JAKARI 12:4 - Bibəl ta Sar̄

⁴ Kum mbang ngeé ń noō tə́ ní, mā Kɔ́ɔ̄ɓē m-ə́dá wáńg na: M-ā m-ə́la ɓōĺ kem sə́nda gə̄ tə́ malang ō, ngé kal̄də́ gə̄ a a̰ȳn̄ kɔ̄r̄ ō. M-ā m-ə̄ndā kumḿ gō ɓē kə́ Juda tə́, banī sə́nda gə̄ malang yā nápar de gə̄ ní, m-ā m̄-rāādə́ kadə̄ kumdə́ a̰a̰ loo alé.

Bible sar

⁴ Kum mbang ngeé ń noō tə́ ní, mā Kɔ́ɔ̄ɓē m-ə́dá wáńg na: M-ā m-ə́la ɓōĺ kem sə́nda gə̄ tə́ malang ō, ngé kal̄də́ gə̄ a a̰ȳn̄ kɔ̄r̄ ō. M-ā m-ə̄ndā kumḿ gō ɓē kə́ Juda tə́, banī sə́nda gə̄ malang yā nápar de gə̄ ní, m-ā m̄-rāādə́ kadə̄ kumdə́ a̰a̰ loo alé.

JAKARI 12:4 Referans Kwoze

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.

NDŪ NAJƏ̄ 28:28

Ni a rāā kadə̄ ā̰ȳ kɔ̄r̄ ō, kumií a̰a̰ loo aĺ ō, dɔí ndi gōtə́ aĺ ō.

JAKARI 12:6

Kum mbang ngeé ń noō tə́ ní, m-ā m̄-rāā ngār kə́ Juda gə̄ kadə̄ a tél a ton̄ tītə̄ hor kə́ a o̰o̰ gír kīr̄ kə́ kán̄ dɔ naā tə́ bing beé, aláa a ton̄ i tītə̄ mu kə́ ndégə̄ kem jī kógə̄ḿ ba kəla hor tū tə́ gír dɔ do̰ō̰ kōō gə̄ tə́ beē. Gír de kə́ rang gə̄ ń ndi gīrə̄n̄ gidədə́ ní, nin̄ a nujən̄də́ kə̄ ta gə̄ tə́. Banī de kə́ Jerusalem gə̄ a na̰yn̄ kə̄ loo ndi tə́ loo ń toō tə́.

KƏLA RĀĀ 17:30

Nə́ɓā əhɔ gír ɓāl̄ gə̄ ń de gə̄ gerə̄n̄neé yá̰a̰ aĺ tə́ ní to̰ alé. Banī ngɔlaā ni-tāā de gə̄ malang kə̄ loo gə̄ tə́ kadə̄ tūrə̄n̄ háĺdə́.

JAKARI 14:15

Dā̰ gə̄ malang kə́ kem gérger gə̄ yā madə̄ ba̰ā̰ gə̄ tə́, adə̄ i sə́nda gə̄ ō, kərō rapáy gə̄ ō, jámbal gə̄ ō, kərō gə̄ ō ní, yá̰á̰ kə́ tōr̄ gə̄ ń rāā deē ndul gə̄ ní, a rāādə́ nin̄ ō.

JAKARI 12:11

Kum mbang ngeé ń noō tə́ ní, kəhɔ ndoō kə́ ngá̰ý a to kem ɓē kə́ Jerusalem tə́, tām̄ yā de kə́ koy tə́, tītə̄ kəhɔ ndoō Adad Rimon kə́ wól loo kə́ Megido tə́ beē.

JAKARI 10:5

Nin̄ a ton̄ tītə̄ go̰ rɔ̄ɔ̄ gə̄ beé. Nin̄ a rējə̄n̄ ngé rɔ̄ɔ̄də́ gə̄, tītə̄ bɔr kə́ kum róbə kɔsɔɔ́ beē. Nin̄ a rɔ̄ɔ̄n̄ tītə̄ ń noō i tɔdɔ̄ mā ń i Kɔ́ɔ̄ɓē ní, mā i sedə́ naā tə́. Rɔ̄ ngé kal̄ sə́nda yā madə̄ ba̰ā̰ gə̄ a sɔl̄də́.

JAKARI 9:8

M-ā m̄-njə̄rā kə gō gidə ɓē yāḿ yā kəndāń kumḿ gírən tə́, ba rɔ̄ɔń dɔn tə́, najə̄ yā madə̄ ba̰ā̰ gə̄ ń a aw̄n̄ ō, a télən̄ ō ní tə́. Ngār kógə̄ḿ kə́ tə̄rā a reē yā rējə̄ gír deē yāḿ gə̄ to̰ alé. Tām̄ ngɔlaā ní, m-ə̄ndā kumḿ gír deē yāḿ gə̄ tə́.

DANIEL 9:18

Ɓɔ́ Nə́ɓā yāḿ, ī-nēl̄ mbīí ōoń! Ī-teē kumií ba á̰a̰ loo yājí kə́ nujə sák sák gə̄ ō, á̰a̰ ɓē ń rīí ɓār̄ dɔ tə́ ní ō! tɔdɔ̄ jə-rāāī ɓɔ́ i kə ta kūl̄ yá̰a̰ rāājí kə́ gōtə́ gə̄ alé, ba i tām̄ kum ko̰ yāí kə́ ngá̰ý tə́.

EJEKIEL 39:20

Loo yá̰a̰ kəsa kə́ ngá̰ý ngeé ń noō tə́ ní, ā ə́saī yá̰a̰ tītə̄ ń kemsí ndigə ní. Ā ə́saī sə́nda gə̄ ō, ngé kal̄ sə́nda gə̄ ō, áskar gə̄ ō, ngé rɔ̄ɔ̄ kə́ tayā tayā gə̄ ō. Najə̄ ń mā Kɔ́ɔ̄ɓē Nə́ɓā m-ə́dá ní n noó.

EJEKIEL 38:4

M-ā m̄-mbutə taí kə gində̄ kə́ ruguú ō, m-ā m̄-ndɔ́rī dɔ gúú tə́ ō. M-ā m̄-teē seí kɔ̄ɔ́ ɓē yāí tə́, ḭ̄ ō, ngé rɔ̄ɔ̄ yāí gə̄ malang ō, sə́nda gə̄ ō, ngé kal̄ sə́nda gə̄ ō, sḭḭ̄ malang ní kə kūbə̄ kə́ majə ngá̰ý gēé rɔ̄sí tə́. Ā ī-téliī ɓūtə̄ áskar kə́ ngá̰ý gə̄, kə́ yá̰a̰ rɔ̄ɔ̄ yādə́ i der ō, kaskar ō.

JEREMI 24:6

M-ā m-ə̄ndā kumḿ dɔdə́ tə́ majə ō, m-ā m̄-tél yā reē sedə́ gogə́ kem ɓē ń toō tə́ ō. M-ā m-ə̄ndādə́ tītə̄ kújə́ kə́ ngan̄g ō, m-ā m̄-nujə sedə́; to̰ aĺ bátə́ ō. M-ā m̄-mā̰ā̰də́ tītə̄ loo mā̰ā̰ kāgə̄ ō, m-ā m̄-ró̰ȳdə́ to̰ aĺ bátə́ ō.

IJAI 37:17

Kɔ́ɔ̄ɓē, ī-nēl̄ mbīí ōoń, á̰a̰ā̰ majə. Ōō ndū ń ngámbang kəla yā Senakerib gə̄ tájīn̄ ḭ̄ Nə́ɓā kə́ ī-ndi kə kumií ní!

IJAI 24:21

Ndɔ̄ ngeé ń noō tə́ ní, Kɔ́ɔ̄ɓē a rāā yá̰á̰ kógə̄ḿ kə́ tə́yō̰ gə̄ malang kə́ dɔ rā̰ tə́ ō, dɔ nang tə́ laā ɓáa ni a rāā yá̰á̰ kógə̄ḿ kə mban̄g gə̄ kə́ dɔ nang tə́ ō.

NEHEMI 1:6

Ī-tūr̄ kumií kə̄ rɔ̄ḿ tə́ ba ī-nēl̄ mbīí ōoń ndɔ̄ȳ yāḿ mā nge kəla yāí. Ngɔlaā ní m̄-ndɔ̄yī ndɔ̄ɔ́ ō, kadaá ō, tām̄ yājí jḭḭ ngán Israel gə̄ ń i ngé kəla yāí gə̄ tə́ ní. m̄-dəjeī kadə̄ ī-mā̰ȳ rɔ̄í dɔ yá̰á̰ kə́ gōtə́ aĺ gə̄ ń jə-rāā tə́ ní. Rɔ̄kum, mā nəkɔ́ ō, kaaḿ gə̄ ō, jə-rāā yá̰a̰ majaĺ.

2 YÁ̰A̰ GƏ̄ 7:15

Əla gír ngɔr ń toō tə́ ní m̄-tḛḛ̄ kumḿ ō, m̄-nēl̄ mbīḿ kadə̄ m-ōoń ndɔ̄ȳ gə̄ malang ń a ndɔ̄ȳmə̄n̄ loo ń toō tə́ ní ō.

2 YÁ̰A̰ GƏ̄ 6:40

Ngɔlaā ní Nə́ɓā yāḿ, ī-teē kumií ō, ī-nēl̄ mbīí ōoń ndɔ̄ȳ ń m̄-ndɔ̄yī loo ń toō tə́ ní ō.

2 YÁ̰A̰ GƏ̄ 6:20

Ādə̄ kumií i kə̄ dɔ kújə́ ń toō tə́ ndɔ̄ɔ́ ō, kadaá ō. Loo ń ə́da na ā ə̄ndā rīí dɔ tə́ ní, ādə̄ kumií i dɔ tə́. Ōō ndɔ̄ȳ ń m̄-ndɔ̄yī loo ń toō tə́ ní.

2 MBAN̄G 6:18

Aram gə̄ a aw̄n̄ kə̄ rɔ̄ Elije tə́, anī ni ndɔ̄ȳ Nə́ɓā əda na: Kɔ́ɔ̄ɓē, ī-rāā ādə̄ kum nápar de gə̄ ń toō a̰a̰ loo alé! Anī Kɔ́ɔ̄ɓē rāā adə̄ kumdə́ a̰a̰ loo alé tītə̄ ń Elije ədań ní.

2 MBAN̄G 6:14

Anī mban̄g əla de kə́ ngá̰ý gə̄ kə sə́nda gēé ō, kə púsə́ sə́nda gēé ō, adə̄ aw̄ ugə̄n̄ ndɔ̄ɔ́ ba girə̄n̄ gidə ɓē əlan̄ ta naā tə́.

1 MBAN̄G GƏ̄ 8:29

Á̰á̰ kújə́ ń toō kə kumií kə́ majaá ndɔ̄ɔ́ ō, kadaá ō. Ādə̄ kumií i kə̄ dɔ loo ń ə́da na rīí na a ɓār̄ dɔ tə́ ní tə́. Ōō ndɔ̄ȳ ń nge kəla yāí a ndɔ̄yī loo ń toō tə́ laā ní.

JAKARI 12:5

Ngār gə̄ kə́ Juda a ədan̄ kə̄ kemdə́ nin̄ kɔ́ gə̄ tə́ na: De kə́ Jerusalem gə̄ ngangə̄n̄ ngá̰ý, i tɔdɔ̄ Nə́ɓā yādə́ i Kɔ́ɔ̄ɓē kə́ bo kə́ tɔ́gən i ngá̰ý.