JAKARI 12:7 - Bibəl ta Sar̄

⁷ I kojə gə̄ yā Juda ń Kɔ́ɔ̄ɓē a ajədə́ ta kəga dɔ ní. Loo ń noō tə́ de gə̄ kə́ kem kojə yā Dabid tə́ ō, de kə́ Jerusalem gə̄ ō, a rāān̄ rɔ̄də́ i de gə̄ kə́ dɔɔ́ dɔ gotə de kə́ rang gə̄ kə́ Juda tə́ alé.

Bible sar

⁷ I kojə gə̄ yā Juda ń Kɔ́ɔ̄ɓē a ajədə́ ta kəga dɔ ní. Loo ń noō tə́ de gə̄ kə́ kem kojə yā Dabid tə́ ō, de kə́ Jerusalem gə̄ ō, a rāān̄ rɔ̄də́ i de gə̄ kə́ dɔɔ́ dɔ gotə de kə́ rang gə̄ kə́ Juda tə́ alé.

JAKARI 12:7 Referans Kwoze

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

Makətūbə̄ ń Pol ndang adə̄ Rom gə̄ ní 3:27

Ní loo kadə̄ j-ɔjiī rɔ̄jí i rá ɓáý? Lon gətóo. I tām̄ rí tə́? I tām̄ yā kəla yājí gə̄ tə́ a? I tām̄ yā kəla yājí gə̄ tə́ alé, banī i tām̄ yā taā kem yājí tə́.

JAKARI 11:11

Adə̄ kum mbang ngeé ń noō tə́ ní, madə̄ naā i kə́ ngān̄g kɔ̄ɔ́. Ngé kigə yá̰a̰ gə̄ ń nin̄ i de kə́ rɔ̄kum aĺ gə̄ á ra a̰a̰mə̄n̄ ní, gerə̄n̄ kadə̄ i Kɔ́ɔ̄ɓē n ɔr̄ najə̄ kə ta kūl̄ yá̰á̰ gə̄ ń m̄-rāā ní.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

IJAI 23:9

I Kɔ́ɔ̄ɓē kə́ bo kə́ tɔ́gən i ngá̰ý, i yā nujəń kɔjə rɔ̄ yā de gə̄ ń de gə̄ rɔȳn̄də́ ní, i yā téləń kə de kə́ bo kə́ dɔ nang tə́ laā gə̄ kə̄ nang tə́.

PĀ GƏ̄ 55:12

Tɔ̄l̄ naā i kem ɓēé ō, yá̰a̰ rāā kə́ kə dɔ́nɔ́ nin̄ kə gól̄ naā əya̰n̄ kum róbə yān gə̄ āl̄ ō.

PĀ GƏ̄ 38:16

Kɔ́ɔ̄ɓē, m-ə̄ndā kemḿ i dɔí ḭ̄ tə́: Kɔ́ɔ̄ɓē Nə́ɓā yāḿ, i ḭ̄ n ā ī-tūr̄ najə̄ yā kəda ní.

PĀ GƏ̄ 35:26

Ngé gə̄ ń rāān̄ rɔ̄nel̄ tām̄ yá̰á̰ kə́ to kum kaȳ aĺ kə́ teē dɔḿ tə́ ní, ādə̄ rɔ̄də́ sɔl̄də́ malang! Ngé gə̄ ń ɔjən̄ rɔ̄də́ dɔḿ tə́ ní, ādə̄ rɔ̄sɔl̄ əhɔdə́ ō, ādə̄ əlan̄ rɔ̄sɔl̄ dɔdə́ tə́ ō.

Makətūbə̄ yā Job 19:5

Rɔ̄kum, sḭḭ̄ ī-téliī seḿ kə̄ nang tə́ i kadə̄ sḭḭ̄ kɔ́ gə̄ ī-tɔgiīneé kum kə̄ dɔɔ́ ō, sḭḭ̄ ī-kɔ̄lī seḿ tām̄ rɔ̄sɔl̄ kə́ ngá̰ý kə́ əlan̄ dɔḿ tə́ ō.

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

JAKƏ 2:5

Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?

Najə̄ kə́ Majə yā Jeju ń Luk ndang ní 10:21

Ndíĺ kə́ Táĺ adə̄ Jeju rɔ̄nel̄ kə́ ngá̰ý kemən tə́ kum mbang nəkɔ́ ń noō tə́, adə̄ Jeju əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō, dɔ nang tə́ ō ní, m̄-tɔ̄yī tām̄ teē ń i teē kum ngé kə́ dūú gə̄ dɔ yá̰á̰ ń ī-mundə̄ ngé kum kedə̄ gə̄ ō, ngé ger̄ yá̰a̰ gə̄ ō ní tə́. Rɔ̄kum, Bɔbə́ḿ, i kem ndaa yāí n rāā adə̄ ī-gḛyń kadə̄ to i tītə̄ ń noō ní.