā deē ndul gə̄ tə́ ɓáa Kərist i deē yādə́. Ni i dɔ yá̰a̰ gə̄ tə́ malang ō, i Nə́ɓā kə́ de gə̄ a tɔ̄ȳnən̄ ngándáńg ō. Adə̄ i tītə̄ ń noō.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

OJEE 12:3

Kɔ́ɔ̄ɓē a rāā i sarya kə de gə̄ yā Juda gēé. Ni a rāā yá̰á̰ kógə̄ḿ kə gír deē yā Jakob gēé najə̄ háĺdə́ kə́ majaĺ tə́, a rāā yá̰á̰ kógə̄ḿ kə gír de gə̄ ń noō sɔɔ̄ ń kəla rāādə́ gə̄.

JEREMI 27:10

I najə̄ kə́ rɔ̄kum alé n ngé koō ta gə̄ ń noō ədan̄sí kadə̄ ə́ya̰īneé dɔ nang yāsí kɔ̄ɔ́ ní. Kə́ rɔ̄kum tə́ ní, m-ā m̄-tə̄ndā yā tḭ̄ḭ̄sí ō, ā óyiī ō.

IJAI 63:9

Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

IJAI 30:26

Ndɔ̄ ń Kɔ́ɔ̄ɓē a ndem̄ ta do yā gír deē yān gə̄ anī, dan ń ni a rāā do yā gír deē yān gə̄ kadə̄ idə̄ ní, nāā a ndə́lē tītə̄ mbang ō, mbang kə́ ndɔ̄ kógə̄ḿ a ɔsə, loo kə́ unjə̄ kow yā mbang kə́ ɔsə ndɔ̄ kógə̄ḿ a asən̄ naā kə loo kə́ unjə̄ kow yā mbang kə́ ɔsə ndɔ̄ sīrí.

PĀ GƏ̄ 82:6

M-ə́dá wáńg na sḭ́ḭ̄ i nə́ɓā gə̄, sḭḭ̄ malang i ngáń kem Nə́ɓā kə́ dɔɔ́ sa̰y ngá̰ý,

OJEE 1:7

Banī m-ā m̄-tár de kə́ Juda gə̄ ngándáńg. Mā Kɔ́ɔ̄ɓē Nə́ɓā yādə́ m-ā m-ájə́də́, ba i kanjə̄ ga̰ gərā ō, kaskar ō, gotə yá̰a̰ rɔ̄ɔ̄ kə́ rang gə̄ ō, kanjə̄ sə́nda gə̄ ō, ngé kal̄ sə́nda gə̄ ō.

Teē Ngán Israel gə̄ 14:19

De kə́ dɔ rā̰ tə́ yā Nə́ɓā ō, kil̄ man̄ ō ń a njə̄rān̄ kété no Ngán Israel gə̄ tə́ ní tél aw̄ ran̄ gogə́ gōdə́ tə́.

Teē Ngán Israel gə̄ 33:2

Na n-a n-əla deē yān kə́ dɔ rā̰ tə́ kété nodə́ tə́ ō,, na n-a n-tə̄ɓā Kanaan gə̄ ō, Amor gə̄ ō, Het gə̄ ō, Periji gə̄ ō, Hibi gə̄ ō, Yebus gə̄ ō kɔ̄ɔ́.

LEBI GƏ̄ 26:8

De gə̄ mí dansí tə́ ngɔ̄də̄n̄ madə̄ ba̰ā̰sí gə̄ ɓú ō, ba de gə̄ ɓú dansí tə́ a ngɔ̄də̄n̄ madə̄ ba̰ā̰sí gə̄ dūbú kutə ō. Ā ī-tɔ́sí madə̄ ba̰ā̰sí gə̄ kə kaskaraá kadə̄ a tə́sōn̄ nosí tə́.

JOJUE 23:10

De kógə̄ḿ dansí tə́ a tə̄ɓā madə̄ ba̰ā̰sí gə̄ dūbú, tɔdɔ̄ i Kɔ́ɔ̄ɓē Nə́ɓā yāsí n a rɔ̄ɔ̄ tām̄ yāsí tə́ tītə̄ ń ədańsí ní.

PĀ GƏ̄ 8:5

m-ə́da kə̄ kemḿ tə́ na: Deē i rí kə́ sáláńg á ā ī-gír̄ dɔn tə́? Deē ndul ndetə kadə̄ usiī dɔn tə́ a?

IJAI 31:4

Najə̄ ń Kɔ́ɔ̄ɓē ədam̄ ní n toó: A ɓārə́n̄ i nge ngɔ̄m̄ yá̰a̰ kul̄ gə̄ kə́ nin̄ i ngá̰ý yā kadə̄ reē rɔ̄ɔ̄nən̄. Banī ni ɓōĺ kɔĺ yādə́ gə̄ ń a urən̄ ní alé. Kōōdə́ ń a ɓār̄ ní usən alé. Mā Kɔ́ɔ̄ɓē kə́ bo kə́ tɔ́gən i ngá̰ý ní, yāḿ mā a to i tītə̄ ń noō ō, m-ā m̄-risə dɔ mbal̄ Siyo̰ tə́, dɔ ngōn̄ yān tə́ yā rɔ̄ɔ̄.

JAKARI 9:14

Loo ń noō tə́ Kɔ́ɔ̄ɓē a teē hɔy dɔdə́ tə́ dɔɔ́ ō, kum gərā yān a teē tītə̄ tel̄ man̄ beé ō. Kɔ́ɔ̄ɓē Nə́ɓā a kɔ̄ŕ bərúnjə. Man̄ kə́ a edə kə néĺ kə́ əla kə ngangá ngá̰ý ń a ḭḭ dām̄ mbɔ́r ɓē kə́ geleé tə́ yā reē ní, ni a reēń.

IJAI 33:24

De kógə̄ḿ kə́ Jerusalem kə́ yā kəda na mā i mo̰y ní gətóo. Gír de kə́ kem ɓēé ń toō tə́ gə̄ a əngen̄ mā̰ȳ rɔ̄ tām̄ yá̰a̰ rāādə́ kə́ gōtə́ aĺ gə̄ tə́.

JAKARI 10:7

De kə́ dəngam gə̄ kə́ Epəraim a əhɔn̄ rɔ̄də́ tɔgə, tītə̄ go̰ rɔ̄ɔ̄ gə̄ beé. Rɔ̄də́ a nel̄də́, tītə̄ kə́ a̰ȳn̄ i kasə nduú beé. Dan ń ngáńdə́ gə̄ a̰a̰n̄də́ anī, a rāān̄ rɔ̄nel̄ ō, a ndāmə̄n̄ ndām̄ rɔ̄nel̄ najə̄ yā Kɔ́ɔ̄ɓē tə́ ō.